【無良老細】打工仔做手術想請假休息老細竟然講1句刻薄說話事主：完全冇同理心！

2024-10-31

生病告假乃是人之常情，管理層理應諒解並予以支持，合理安排人手以確保工作的順利進行。然而，某些老闆卻可能缺乏同理心，對於員工的困境置之不理。近日，有網民在Threads發文，分享自己的遭遇。他表示因需動手術而請假休息，卻遭到老闆的冷漠對待。他不僅未有慰問，甚至要求推遲手術日期，最終更嚴厲批評事主。

按圖睇樓主分享及網民回應！

+13

+12

樓主：我老細完全冇同理心。我要做手術，老細問我可唔可以改期？又問我做完可唔可以返工？同佢講做完要休息1個禮拜，佢叫我自己同啲同事講，搵佢哋幫我頂更，老細仲話：同事返工要連踩咁多日都係拜我所賜。最後，我放少3日病假，同事就冇咁辛苦，老細都冇再出聲講啲咩，仲即刻好聲好氣。

網民A：其實你點解要放少？你放病假，公司冇人返工關你咩事？

網民B：就算做唔做手術都好，冇人返咪管理層同老細自己諗掂佢囉。好明顯而家老細推你出嚟做箭靶，諗住你會知難而退，唔去做手術。但係點知其他同事又好好，肯幫你頂更。要員工連踩咁多日係個老細問題，明顯唔想出去搵炒散頂更。放假／請假係員工嘅權利，何況你係做手術喎？

網民C：咁嘅態度同員工講嘢真係有啲差。

網民D：其實安排人手應該上頭職責？

網民E：好無恥！講嘢難聽過粗口，乜嘢叫拜你所賜？邊個想身體唔舒服呀？真係要轉工，完全唔當員工係人。

網民F：一份工最悲哀莫過於自己要做手術時都仲要擔心份工……BTW個老細咁冇同理心，係咪佢本身都唔太鍾意你？建議你轉工比較好。

網民G：所以我從來都主張唔可以寵老細。我唔係00後整頓職場，只係我會覺得東家唔打，打西家。你自己請唔夠人關我咩事？平時要儲吓錢，有咩不滿就走人，唔需要對老細／公司有感情。

網民H：請人請到啱啱好，即係大家有事就要死頂啦。

網民I：香港真係好多Mean精。

網民J：而家仲有啲咁嘅老闆？

網民K：老細其實唔使扭曲事實，再道德綁架你。只要員工有合理理由，Manager就有責任去應付呢類狀況。

帖文一出，立即引起網民熱議。許多網民紛紛表達不滿，認為請病假是員工的基本權利。人手的安排理應由公司管理層負責，而不是要求事主主動向同事請求調整工作班次。此外，有網民指出老闆的言辭過於刻薄，甚至扭曲事實，以道德綁架事主，完全缺乏同理心。有網友分享自己的工作宗旨，強調應該秉持「東家唔打，打西家」的態度，認為不應過度寵溺老闆，無條件滿足其要求。若職場環境有害，不妨考慮辭職，尋找更合適的工作機會，以保持自我價值與健康。

00後要出動高層阿媽幫手請假？！

+14

+13