【職場文化】老闆鍾意挑撥離間員工關係 打工仔：連同事移民都唔畀Farewell

一份稱心滿意的工作除了能令你獲得成就感，更能為你帶來一班合拍的伙伴。不過若然遇上一個喜歡分化員工的老闆，職場生活想必非常辛苦。最近有打工仔在討論發文，表示老闆經常在員工背後搞小動作，離間同事之間的關係，甚至連有即將移民的同事離職，也不想大家歡送他。

延伸閱讀：【HR攻略】人事部每句說話都影響心情？9個令求職者失望的句子

按圖了解同事被分化的經歷： -我哋公司本身好靜，我入職嗰陣簡直可以用殮房形容，靜到一個點。
-自從隔離team有個junior嚟咗，氣氛有活力咗好多，仲感染埋我哋team。
-我開始覺得大家越嚟越有team spirit，返工都無咁悶，更加有歸屬感。
-早排有同事準備移民所以遞信辭職，個junior打算幫佢搞個farewell party。
-點知我去撳錢食飯時，隔離偷聽到老細同佢落藥，叫佢做好自己份內事。
-話咩要上位就唔好同其他同事行得咁埋，總知好明顯係挑撥離間員工關係。
-我心諗junior可以點上位，我喺度返咗咁耐，見到有得升嘅人一隻手數得晒。
-其實老細都唔係第一次搞小動作，佢成日私下周圍約同事打毒針。
-佢想我哋做出成績，但又唔想大家friend。
-老闆好驚同事熟咗之後，會團結起來一齊反佢，更加證明佢身有屎。
-雖然最後farewell party如期進行，但老細喺度公審移民同事，問佢係咪出去搵過份工。
-喺呢種環境返工，成日畀人疑神疑鬼覺得周身唔聚財，我諗住做多排搵夠返去讀書好過……

網民點睇？
-對於老闆來說，太有team spirit，好易夾埋一齊反佢，或者一炒人就拉大隊走佬。
-喺你老細眼中，員工只係機器，做嘢有output就夠，唔使講咩團隊精神。
-你明知老細鍾意挑撥離間，其實唔使太在意，你越唔care佢越無你符，當咩事都無發生過。
-又要馬兒好，又要馬兒不吃草，呢套古板管理思維根本唔work。
-大把老細都係咁，同事太熟會好難manage，最好大家鬥生鬥死搏表現，佢就最開心。
-我都跟過同一種老細，佢講到明唔想員工團結，亦會暗地裡搞小動作，等員工失去互信，仲會篤背脊，我頂唔順好快走咗。
-返工又唔係識朋友，我又覺得無咩所謂，最緊要搞掂啲嘢準時收工。

每個企業都有不同的管理人才方針，有些上司重視工作成果多於員工感受，亦有老闆關心下屬心理狀況勝過工作表現。如果你發現自己與公司理念不一致，應該盡早思考是否轉換工作環境，同時裝備自己，應付黑暗的辦公室政治。

點擊查看6大招式遠離辦公室政治：
 
延伸閱讀：【老闆蠱惑術】三位同事相繼離職 公司請人頂替卻被打工仔揭發講大話！

延伸閱讀：【職場人際】公司重視你嗎？8大線索判斷上司對你的信任度

延伸閱讀：【職場貼士】企業最渴求「T型人才」 有5大核心技能先可以生存！

【最新調查】《CTHR 2021年畢業生薪金及就業調查》結果出爐！立即下載調查報告！

⏩⏩  需要請人？立即刊登招聘廣告！  ⏪⏪