【職場文化】打工仔被迫喺Annual Dinner表演 網民嘆:好地地食餐飯唔好咩?

【職場文化】打工仔被迫喺Annual Dinner表演 網民嘆:好地地食餐飯唔好咩?

新一年新開始,年尾和年頭是不少公司舉辦Annual Dinner年度晚宴的時機,不過,近幾年疫情,可能很多企業都取消了實體的Annual Dinner,改為網上形式或直接抽獎再送予員工。不知道大家對於這個安排是開心還是不開心呢?有人喜歡Annual Dinner的熱鬧,有人卻不喜歡Annual Dinner的被迫交際……

延伸閱讀:【性別歧視】男同事指責勤力女同事搏升職 大言不慚:女仔咁叻 冇人埋單!

有網民在網上討論區中表示,自己其實很討厭Annual Dinner,因為以往公司都迫員工上台表演,而且不少同事都極認真,會用上工餘時間去準備,令事主感到很為難……而最慘的是,事主的公司今年決定復辦Annual Dinner,令他覺得晴天霹靂,非常失望。

即睇事主分享及網民回應:(按圖了解)

事主:「疫情呢幾年,我哋公司都取消咗Annual Dinner,變咗派唔同嘅禮物畀員工,好似消毒洗手機、禮券、全公司大抽獎(喺email度公佈),完全唔使啲咩社交,講真,我覺得真係好好,慳返好多時間。點解咁講?因為我哋公司以往年年嘅Annual Dinner都好大陣仗!要夾晒dress code,例如要戴帽、帶黑超、打tie之類,仲要每個小組都諗一個表演項目上台表演娛賓……唔係簡單變個魔術、唱首歌就算,

啲人真係會訂晒costume咁排隻舞又或者排齣短劇咁,真係超級花時間同心神,表演前一兩星期仲要抽工餘時間去練習……我都唔明點解有啲同事咁熱血、咁投入,我淨係想安安樂樂返工放工,返屋企好好休息。而壞消息係,今年公司見防疫措施已經放寬,所以通知大家,今年Annual Dinner要復辦啦!即係我哋又要畀人迫上台做小丑啦……」

網民:「慘,好地地食餐飯唔好咩?真係唔明點解要強制參加表演。」
網民:「雖然係公司請食飯,不過要做場大龍鳳,其實唔食好過食……」
網民:「救命,已經要用工餘時間同班同事應酬,仲要表演做馬騮戲,我聽到都覺攰啦!」
網民:「我自己其實唔太抗拒,好似以前同班同學或者朋友一齊努力去做一件事咁,好熱血呀!」
網民:「有人enjoy,但其實對啲唔鍾意表演,有上台恐懼嘅人嚟講,真係壓力嚟,返工已經有壓力,連表演都要有壓力,做打工仔真係慘!」
網民:「如果冇得推,不如試吓投入多啲!」
網民:「其實我覺得幾好玩喎,有dress code,感覺大家都平等,可以放鬆玩一晚。」
網民:「我公司安排大家lunch time去食自助餐,大家嘢又唔使講,食完大家走,係咪好正呢!」
網民:「我哋公司只係喺會議室搞大食會!」
網民:「訂晒costume,咁啲錢係自費定有得claim先?不過就算有得claim,用工餘時間嚟排舞,當唔當OT?我覺得大家會唔會太認真?」
網民:「呢啲大型Annual Dinner真係好有壓力,不過都睇吓佢嘅獎品同埋中獎嘅機率,如果中獎機會大,人人都有份貴嘅禮物,咁都可以考慮一下。」

社恐打工仔福音?
疫情之下減少了很多多人的聚會,這時很多打工仔都不禁覺得,原來減少了不必要的應酬,感覺是如此美妙,不少社恐的打工仔都覺得這簡直是福音!人愈大就愈不想應酬似的,如果不用與同事們有太多的交流,卻又可以抽獎和免費到會,實在非常好,更有網民指,之前試過party在自己的座位中各自食,還可以一邊煲劇,這才是最快樂的Annual Dinner!大家覺得呢?

延伸閱讀:【性別歧視】男同事指責勤力女同事搏升職 大言不慚:女仔咁叻 冇人埋單!

延伸閱讀:【職場大考驗】好同事衰老細VS衰同事好老細 打工仔會點揀?
延伸閱讀:【過檔跳槽】主動邀請打工仔面試過檔 點知人工一蚊都唔加!網民:誠意呢?
延伸閱讀:【Netflix】《艾蜜莉在巴黎》第三季 女主Emily愛搶功勞 確立職場小人身份!


最新專訪片︰

【Office豪華旅行團】物業顧問公司辦公室似私人會所 有韆鞦櫈、免費生果!

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【薪酬趨勢】建築工人薪金有幾多?33大公營建築工程工人崗位每日工資!呢啲位日賺$2,000?

  • 【人力資源】新人難留住?2成人於入職首個月辭職!即睇5大員工快閃離職原因!

  • 【行業趨勢】最多人主動辭職嘅行業係?呢行被炒嘅人多達1萬人!即睇7大職業失業人數!

  • 【職場熱話】求職者係曾欺凌過自己嘅同學 你會選擇面試奚落佢定唔見佢?

  • 【薪酬趨勢】高中畢業月賺幾多?揭曉4大類教育程度就業人士每月就業收入中位數!呢啲組別收入逾$20,000!

  • 【職場趨勢】Y、Z世代唔想做管理層!原因係覺得似做緊Intern?

  • 【人力資源】如何成為以人為本的HR ?5個於職涯成長的貼士

  • 【職場趨勢】公司鍾意喺第一季炒人?資深HR:1個原因導致呢個情況!

  • 【薪酬調整】網民統計大家有冇得加人工!過半數人表示OOOO!

  • 【薪酬趨勢】公屋人士搵幾多?3大類住戶入息中位數!差額高達$23,000?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow