Next
【病假申請】公司規定SL一定要醫生紙 經期想唞一日都唔得？有病就要睇醫生 VS 一日唔使病假紙！
【病假申請】公司規定SL一定要醫生紙 經期想唞一日都唔得？有病就要睇醫生 VS 一日唔使病假紙！
2023-11-15
大家都會試過要請病假吧？但有時小病，可能只想在家休息就好了，不過公司規定請病假就需要附上醫生紙，不少打工仔都感到為難，覺得已經病到很累了，還是去排隊睇醫生，感覺有點浪費時間；有些女士更表示，有時生理痛到坐不起來，只想在床上休息，不過卻因為一張醫生紙而需要勉強自己忍痛去看醫生，但明明只需要好好休息一天便會好，非常勞民傷財。
延伸閱讀：【職場英文丨病假理由丨告假範例】肚屙？M痛？你要學識優雅的告假英文
有網民因而在社交平台專頁「奴工處」上投稿分享，不滿公司的安排，指：「有時病咗就真係只要休息就會好，但香港啲公司就迫人一定要有醫生紙！即係病到傻，仲要落街等睇醫生，花咗錢，唔食啲藥，為咗張醫生紙。」不過就有網民覺得有病需要睇醫生，都不是一個不合理的要求，大家覺得呢？
【職場健康】
減壓食物丨舒緩腰酸背痛丨防脫髮丨解決濕重丨改善「天氣病」丨捱夜不傷身貼士丨紓緩眼睛疲勞丨解決「返工焦慮症」
即睇網民回應：（按圖了解）
網民：「睇次醫生都唔平……」
網民：「我老婆之前做歐洲老細公司，病講一句就得，唔使睇醫生。佢哋都崇尚傷風感冒喺屋企唞就得，如果香港公司成日覺得人詐病，點解唔檢討吓咁多人想詐病？」
網民：「其實真係幾戇九㗎，變咗有啲人為咗唔請假，就病都夾硬返工傳播細菌同病毒，之後咪成公司啲同事陪佢一齊病囉，而且佢病咗，做事能力又冇咁好，都唔知夾硬迫人返為乜。」
網民：「唔信同事，預設佢哋會呃人。」
網民：「佢受理你張私家醫生紙算唔錯，我N年前，試過有個老細只接受急症嗰張醫生紙。」
網民：「最慘係M痛都要畀人話點解要請病假……」
網民：「我返返吓工M痛到call白車，直接畀人抬走。」
網民：「有次試過M痛到暈，根本落唔到街睇醫生，要瞓床休息。屋企唞咗一日好啲，可以行得到時，屋企附近啲醫生診所已經關門冇得攞醫生紙。好慘，結果只能攞AL。」
網民：「但如果公司唔使醫生證明，病假好易變大假。」
網民：「花咗錢但唔食藥？病咗就係為啲藥唔係為張假紙喎。」
網民：「有時只係小事頭痛或者肚屙想請半日，買排成藥幾十蚊唞唞就得，但就要張三百蚊醫生紙證明，大佬我落街要行過去，去到又要排醫生都係時間！個啲時間畀我喺屋企唞仲好啦！」
網民：「所以通常我真病會拎AL，射波先睇醫生。病到返唔到工，仲邊有氣力去睇醫生。」
網民：「無醫生証明，公司點開你病假條數？」
延伸閱讀︰【職場健康｜職場熱話｜身心健康】打工仔返工返到周身病 聽過最誇張嘅病假係？網民：男同事話嚟M返唔到工！
有公司為女同事設生理假
網民的意見正反雙方都有，有人覺得生病要去睇醫生是很合理做法，並覺得公司要求醫生紙亦非強人所難，只要保障員工可以放病假而已；不過都有網民反駁指，有時月經經痛又或者輕微肚屙，其實都未必需要看醫生，只需要在家休息一天便可以，但卻要拖着疲累的身軀去排隊睇醫生，完全沒有休息的時間。
說到月經經痛，有女網民更表示：「我返返吓工M痛到call白車，直接畀人抬走。」有些公司因為知道女士每月的不便，所以會體貼地為女員工提供生理假，有如此安排的公司都很有人情味。
不過，其實一天的有薪病假可能是公司的福利？所以需要員工提供醫生紙以證明都是很合理？為甚麼？
網民：「我都覺得好反智，何必難為員工呢，自己有病都唔想郁啦！」
網民：「唔使醫生紙放SL嘅公司其實反而唔多人放假，驚人放假嘅公司迫得太緊，個個無病都變有病。」
延伸閱讀︰【新工恐懼症丨轉工煩惱丨減壓方法】每日返工都好焦慮？擔心轉工要從頭適應過？職場新鮮人特別容易緊張？
【假期福利Q&A】
Q1. 病假一定有糧出？
