【職場人際】Team Building一日真係有用？打工仔感嘆：不如每人畀封利巿仲好！

2021-11-10

大家與同事的關係好嗎？合作得來嗎？有團隊精神嗎？公司有沒有為大家設計一些team building活動，希望加強大家之間的連結，使日後合作更加順利嗎？不過，一日的team building活動，真的可以令大家增加團隊精神嗎？

延伸閱讀：【另類職人】前啱Channel演員柔柔由幕後到幕前再轉做瑜伽導師

有網民在社交平台專頁「奴工處」上以「搞team building，不如折現一人畀封利巿」為題，分享：「即係咁，如果做老細嘅認為搞個一日半日嘅team building，真係會build到條team的話，我都改變唔到呢個天真無邪嘅想法，老老實實返工一日見8個鐘人工包嘅，返工以外時間我想做返工以外嘅嘢，唔想去乜鬼嘢team building，你條team唔會因為咁鍾意返你㗎，你不如折現一人畀封利巿，然後用啲時間自己檢討自己啲management有幾屎啦。」

此題目令網民感受甚深，紛紛留言討論！大知道大家對team building有甚麼想法？在工餘時間進行team building活動，又是否很趕客呢？

即睇網民回應：﹙按圖了解﹚

網民：「Team building 係人都知做樣啦！」

網民：「好明顯佢係公司嘅基層，Team Building係用嚟一次過畀啲老闆和高高層去認識一啲基層同事，或公司大，尤其是喺唔同國家分公司嘅人去認識不同會合作的人。因為一般只會用email去聯絡。再其次係畀HR交功課。」

網民：「我唔會拒絕Team Building，但我要求老細們一齊落場chur盡佢，唔好做評判啦！」

網民：「好似《魷魚遊戲》啲老細以為自己VIP，唔肯落場。」

網民：「老細請全公司去夜場玩一晚，效果應該更加好！」

網民：「如果老細願意為團隊付出，而你又無心合作，問題出在哪？」

網民：「工時內ok，工時外私人時間，間公司你冇份，所以唔ok。」

網民：「要合作嘅就辦公時間內合作啦，要人工餘時間嚟遷就自己合作，咁叫為團隊付出？」

網民：「最慘就係每次推啲同事出嚟搞team building，浪費大家時間，同事又唔係專業搞手，老細又諸多要求。」

網民：「條team本身好團結就話無所謂啫，如果本身各懷鬼胎就真係嘥時間喇！」

網民：「除咗Team Building，仲有種叫康樂會嘅嘢，喺唔同部門嘅之中欽點同事做committee，然後喺年中搞幾個活動，雖然係公司科水，但活動永遠喺收工或weekend先進行……」

網民：「Team building 完全係留難HR同Admin同事嘅玩意。」

網民：「Office hour攪team building我十分支持，放工後或星期六日攪我就唔多想囉！」

網民：「我覺得大時大節食餐勁嘅，抽獎嗰啲OK喎！不過首先都係真係同班同事夠friend先得。我曾經做過一間細公司，老闆日日四五點開紅酒，少少燒味點心一齊食，其實幾開心！試過有老闆每個月畀幾百蚊我哋成班同事仔去買零食嘢飲，錢唔多但都開心，另外就係同事，老闆識揀人都好緊要，唔願意teamwork太勉強又真係好辛苦。」

工餘時間？不了
有網民覺得team building不是大問題，只是希望老細們不要像《魷魚遊戲》的VIP般，只觀看和做評判而不參與，若他們都可以全情投入，相信會有更好的效果。不過亦有網民覺得，公司將team building活動定在工餘時間舉行，真的很難令參與者抱着欣喜的心情參與，因為：「要合作嘅就辦公時間內合作啦，要人工餘時間嚟遷就自己合作，咁叫為團隊付出？」、「工時內ok，工時外私人時間，間公司你冇份，所以唔ok。」

亦有網民分享，認為不一定team building活動才能令同事與上司間的關係增進，「我覺得大時大節食餐勁嘅，抽獎嗰啲OK喎！不過首先都係真係同班同事夠friend先得。我曾經做過一間細公司，老闆日日四五點開紅酒，少少燒味點心一齊食，其實幾開心！」

不知道大家會揀team building、飲飲食食、還是折現現金呢？

延伸閱讀：【另類職人】前啱Channel演員柔柔由幕後到幕前再轉做瑜伽導師

延伸閱讀：【另類職人】街巿出身空姐轉行開凍肉鋪無暇因公司倒閉而失落：要向前行生活！

延伸閱讀：【另類職人】自小幫家人開雞檔現以跳舞、演藝為生 Catry：從來冇為街巿出身而自卑！

延伸閱讀：【另類職人】凶宅清潔師見盡凶案現場血跡未算最驚心更試過被報夢…

延伸閱讀：【戶外工作】以新聞攝影紀錄歷史上山下海、更曾中彈只憑一份使命感

延伸閱讀：【另類職人】劍擊十年由運動員到社工轉職感言：兩者最着重同是「溝通」

⏩⏩ 需要請人？立即刊登招聘廣告！ ⏪⏪

Tags︰