新增法定假日

小記和好友Ivy打算一起去行山，並正在商量出發日子。

Ivy：「忙咗一排，係時候去郊外鬆一鬆，幾時出發好呢？」

小記：「嚟緊5月8號星期日嘅佛誕，就係今年起新增嘅法定假日，不如就揀呢日出發啦！咁啱嗰日係我哋嘅休息日，老闆會根據《僱傭條例》規定喺之後安排補假。咁我哋就可以盡情去户外伸展吓！」

Ivy：「太好啦！嚟緊仲會新增邊幾日法定假日？」

小記：「乜你唔知咩？法定假日由今年起至2030年每兩年逐步增加到17日。除咗有今年生效嘅佛誕，仲有2024年生效嘅聖誕節後第一個周日、2026年生效嘅復活節星期一、2028年生效嘅耶穌受難節，同埋2030年生效嘅耶穌受難節翌日。」

Ivy：「咁你知唔知其他有關法定假日嘅安排有冇改變呢？」

小記：「冇變啊！《僱傭條例》規定，所有僱員，包括家庭傭工，不論佢哋嘅工作時數同服務年資，都可享有法定假日。如果按連續性合約受僱滿三個月，即連續受僱於同一僱主四星期或以上，而每星期最少工作18小時，仲會有假日薪酬。如果僱主要求僱員喺法定假日工作，僱主就要按條例規定安排補假，唔可以畀錢代替安排僱員放假。」

Ivy：「明白晒，等我上勞工處網頁睇吓《僱傭條例簡明指南》了解多啲先。」

資料來源︰勞工處

⏩⏩  需要請人？立即刊登招聘廣告！  ⏪⏪