A︰病假並非一定有薪。《僱傭條例》第33條指出，「僱員放病假日數不足連續4天者，無權就該等病假日獲得疾病津貼。」從此可見，僱員必須連取4天病假才有權獲發有薪病假。若連續病假天數為3日或以下，《僱傭條例》並沒有規定僱主向僱員支付疾病津貼，所以常見的單日病假是可當作無薪假。不過，若懷孕僱員因產前檢查、產後治療或流產而缺勤，僱主必須每天支付疾病津貼。根據《僱傭條例》，疾病津貼最低要求為病假首天前12個月內所賺取的每日平均工資的五分之四，意即法律只保障僱員病假薪酬為日均的80%，而非平均日薪的全數。
Q2. 年假一定可以自己揀？
A︰《僱傭條例》下的年假並非由僱員制訂，僱主有權決定年假日期，而僱員只為諮詢角色。根據《僱傭條例》第41AA條，「所給予的年假時間，由僱主經徵詢有關僱員或其代表後決定。」從此可見，自選年假實已超越《僱傭條例》的規定，屬於一種僱員福利。雖然現時大部分企業容許員工自選年假，但部分僱主仍會行使制訂年假日期權力。這情況尤常見於農曆新年期間，有些僱主會要求僱員放取部分年假，以確保公司於吉日啟市。
Q3. 紅日一定唔使返工？
A︰直至現時為止，香港仍分有「勞工假」與「銀行假」兩套假期制度，前者為《僱傭條例》所指定的「法定假日」，後者則為《公眾假期條例》（香港法例第149章）所規定的公眾假期。截止2022年，「勞工假」共有13天，「銀行假」則有17天，所以部分打工仔在公眾假期仍然需要上班。「耶穌受難節」、「耶穌受難節翌日」、「復活節星期一」和「聖誕節後第一個周日」仍非「勞工假」（即「法定假日」）。2021年7月，立法會在三讀通過《2021年僱傭（修訂）條例草案》，「勞工假」將會逐步增加至17天，與「銀行假」看齊，相關調整將於2030年完成。
延伸閱讀︰【Appraisal丨例句丨中英對照】35句實用句式大全 打工仔自我評估、上司填Form無難度
♦ 病假申請
打工仔想請病假，只要將以下三句連用，就可以清楚表達告假原因。大家更要注意保重身體，注意鍛煉和飲食，增強免疫力。感到不舒服就要馬上去看醫生。
電郵開場白
Thanks for getting back to me.
I am writing to you concerning/with regards to...
It is great to hear from you.
參考附件
Please find enclosed…
Attached is…
Please find the attached file for your reference.
As per your request, I have attached…
想請病假/事假
I wonder if I could have a day off on (date)?
I want to take a leave from (date) to (date).
I am writing to request a (number of days) day leave of absence.
延伸閱讀︰【行業辛酸｜教職員｜薪酬待遇】教師嘆工作量太多欲轉行 事主：每日都喺度燃燒生命……
♦ 5大老細最容易接受的病假理由
延伸閱讀︰【薪酬待遇丨職涯規劃】30歲難以突破月薪3萬？應該搵幾錢先係標準？事主：覺得自己高不成低不就
延伸閱讀︰【醫護入行2023】做護士係人生贏家？人工高又方便移民？工作辛酸你又知多少？一文睇清註冊護士與登記護士入行方法及薪酬福利
🌟《CTgoodjobs2023年畢業生薪酬及就業調查》結果出爐🌟
立即按此了解更多：https://bit.ly/46UT513
最新專訪片︰
【星級斜槓族】陳欣茵離巢TVB後積極多元發展 冀踏足影圈 不希望被定型為性感路線
Look out for further updates on our Facebook fan page!
Follow CTgoodjobs for the latest career news, hot topics and recommended jobs!