Next
【職場八卦】同事拎過年食剩嘅朱古力當情人節禮物 事主：金幣朱古力都好意思送？
【職場八卦】同事拎過年食剩嘅朱古力當情人節禮物 事主：金幣朱古力都好意思送？
2023-02-16
農曆新年期間，為求新一年能夠豐衣足食，家家戶戶都大排筵席，烹製大量美食招呼親朋戚友。但新年過後總有大量食物剩下，造成浪費。今日有網友於香港討論區發文，指公司有同事將新年吃剩的朱古力金幣「一朱兩味」，當成情人節朱古力向同事派發。到底這種行為應被理解為孤寒庹縮，或屬節儉的美德？且看一眾網友如何反應⋯⋯
即睇事主詳細經歷：
事主：大家都知道，情人節有人會送朱古力，今日公司就有個同事拎咗一堆朱古力返嚟請我哋食，祝我哋情人節快樂。
事主：按理收到朱古力係幾開心嘅。但我一睇，竟然係金幣朱古力⋯⋯乜咁多謝呀？金幣朱古力可以話係過年最難食嘅朱古力之一。
事主：個同事仲要好大聲話：「過年嗰陣食剩好多朱古力，所以拎返嚟畀大家，情人節快樂！」
事主：唉，雖然知道同事一番好心，但係真係寧願佢唔好送好過，我自己屋企啲朱古力都未食完⋯⋯
即睇網民回覆：
網民：禮尚往來，你都可以拎返你屋企嗰啲回禮，又或者送返上年清明拜山隻雞畀佢。
網民：以前有個同事又係新年食剩好多年糕，拎咗嗰底食剩一半嘅年糕返公司送畀我！。我放工即刻扔咗佢，當我十世未食過咩？
網民：佢一片好心又咁熱情，好難拒絕佢喎！
網民：Check吓啲朱古力有無過期先，一陣食到肚痾就大鑊！
網民：喺佢面前收咗佢，你返到屋企食唔食都無人知啦！
其實網友們介意之處除了因為朱古力金幣不符合情人節氣氛，更重要的是將新年吃剩的食物轉贈同事，要其代為處理，感覺不被尊重。雖知同事不想浪費食物的出發點是出於善意，但若果因此而無意得罪同事，就真的非常無謂。因此如果下次再出現同類事件，嘗試承擔責任，自己將餘下食物解決吧！
即睇職場7個得罪同事乞人憎行為！
即刻按圖了解更多。
延伸閱讀︰【職場八卦】老細請晒全公司去飲表妹喜酒 網民糾結點算好？
延伸閱讀︰【職場八卦】上司自卑心作崇? 打工仔：想我留難新人趕佢走
延伸閱讀︰ 【職場八卦】女同事彈出又彈入 Last Day翌日再回巢
最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮
Look out for further updates on our Facebook fan page!
Follow CTgoodjobs for the latest career news, hot topics and recommended jobs!