【聖誕熱話】打工仔聖誕想脫單？交友App五大禁忌你要知！

2023-12-18

聖誕節的歡樂氣氛處處，很容易會看到街裡愛人一對對，單身打工仔反觀自己，仍是孑然一身，特別希望身邊有一個人可以分享溫暖……所以，每逢大時大節前，交友App的使用率和Speed Dating的參與率一定比平時多好幾成！

延伸閱讀：【聖誕節】Speed Dating定用交友App好？最多單身職業係工程師、醫生……

不過，交友App和配對服務都只要一種方法，怎樣去與對方溝通和相處才是大家要面對的課題。不擅於溝通的人，總是不小心就踩了以下的地雷！有OL讀者Karry分享自己使用交友App的經驗，她笑言都遇到過不少怪人，除了網上很多文章都有分享過的各大禁忌如不放相片、拒絕見面等等外，她覺得下列禁忌都是容易令人反感的舉動。

即睇交友App五大禁忌：﹙按圖了解﹚

+11

+10

．1 以共同朋友展開話題
-Karry：「因為我工作嘅同事以女士為主，自己識嘅大、中、小學同事，都冇咩心儀對象。」

-Karry：「所以我先開始用交友App去識吓其他人，當係有個新開始，展現一吓唔同嘅面向。」

-Karry：「而我試過有人喺App度未match到已經send句開場白畀我：『你係咪Fion個姐姐？』」

-Karry：「其實我真係唔係好鍾意呢啲開場白，用共同朋友做開場白，你想我哋之後不停講你嗰位朋友？」

-Karry：「我都知一開始係要用共同嘅事物展開話題，但用共同朋友、親人就好似唔太適合。可能有啲人根本唔想畀身邊啲人知用緊交友App呢！」

．2 過於熱情
-Karry：「我都好怕口花花一類嘅男仔，先傾咗一日，第二日就話好掛住我。」

-Karry：「又話成日都諗住我，大佬，你連我真人都未見過，又唔知我實際係點。」

-Karry：「可能我有口臭、體臭呢？遇到呢啲人我都唔知點應好，好多時都只係答：『哦，係嗎？』」

．3 報告式交代一天事情
-Karry：「我遇到過極品真係！佢通常朝早一句早晨之後就會消失。」

-Karry：「然後到咗夜晚，先會點列式咁樣報告佢今日做過啲咩。」

-Karry：「好似幾點開會、去咗邊食飯、食咗咩、工作上跟緊咩project等。」

-Karry：「係一大篇文字message，咁我係咪要逐點回應？咁樣係溝通咩？」

-Karry：「好似交差咁，都唔知佢段字係咪一次過send畀其他女仔。」

-Karry：「報告式交代完之後，但又冇心機聽你講返，我覺得溝通係要一問一答式嘅互動先健康。」

．4 審問式了解背景
過度分享令人反感，但過度了解同樣都會令人反感！若有玩過交友App，都可能會被一類審問專家煩擾過？有些人一來便已經很想了解你是否符乎自己的擇偶條件，如不停問你做甚麼工作？你有哪些家人？關係如何？有買車、買樓未？煩到令你覺得自己是犯人一樣。其實談話是可以一步一步來，循序漸進式才會令人舒服，太過心急的話，只會有反效果。

．5 開黃腔
令女生最討厭的，可能是不太熟稔的情況下，對方已不時開黃腔，這只會令你建立起另有所圖的猥瑣形象，Karry指：「試過有個男仔，傾咗兩日，佢就問我仲係咪處女！又試過有一個share佢啲AV珍藏片名畀我睇！雖然女仔有時都會鹹濕，但一嚟就咁，好似有啲過份同唔尊重，真係令人尷尬……」

不論使用交友App還是Speed Dating等配對服務，溝通的技巧還是需要好好磨練才會有所進步，不會嚇怕對方！加油！

延伸閱讀：【聖誕節】Speed Dating定用交友App好？最多單身職業係工程師、醫生……

延伸閱讀：【聖誕節】Speed Dating活動種類多整蛋糕、郊遊最受歡迎竟然係…

延伸閱讀：【時鐘酒店】新式主題爆房吸年輕人負責人：SM、和風乜都有！

延伸閱讀：【時鐘酒店】分手嗌交、玩屎都未算衰最驚係成床OO！

延伸閱讀：【聖誕熱話】公司聖誕聚會二百蚊交換禮物提案！網民：日本米一包

延伸閱讀：【2020聖誕節】「翻版吳彥祖」都參加Speed Dating？知名女KOL多次配對竟然脫單失敗？

延伸閱讀：【2020聖誕節】單身男女節日出Pool攻略 Speed Dating醫護人員最搶手

⏩⏩ 需要請人？立即刊登招聘廣告！ ⏪⏪

Tags︰