【職場兩性】睇牙被靚仔牙醫吸引 點樣認識先好? 網民:日日去洗牙檢查!

【職場兩性】睇牙被靚仔牙醫吸引 點樣認識先好? 網民:日日去洗牙檢查!

打工仔經常埋怨因為繁重的工作,而沒辦法結識到另一半,不過機會總是來得突然,沒想到看個醫生、檢查牙齒,都會遇到靚仔牙醫!這時,應不應該把握機會結識心儀對象呢?

有女網民在討論區指分享遇到靚仔牙醫的經歷:「上個禮拜換咗間牙醫去補牙,第一眼見到個牙醫就畀佢對眼吸引咗,真係好charm,跟住補牙過程中聽佢講嘢把聲都勁溫柔,雖然戴住個口罩,但成個人嘅feel就係好斯文好溫柔,下次都book咗即係又會見返佢!同朋友講咗今次真係心動咗,佢一直叫我問佢攞WhatsApp……」

延伸閱讀:【職場戀愛】男上司同男下屬打機 情到濃時鍚咗啖 網民:快啲表白!

事主不知道應否主動出擊,「諗緊應唔應該問contact,但又唔知對方有冇女朋友,咁樣問會唔會令到對方好尷尬⋯⋯真心問大家意見,Ps:本人自問對感情好認真,都好睇feel,身邊都有高質追求者,但因為真係冇乜feel,所以都拒絕咗,屬於寧缺勿濫嘅人。過去好長一段時間,都冇遇過咁令自己心動嘅人,所以遇到心動嘅人好想去珍惜,但係又真係由細到大都未試過咁嘅事,更加未試過主動去追男仔,又唔想錯過佢,又驚對方已經有女朋友,大家有咩睇法?」

 

 

網民紛紛獻計:﹙按圖了解﹚

-建議搵機會望下佢冇戴口罩個樣先!

-一開始好感度已經無乜,人哋一嚟就對住你排牙,人哋可能都無望過你個樣。

-日日去洗牙檢查!

-我補個間嘅牙醫又好温柔又幾靚仔,已睇冇口罩樣令我自卑,點解同樣係人,有啲有晒人類嘅美好呢?

-我唔想同自己個牙醫一齊,我覺得整牙個樣太樣衰,心理上過唔到……

-好似其實name card都會有緊急聯絡電話,不過作為醫生患者好似係唔太允許?因為好大程度你可能唔係鍾意佢,只係因為信任,而且佢好大程度溫柔都唔係只對你。但祝成功!

-佢對你溫柔可能係呢個係佢嘅工作mode,不過你真係有興趣就去啦!

-唔知點解第一下諗起許廷鏗!

-如果性別轉換,你係男嘅,對方係女牙醫,你一早已經畀人當係狗公……

-做過牙醫助護嘅我表示,醫生喺patient面前都真係幾溫柔嘅,但對住護士就唔係咁講。btw如果你想再見多佢一次,可以話上次補牙嗰隻有啲唔舒服,想嚟check多次。比較多patient用呢招,不過攞contact就真係難啲啦!

-搵幾十個friends去睇牙,然後話係你推薦,之後你再去睇佢,借啲意抄佢牌!

-或者咁講,如果佢對你冇feel嘅話,佢會唔敢拒絕你,因為驚會冇咗個客;有feel嘅話又唔會敢同個客一齊,因為醫生和病人拍拖係unethical。總之用病人呢個身份去接近佢,唔係一個好辦法!

 

在生活中難得遇到心儀的人,不妨勇往直前為自己爭取!不知道其他打工仔對此又有甚麼想法呢?

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……

延伸閱讀:【職場戀愛】男上司同男下屬打機 情到濃時鍚咗啖 網民:快啲表白!

延伸閱讀:【職場戀愛】男上司追男下屬 結局竟然反轉? 網民:sweet過睇BL!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow