Next
【職場文化】分分秒秒要向公司報告行蹤 打工仔嘆OT到凌晨都要報到…
【職場文化】分分秒秒要向公司報告行蹤 打工仔嘆OT到凌晨都要報到…
2023-08-08
身為別人男朋友的，是不是很多時候都要向女朋友報到，好讓對方安心？不過沒有女朋友都不要緊，有打工仔指連公司都要你時時刻刻都要報到，你無需擔心沒有報到的對象！
網民在社交平台專頁「奴工處」上投稿，指自己的公司要求員工經常向公司報到，就算加班到凌晨都照樣要報告，令這個公司工作group長期都很活躍，同時是長期非常滋擾……事主指：「我哋成日都要出去做嘢，公司要求我哋要喺公司WhatsApp group報時、報地點，每去一個地方都要報，如果分別去幾個唔同地方，就要分開報幾次，例子：『2/10 1130 steven 公司去尖沙咀』；如果OT到凌晨都要報，總之大家由朝早7am到凌晨3am都會被呢啲message轟炸！」
不過網民們好像覺得事主才是不懂做人的一方，即睇網民回應：（按圖了解）
網民：「Mute咗佢算啦，你可能有責任感你會真係『做野』，可能有其他同事玩串PARTY 搞到人人局住報到。」
網民：「作為受薪職員，向公司匯報工作時間內自己行蹤是正常合理的，同埋其實WhatsApp係有靜音功能嘅，除了學習社會工作常識，基本科技知識都應該學習一下。」
網民：「返工時間喎，蛇王都蛇好啲唔好畀人捉，或者捉都要有合理理由。」
網民：「做奴隸咁，呢啲工我會唔撈。」
網民：「咩工要凌晨三點報位置？純好奇。」
網民：「純影相，抽查咪得囉，講真做到嘢我真無所謂員工蛇王。」
網民：「開多個電話收工放公司。」
網民：「公司就係我女朋友。」
網民：「mute咗佢咪算囉。」
網民：「師兄連mute都唔識㩒？」
網民：「公司是你的家、上司是你的父母、同事是你的兄弟姊妹。」
網民：「我舊公司要影相報位置，仲要公司電話用紅米又慢又廢，次次都要我私人iphone影完再send返畀自己。做咗三個月就走咗。」
網民：「無風不起浪，梗係有人曾經失咗蹤或者兼職啦。」
Mute機係常識吧
很多網民都很氣憤，不過氣憤在於事主不懂得將電話校成靜音！大家都覺得事主的煩惱是自找的，不過亦有網民覺得這公司的文化太不尊重員工的私人生活，所以決不為這公司打工；另外，有網民覺得事出必有因，一定是以前有人趁上班時偷懶，才會有此規矩吧？
有網民指：「作為受薪職員，向公司匯報工作時間內自己行蹤是正常合理的，同埋其實WhatsApp係有靜音功能嘅，除了學習社會工作常識，基本科技知識都應該學習一下。」以建議事主。
延伸閱讀：【職場辛酸】參加親人喪禮 卻被工作訊息轟炸 打工仔：連請喪假都要騷擾我⋯⋯
延伸閱讀：【職場文化】警世！千祈唔好同40+「老海鮮」有交流！網民：喺佢哋眼中後生就係罪！
延伸閱讀：【職場文化】幫同事返工打卡 畀老闆發現咗！老闆咁做 被網民大讚好人！
最新專訪片︰
【HR Guru】華御結首推「全職員工子女醫保計劃」為員工分憂解難 董事長西田宗生笑言：我是公司最底層
Look out for further updates on our Facebook fan page!
Follow CTgoodjobs for the latest career news, hot topics and recommended jobs!