【職場打扮】畢業生學電視劇見工着西裝經理偷偷問秘書：我今日要見客咩？

CTgoodjobs' Editor

Published: 2025-06-01 18:15

Updated: 2025-06-01 18:15

不少畢業生面對「人生初體驗」見工面試時，也會為當天的依着打扮苦惱萬分。見工衣着主要分為三種包括：Business Formal（商務正裝）、Business Casual（商務休閒）及Smart Casual（精緻休閒），主要視乎工種而決定衣着。

網民在網上平台「Threads」上分享自身剛畢業時見工面試的經驗指，初出茅廬的他決定參考電視劇的劇情，誤以為見工面試必然要穿西裝。過於「正式」的他，令面試公司的經理也不感問秘書「我今日有客要見咩？」引來全場爆笑。

即睇事主分享及網民回應：（按圖了解）

事主：以前睇電視以為面試都要着西裝，於是剛畢業嘅我就着咗西裝面試。結果一到門口，辦公室嘅人對我非常客氣！仲請我飲嘢食甜品！之後經理問「我今日有客要見咩？」我話我係嚟面試！全場嘅人即刻爆笑！然後我無被錄取……

網民A：我之前着連身裙去面試，結果店長話：「我哋餐飲業要做粗重嘢……

你頂唔頂得順啊？」第二日仲特地打畀我話唔請我……

網民B：到底要着咩！我之前正裝打扮見嘅工都無請！

網民C：之前面試遊戲公司，第一次着西裝唔請，見第二次學乖着搖滾樂團Tee就請……

網民D：我之前着西裝去一間科技公司面試，櫃檯以為我係銀行嘅人……

網民E：之前着西裝面試Sales，佢話我以為你面試殯葬業！

網民F：呢個年頭嘅公司愈來愈唔正常！

網民G：要睇公司文化！

網民H：睇行業啦，唔係你唔重視面試，而係對合時宜穿搭無認知，例如你唔會應徵救生員着西裝見工？

不同職位對衣着要求差異大，例如金融、法律等專業行業適合穿正式西裝，而創意、科技或餐飲行業則較偏向休閒或半正式裝束。求職者應事先了解目標公司的文化及職位性質，選擇既得體又合適的服裝，展現專業形象同時保持舒適自然，避免過度或不足的穿着。同時避免穿着便服、涼鞋、布鞋及露趾鞋等。根據公司文化選擇合適的Dress Code，尊重職場禮儀，給面試官良好第一印象，增加成功機會！