Next
【生涯規劃】後悔無做好Career Planning 法律系畢業生前路茫茫
【生涯規劃】後悔無做好Career Planning 法律系畢業生前路茫茫
2024-11-27
作為薪資高、社會地位高的專業人士，醫生、律師一向是年輕人夢寐以求的職業。能夠考進醫科或法律系在人生路上已是贏在起跑線。然而除了講究先天賦予的聰明才幹，後天的努力及生涯規劃同樣重要，如不好好為自己的未來計劃，職場路上可能仍會崎嶇陡峭。有位於法律系畢業的網民在網上討論區發文，慨歎自己未有做好自己的職業生涯進行規劃，現時只能於一間本地中型律師行工作，並詢問一眾網民這種情況下應該如何轉會至大型律師行。
按圖了解事主經歷：
事主：今年七月啱啱畢業，準備出年先報PCLL（香港法學專業證書）。
事主：因為Year 1、2 成績都唔好一路無信心，無報過Vacation Scheme。
事主：以為year 1唔計分所以是但考，Pass咗就算，後尾發現Year 1成績原來好重要。
事主：Year 3追成績先啱啱好畢到業。依家靠關係入咗間Local Firm邊做邊學。
事主：呢間Firm乜Sector都有做，Corporate Finance, Dispute, Criminal, Conveyancing等等⋯⋯
事主：我係直接Under我老闆，我老闆就對我好好、好肯教我，有時會講書講成粒鐘。
事主：佢都有講過如果入到PCLL可以留低喺到Train，但係人工就唔會高。
事主：我覺得啱啱入行人工低啲都唔緊要，最近要係睇前途。
事主：但如果喺細Firm做開係咪就去唔到大Firm㗎啦？
事主：我其實對金融、M&A、Securities嗰啲都有興趣，有無機會入到本地、相對細少少嘅Firm？
事主：如果我想全方位發展，係咪留喺細Firm會好啲？因為聽聞大Firm一般都分工細，會專啲。
事主：我最終目標其實係想自己開Firm做老闆，或者做生意。
事主：加上自己好想要小朋友，所以收入、目光同人脈資源都好重要，會幫到小朋友日後個人成長。
事主：見屋企人賺錢能力倒退，就不免對人生有啲灰⋯⋯所以更加想擴闊自己視野，人脈，應該點做好？
按圖即睇網民回覆：
網民：畢業出嚟一定要做律師？近年留意到唔少讀Law嘅都走去做MT / 政府 / Consulting，分分鐘仲好搵啲添。
網民：即係你又想做Corp又想入細Firm又想全方位發展？簡單嚟講即係你都唔知自己想做乜，安安穩穩入ifirm算啦！
網民：年輕人做多啲唔同嘢拓闊眼界都好嘅。
網民：可以考慮去考警察。
網民：你乜都想做，咪即係其實完全唔知自己想做乜。不如襯呢年時間睇吓自己真係想做Corp嘢定係做Liti好過啦！
網民：邊有得咁貪心話想全面啲乜都識，你搵個出嚟睇下有邊個可以個個Area都叻咁勁。
網民：既然你都識啲法律界嘅人，點解當初完全無問過佢哋，搞到啲規劃咁差？
網民：想做老闆嘅話喺細Firm機會大啲喎。不過點都要讀完PCLL先，不如你依家先專心諗呢件事，唔好諗咁多後續嘢先。
網民：最緊要諗清楚自己當初讀Law係想做乜嘢，之後嘅嘢自自然然就會清楚點做。
網民：識人最初又好似你咁，一心剩係想入ifirm，唔入ifirm情願唔做律師咁。最尾無ifirm offer就喺間中型Firm做。但又同老闆同事相處得好、自由度又大，之後仲PT教下書，月入都唔差，佢而家都一樣生活得好開心。
很多畢業生或許與樓主一樣，對前途大感迷惘，一時三刻不知該選擇甚麼行業。不妨一試這個心理測驗，測出最適合自己的工種。（按圖了解）
延伸閱讀：【職涯規劃】唔知自己想做咩點算好？選擇職涯要先問10條問題
想對法律行業了解更多？
延伸閱讀：【法律行業】麥明詩轉做商業顧問 想入行做律師有咩要求、人工？
延伸閱讀：【會考拔尖】30分女狀元讀中醫受爸爸影響 「佢係法律博士 中年讀中醫」
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!