Next
【網絡熱話】同主管報備遲到後仍收警告信 網民：早走早著
【網絡熱話】同主管報備遲到後仍收警告信 網民：早走早著
2021-08-30
轉工考慮因素有很多，而主管的好壞，更可能直接影響辭職的決定。有網民在社交平台《奴工處》投稿，指自己返工兩星期因事遲到兩次，每次都有向主管報備，但最後仍收HR警告信，深感無奈。其他網民一面倒叫事主辭職轉工，究竟事發經過是怎樣？
按圖了解事發經過和網民回應：
事主：「返工兩星期收警告信，小妹新入職遲到兩次，第一次係早排炒車，同主管講完，佢話唔當遲到。」
事主：「第二次係黑雨嗰日，又係同主管備案，諗住無事。」
事主：「點知收警告信，話黑雨遲咗20分鐘。HR就話，同完主管講，再同我哋HR講先得。」
事主：「主管只係答：「係咩，我都唔知。」」
事主：「其實不如一次過講晒我要同咩人備案啦...」
事主：「最後其他同事仲話，咁多年都係同主管講就得。你都係自己睇路啦！」
網民：「主管明跣你，仲唔走等畀人炒咩？」
網民：「走啦，仲諗？」
網民：「黑雨遲廿分鐘都要出警告信，早走早著。」
網民：「黑雨遲到都要出警告信，呢啲工我會即刻辭職，叫佢自己做埋佢。」
網民：「一般只需向主管備案，HR好似玩嘢喎。」
網民：「呢啲都係辭職罷啦。」
網民：「垃圾公司嚟，個上司仲要A字膊。」
網民：「對人唔對事。」
網民：「唔係警唔警告嘅問題，係明跣你嘅問題。不如諗下你邊度得罪佢？」
網民：「算啦，咁樣食兩次warning，索性quit咗佢，再公開公司同上司名啦，畀guts出嚟。」
假如你是該名事主，又會否馬上辭職呢？其實轉工前要考慮清楚，下面就為大家列出3個簡單步驟，助你自我評估轉工的決定。
3個步驟自我評估轉工決定：（按圖了解）
延伸閱讀：【職場貼士】公司面臨倒閉有先兆？7個要盡快轉工的警號
延伸閱讀：【職場貼士】啲員工成日對你黑口黑面？有呢5大跡象就要小心自己做咗有毒上司
Look out for further updates on our Facebook fan page!
Follow CTgoodjobs for the latest career news, hot topics and recommended jobs!