【絕世好工】裁員潮當道仲有高薪Hea工? 網民一人一個高薪Hea工大全!最高時薪$600!
CTgoodjobs' Editor
即使在裁員潮下,市場上仍有不少「高薪Hea工」選擇,時薪$600並非都市傳說?不少打工仔也希望可覓得一份彈性高、壓力低、入行門檻低,收入吸引的工作!可是在經濟不穩、裁員潮頻現的大環境下,「高薪Hea工」的選擇還有多少?
網民在網上平台「Threads」上發文詢問網民的工作日常,有沒有一些工作壓力低「好得閒」可是又薪金高,引來一眾網民熱議分享!有網民指自己正在從事一份時薪$600的工作,而且工時短!亦有網民分享朋友月薪近12萬,每天實際工作的時間只有2至3小時,非常休閒!到底如此吸引的工作是甚麼?
即睇「高薪Hea工」有啲咩!(按圖了解)
事主:有無人返工係好得閒但係人工又高㗎? 網民A:時薪$600,但工時短!做補習! 網民B:朋友做海關!月薪12萬!超得閒!每日真正工作時間約2至3小時!網民C:我!FG,人工唔係異常高,不過高過岀面!
20日AL!做得晒啲嘢可以遲返早走!
網民D:我係廚師!正常情況好得閒,但一有嘢做就好忙因為One Man Band,人工係入息中位數高啲!
網民E:望吓坐房個啲!
網民F:私補,試過幫有錢家庭補習,仔仔本身叻,補習嗰陣佢媽咪又自動波去咗成個下午Shopping!
畀啲練習仔仔做,同叫佢寫2篇Essay, 咁就差唔多6個鐘但教佢嘅時間2個鐘都無,收$800/Hr!
網民G:飛機師算唔算?起飛之後就望住就得!返工仲可以瞓吓覺,傾吓偈!
又唔使讀過大學!
網民H:我份工係好得閒,但人工唔高!
網民I:墳場看更(夜班)!
網民J:有的話叫埋我去返工Thanks!
網民K:樓主先定義吓咩叫得閒,咩叫人工算高!
「高薪Hea工」仲有咩揀!又搵幾錢人工?(按圖了解)
家務助理
彈性兼職,時薪約$125-$208,旺季可達$200+,主要負責簡單家務清潔。
行政助理(大學/機構)
文書處理、工作量較輕,月薪$25,000起,學歷門檻低,工時固定。
婚禮化妝師
按單計酬,時薪$300-$600,單日工作,需證書或經驗,旺季需求高。
遛狗員/寵物保母
彈性時間,時薪$150-$200+,部分海外地區更高,無需專業資格。
網站測試員
遙距工作,時薪$200-$300+,只需基本電腦知識,按單計酬。
政府臨時職位
部分崗位工時短、福利佳,月薪$18,000-$42,000,按職位要求。
警隊臨時OT
特殊津貼時薪可達$600,需相關職位資格,屬臨時性質。
Focus Group 受訪者
參與意見調查,時薪$200-$300,無需經驗或專業技能。
展覽會臨時工
負責場地協助、登記等,時薪$150-$250,彈性兼職,無需專業背景。
兼職活動助理
活動支援、場地安排等,時薪$120-$200+,適合學生或副業人士。
即使在裁員潮下,「高薪Hea工」在市場上仍有不少選擇。但這類工作多為兼職、臨時性質,適合追求彈性、短期收入或副業人士。這類「Hea工」的競爭亦相當激烈,熱門時段或旺季時薪會大幅提升,但平日則未必有穩定工作量。隨着自動化及AI技術發展,重複性、低技術的「Hea工」未來或面臨被淘汰的風險!若希望長遠發展,還是要兼顧專業能力與多元技能提升,才能在變幻莫測的職場環境中立於不敗之地。
延伸閱讀:【人生抉擇】HEA工離家遠V.S忙工離家近 同時收兩個Offer點揀好?網民秘技竟然係接受晒?
延伸閱讀:【都市傳說?】人工$3萬嘅hea工係咪真實存在?好想輕輕鬆鬆咁返工呀!網民:外資公司大把,不過唔會請FG!
延伸閱讀:【職涯抉擇】一畢業就入到「養老級」公司!Hea住做一世定跳出去捱世界?網民:唔好曬命!
最新專訪片︰
【office豪華旅行團】GT Group超日系辦公室展現年輕活力 仲有Poolside畀員工放水燈!