【職場人際】完美主義同事做嘢Chur到盡 事主：原本輕鬆嘢都變得好難做！

每個人對工作的看法不同，有人為了對自己的要求為工作設立高標準的目標；有人則認為工作只屬於生活的一部分，凡事做好本分即可。當這兩種價值觀相異的職人在職場相遇，又會擦出甚麼火花？有網民於連登討論區發文討論，指公司的完美主義同事經常於工作上吹毛求疵，本來能夠輕鬆應付的工作也變得紛繁複雜。對於這種執着完美的同事，一眾連登網民又有甚麼看法？

+4

+3

事主：我覺得返工嚟講，只要過到關唔出錯就可以。

事主：但身邊就總有啲完美主義、懶係認真嘅同事，唔知點解同一份工但就極認真。

事主：搞到一啲原本可以輕鬆做嘅嘢都會變得複雜咗、多咗野做！

事主：完全諗唔明點解佢哋要咁；當然佢哋都會唔明點解我哋咁Hea⋯⋯

事主：人生苦短，打返工啫，大家一齊Hea吓過到關咪算囉！

事主：自己真係好怕啲完美主義者，大家喺職場上又有無遇到？

即睇網民回覆：

+6

+5

網民：啱呀！呢個世界真係好多完美主義者同工作狂做壞晒啲規矩，唔講仲以為間公司係佢開嘅。

網民：好同意！問親Deadline都話盡快，我十萬樣嘢做點快畀你？

網民：上一份工就係頂唔順呢啲同事走咗，結果依家搵到份價錢、假期一樣，但工作量少10倍嘅工。

網民：真，大家都係搵啖飯食，交到功課、月尾有糧出咪算囉。咁上心以為公司有得分畀你咩？

網民：識人又係同樓主一樣心態返工，覺得過到關就得。但問佢同事先知，佢Hea到啲野過唔到關之餘又返工遲到、收工準時走，要人幫佢執手尾。

網民：有時認真都唔緊要，佢自己解決返個問題就無所謂，反而有啲人懶係認真搞屎棍最後又收唔到科，同佢哋做嘢真係得啖笑。

網民：公司試過有人投訴同事Lunch Time傾偈嘈，Lunch Time都唔畀人傾吓計，你當你自己返緊圖書館咩？

網民：捉到你有少少錯就開大聲公Mode：「邊個邊個呢度錯喎！」自己做錯嘢嗰時就推落人哋度⋯⋯

網民：試過有同事話點解唔做埋手頭啲嘢先，我話唔啦、要收工，聽日先做。佢問返我咁趕住收工做咩。

每個人性格不同，價值觀亦會不同，於工作上存在分歧亦在所難免。想在職場中與身邊的同事合作愉快，便要投其所好，因應對方性格轉換自己的態度行為，與對方愉快相處。

快速了解同事五個人格性質：

+15

+14

+17

+16

延伸閱讀︰【職場人際】上司不講人情  事事跟足規矩 下屬：做上司都要有公關

延伸閱讀︰【人際關係】與富二代老闆爭執被秋後算帳 罪名：嚴重違反職場規定

延伸閱讀︰【人際八卦】男同事成日喺公司指指點點 樓主：平時喺屋企做開王子？

延伸閱讀︰【人際關係】返工放工兩個樣 樓主：明明屋企人先係最好！

最新專訪片︰
【星級斜槓族】Win Win楊安妮無悔拒入COLLAR 感恩可平衡藝人及跳舞老師兩個身分 報名《造星IV》時竟向193示愛？！

⏩⏩  需要請人？立即刊登招聘廣告！  ⏪⏪