Discovery Feed is launched!
【職場文化】老細學人搞marketing 要求員工印ig post同email…
CTgoodjobs' Editor
網上營銷愈來愈流行，亦會成為將來巿場上的大趨勢，所以各機構紛紛都着手網上宣傳，所需要的知識和技巧亦慢慢提高，不過仍有公司的做法如停流在古代……
延伸閱讀：【NGO】導盲犬同治療犬有咩分別？ 訓練員：治療犬嘅職責就係「玩」！
有網民在社交平台專頁「奴工處」上以「老闆學人搞marketing，ig post要print出嚟睇」為題，分享道：「老闆係一個想追趕潮流，但根本趕唔上嘅人。平時所有email都要print hard copy畀佢睇。最近學人搞marketing，佢話公司個ig都要print出嚟畀佢睇！真係唔知點樣print晒ig嘅Post畀佢過目。」
要將電子化的產物再倒退變回實體化的做法，實在令人驚訝！但原來事主並不孤單！有網民分享，公司的同事、甚至是自己的女朋友，都喜歡由電子化倒退到實體化……
即睇網民回應：﹙按圖了解﹚
網民：「見到呢個po，就諗起前女友將我遠古時代啲網上日記﹙如xanga﹚Print晒出嚟，逐篇審問我……佢會唔會就係你老闆？」
網民：「我都試過要colour print display ads、banners拎approval……好似返咗古代咁。」
網民：「阿邊個，你幫我print 個元宇宙出嚟。」
網民：「個腦細send email會唔會打完word save喺floppy，然後郵寄隻floppy出街？」
網民：「你做乜浪費紙張？印all pages in one嘛！」
網民：「點解個post同你印畀我份嘢唔啱色！？你哋點搞！？」
網民：「話畀老細聽，與時並進，有e paper呢樣嘢，可以show到ig、facebook、email。可以叫老細買返部，亦可以叫老細業務無紙化，全公司都可以一人一部。而選擇方面，可以推薦老細用一個好出名嘅e paper裝置，叫蘋果……」
網民：「係咪影片都要print埋，仲問點解唔識郁？」
網民：「仲要color copy，連累大家下世做樹！」
網民：「我老細仲正啦！print出嚟畀佢睇都未夠，要簽名，跟住要拎box file filing埋！」
網民：「我收過某中資保險嘅信件，入面係一份print咗出嚟嘅email，上面有我email address。唔知點解佢唔send out要畀錢寄畀我。問返佢，原來係因為我email最尾有一句：『please confirm by returning this email to me.』」
與時並進
雖然事主的老細有與時並進的意識，不過做法上卻未能趕得上潮流，作為下屬似乎只能無奈接受？不，其實可以試着向老細提議一些進步又方便的方法，可以參考網民提供的說辭，試試說服老闆，讓他作參考：「話畀老細聽，與時並進，有e paper呢樣嘢，可以show到ig、facebook、email。可以叫老細買返部，亦可以叫老細業務無紙化，全公司都可以一人一部。」
亦有網民分享一些奇遇，「我收過某中資保險嘅信件，入面係一份print咗出嚟嘅email，上面有我email address。唔知點解佢唔send out要畀錢寄畀我。問返佢，原來係因為我email最尾有一句：『please confirm by returning this email to me.』」也真的令人嘖嘖稱奇……
延伸閱讀：【NGO】導盲犬同治療犬有咩分別？ 訓練員：治療犬嘅職責就係「玩」！
延伸閱讀：【另類職人】前啱Channel演員柔柔 由幕後到＿幕前再轉做瑜伽導師
延伸閱讀：【另類職人】街巿出身空姐轉行開凍肉鋪 無暇因公司倒閉而失落：要向前行生活！
延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!