Discovery Feed is launched!
【職場熱話】老闆白事都要去做工作人員 打工仔擔憂：遲啲可能要做埋破地獄！
CTgoodjobs' Editor
萬能、萬用員工似乎是現今老闆對員工的要求，每位員工最好都是十項全能，任勞任怨！不過公司內的工作還好，有些老闆卻會要求員工幫忙處理私事，那些私事更可能是老闆家人或朋友的私事……
延伸閱讀：【NGO】導盲犬同治療犬有咩分別？ 訓練員：治療犬嘅職責就係「玩」！
有網民在社交平台專頁「奴工處」上以「份工咩都要做，遲啲可能要做埋破地獄」為題，分享道：「老闆係一個有錢家族出身，我哋員工表面打理佢公司，實際就好似做佢工人咁，大小事都要幫手去滿足佢。甚至連老闆家人或者朋友有白事，佢都會叫我哋去幫手做工作人員，唔係去靈堂拜下咁簡單，唔知下次會唔會要我哋做埋破地獄。」
處理老闆的私事已經夠煩，還是幫忙處理老闆家人和朋友的事務，這會否太過分了？如果遇有如此情況，大家會怎樣做？
即睇網民回應：﹙按圖了解﹚
網民：「其實好多私人公司嘅老細都會咁，如果人工ok咪當做份外快囉，況且你唔想做咪話唔做囉，又唔敢say no又喺度懶幽默！」
網民：「香港啲老細，搵人笨嘅招數真係層出不窮。」
網民：「同佢講，屋企人有紅事唔可以幫手。」
網民：「重點係人工，人工過3萬，我絕對ok！」
網民：「同事做埋破地獄就最好啦！」
網民：「做多幾次工多藝熟，幫老闆做嗰場咪唔會有甩漏囉！」
網民：「如果負擔好重，一定要做，無得好講；如果無乜負擔都肯做，咪奴性重。」
網民：「有人工出無問題！」
網民：「話你屬豬、屬狗、屬牛，要回避！」
網民：「破得幾多次，佢鍾意咪幫晒佢全家做囉！今次做完記得同佢講，下次記得搵你！」
網民：「有冇包唱大悲咒？」
可以Say No
其實考慮過與你的工作內容並不相關，大可以勇敢地拒絕，不過又怕飯碗不保的話，有網民提議可以說：「同佢講，屋企人有紅事唔可以幫手。」、「話你屬豬、屬狗、屬牛，要回避！」此等借口。
不過亦有網民覺得，如果有額外的人工且人工夠高的話，則可以考慮幫忙。但有網民認為事主很多餘，指：「你唔想做咪話唔做囉，又唔敢say no又喺度懶幽默！」很多人都沒有say no說不的勇氣，背後可能帶着很多無奈的原因，只是若此等事務真的超出你的工作範疇，而你又對此充滿強烈的厭惡感，可以試着以禮貌的方式婉拒。
延伸閱讀：【NGO】導盲犬同治療犬有咩分別？ 訓練員：治療犬嘅職責就係「玩」！
延伸閱讀：【另類職人】前啱Channel演員柔柔 由幕後到＿幕前再轉做瑜伽導師
延伸閱讀：【另類職人】街巿出身空姐轉行開凍肉鋪 無暇因公司倒閉而失落：要向前行生活！
延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!