Next
【職場文化】努力奮鬥 vs 返Hea工 網民：不相伯仲！
【職場文化】努力奮鬥 vs 返Hea工 網民：不相伯仲！
2022-12-16
職場上，有打工仔希望力爭上游，爬得更高更遠，提升生活質素；有些打工仔則安於現狀，唯求長時間待在舒適圈。最近有網民於網上討論區發文，指自己年約25歲，仍對前途感到迷惘。雖然家庭及經濟上不需背負太多壓力，但面對職場上的分岔路口，一時三刻難以取捨亦是人之常情，而網民的意見到底又會如何影響事主的抉擇？
即睇事主經歷：
事主：講返少少背景先，今年20中、20k人工。做咗兩年嘢，但係乜都唔識，基礎又唔算好。
事主：住緊公屋，屋企唔使你養；無另一半，經濟上亦都無壓力。
事主：返緊嗰行有牌考，如果考到會有50-60k人工，但係要犧牲你未來3-4年時間溫書、OT，仲要未必1 Take Pass。
事主：依家有另一行Offer：23k人工、唔使考牌、返工等放工，每年穩定加人工，但係人工頂盡得30k。
事主：如果係你你哋會點揀？
即睇網民回覆：
網民：做緊工程？你唔會想打一世㗎喇，轉行啦。
網民：考牌OT分分鐘搞到你甩頭髮、皮膚差、爆瘡、大肚腩⋯⋯你自己諗。
網民：辛苦嗰陣會想揀Hea工；Hea嗰陣又會想搵多啲⋯⋯睇自己啦，係咪都會後悔就不如揀辛苦搵多啲。
網民：返緊份Hea工，完全的唔起心肝走人。始終太穩定，放工時間寧願拎嚟學嘢、秘撈。
網民：考到係咪保證有Offer、有50-60k先？唔係就唔好晒時間去讀，你想讀咪做住Hea工去考。
網民：連自己前途都要上網問⋯⋯睇你自己上唔上進啦，返得嗰兩年工就Hea。
網民：其實唔係好大使嘅話你每個月再搵多啲根本無時間會比畀你使到錢，留返多啲時間做下自己嘢，過下自己嘅人生仲好啦。
網民：但係揀Hea工就同有牌嗰啲專業人士無得比。
網民：少壯不努力，老大徒傷悲。如果份Hea工保證做到一世就OK。
網民：你係覺得自己好聰明只係唔讀書，定係公司知你考牌會突然畀資源俾好Job你跟？
跳槽覓光明，搵工要精明。即睇5個搵新工要注意事項。
—留意就業市場狀況
根據數據顯示截至7月，美國就業市場平均為每個失業人士提供1.7個工作崗位，證明很多行業都需要人手。由於通脹的關係，即使不少員工滿意當前的工作，也可能會為了得到更高的工資而離開崗位。人力資源專家Johnny C. Taylor Jr.指出，雖然未必每個僱主都能支付更高的工資，但有僱主願意提供其他福利，例如：彈性工作安排、育兒及交通津貼等。如果想避免工作受經濟衰退影響，求職者亦可以考慮較穩定的行業，如食品行業、製藥及醫療用品等等。
—留意薪水是否符合行業平均數
薪水當然是找工作時首要考慮的因素，必須與行業平均數相若。另外，收入包括小費亦能納入考慮條件之一，若工作平常會經常收到小費，絕對可以增加每月的收入。假設你不肯定自己的薪水是否與行業平均數相若，可以參考CTgoodjobs的薪酬搜查 (Salary Check)。
—考慮通勤時間
如果你找的新工作時薪更高，通勤時間卻比之前長，需要付出更多金錢及時間成本，那實際上跟不換工作沒差別。新工作要是比上一份，更靠近你的家，絕對是有利的因素之一。你可以向潛在的新僱主作查詢，了解工作是否包括交通津貼。
—考慮公司福利
對每個人來說，需要的福利都不一樣，有人可能是醫療保險，有的可能是彈性工作安排。在尋找新工作之前，應該要思考一下，自己想得到的福利是甚麼，而新工作能否提供相關的福利。
—考慮工作環境
招聘平台LinkedIn職業專家Blair Heitmann指，求職在尋找新職位時，要考慮公司文化。求職者可以透過接觸現時或前任員工、社交媒體及求職平台，了解自己有意投身的公司更多。能夠了解公司是否適合自己，亦能令你在面試中佔有優勢。有專家指出，如果工作環境沒有良好的管理，或者沒有人欣賞你所做的事，可能會令員工對自己感到失望，從而減低他對工作的滿意度。
延伸閱讀：【職場文化】港日韓工作文化大不同 哪個地區工作環境更嚴苛？
延伸閱讀：【職場文化】返成日工無講過嘢 樓主呻公司環境太靜：就嚟口臭！
延伸閱讀：【職場文化】打工仔嫌返工齋坐好辛苦 網民認同：完全無嘢做好攰
最新專訪片︰
【Office豪華旅行團】物業顧問公司辦公室似私人會所 有韆鞦櫈、免費生果！
《愛．回家》英進招浩明專訪 棄高薪銀行工勢入娛圈 屢敗屢戰依然決心追夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!