Next
【文化差異】上司想法五時花六時變 事主：真係唔識合作落去⋯⋯
【文化差異】上司想法五時花六時變 事主：真係唔識合作落去⋯⋯
2023-01-09
在職場上遇到無法同步的上司，日常工作定必會受到諸多掣肘、事倍功半，如果再加上文化差異的話更是苦不堪言。近日有網民於網上討論區發文，指自己與上司文化背景不同，而且對方朝令夕改的工作方式令人無所適從。事主揚言即使薪酬再高，要跟隨這種只會紙上談兵的上司也只是浪費光陰。
即睇事主經歷：
事主：內地同香港嘅文化差異真係好大，上司日日開口埋口「要破格」、「要創新」，但係口中嘅破格創新靈感來源係嚟自小紅書同抖音。
事主：啲想法五時花六時變，唔緊要，你係老闆⋯⋯但著手緊嘅計劃會因為佢前一晚睇到抖音啲拍攝手法就全部叫停，由頭再做過。
事主：然後再話你工作能力差，盛讚自己好有創意，大家都要學吓⋯⋯
事主：呢段時間，有年資不同嘅同事緊接住走，直頭等緊退休嘅都寧願辭職。
事主：日日只會同同事講「公司無咗你唔會唔得㗎！自己檢討吓自己⋯⋯」，但從來無檢討過公司最應該無嘅係佢自己。
事主：不停貶低員工價值再同你講要團隊合作，真係唔識合作落去！
事主：就算高人工，跟住呢啲老闆都覺得浪費光陰！
即睇網民回覆：
網民：老闆又係乜都唔識、鍾意認屎認屁，成日喺Group講埋啲大道理，仲要求同事一定要回覆，覆慢咗會畀人鬧。咁樣夠唔夠癲？
網民：內地女上司就未試過，反而內地男上司就試過，而且仲幾好。我諗我都算好彩⋯⋯
網民：其實都係睇人，我跟過內地女上司，講嘢有文有路、又唔會擺高姿態、對工作有要求。喺佢身上學到唔少嘢。我自己都培養過另一個內地女仔做接班人，升遷後原本條Team對佢好多好評。用人唯才，咩國藉背景其實無關係。
網民：呢種人唔識做人，唔適合做管理層，性格有問題。
細數10句上司乞人憎口頭禪。
即刻見識更多職場恐怖上司。
延伸閱讀：【恐怖上司】女上司放假照監視下屬工作 事主：搞到廁所都唔敢去
延伸閱讀：【職場文化】上司話請大家食飯 事後卻要大家夾錢 網民：佢意思係「邀請」！
延伸閱讀：【職場熱話】遇上雙面上司 入職前後兩個樣 打工仔：唔會再信任何人
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!