Next
【撤銷口罩令】老闆要求繼續戴口罩返工 事主：同未撤銷口罩令有咩分別？
【撤銷口罩令】老闆要求繼續戴口罩返工 事主：同未撤銷口罩令有咩分別？
2023-03-02
政府自3月1日撤銷口罩令，大眾的反應大致分為兩派，一方主張立即回歸「無罩生活」；另一方則持觀望態度，希望等待一段時間才慢慢停止佩戴口罩。有網民於香港討論區發文討論，指雖然政府已經宣布撤銷口罩令，但公司竟然殺出一個程咬金，勒令公司同事不能除罩上班。防疫意識甚高的老闆表明同事需要持續佩戴口罩，不戴口罩的同事將會被拒絕參與公司會議，令事主大感無奈⋯⋯
即睇事主經歷：
事主：雖然依家政府撤銷咗口罩令，已經可以唔洗戴口罩。
事主：但我老闆防疫意識非常高，平時已經叫清潔姐姐一日清潔幾次，仲會放消毒液叫我哋入公司之前都要噴吓。
事主：今日開會，有同事無戴口罩，老細就有戴住。
事主：老闆好似好驚人唔戴口罩咁樣，叫無戴口罩嘅同事戴返個口罩先好開會，無嘅話就唔好入去。
事主：有個同事就戴口罩出街，好彩公司有啲後備口罩，佢先可以順順利利開會。
事主：不過見老闆咁樣，睇嚟撤銷口罩令對我嚟講都無咩意思，返到公司都係要繼續戴。
即睇網民回覆：
網民：乜依家仲有老闆管得咁嚴㗎咩？你公司係醫院定食肆？
網民：你有機會做老闆你都會咁做，一人中招就有機會令全公司中晒，無人做嘢邊個出糧呀？
網民：打份工係咁㗎啦，除非自己做老闆⋯⋯少少事咪咁計較啦！
網民：其實口罩戴咁成日耐，隻耳仔都幾痛，你老闆都幾有恆心。
網民：咁咪順便用埋啲口罩存貨囉，反正遲啲都無咩機會再用。
網民：大把公司要員工著制服，咁又唔見人反抗？依家有糧出畀你，叫你帶個口罩就阿趦阿趄，遲下叫你化妝返工又使唔使去平機會投訴？
網民：如果公司有提供口罩畀你咪順吓佢意囉，始終佢出糧俾你；如果要求你戴但係又唔提供畀你就話知佢！
網民：無得強迫人哋戴口罩㗎喎，政府都已經取消咗口罩令⋯⋯
帖文的留言回覆大多都默默支持事主老闆的行為，即使疫情逐漸放緩，企業所承受的風險依然龐大，只要一名同事染疫即有可能傳染公司其他同事，癱瘓全公司的日常運作。縱使十萬個不願意，亦只能跟着老闆指引，繼續佩戴口罩工作。
除咗口罩就要執靚個樣返工見人？職場女生必學7個化妝不敗貼士：
口罩令Q&A
問：香港口罩令幾時開始？
答：本港的口罩令自2020年7月15日起實施。
問：香港口罩令幾時解除？
答：2023年3月1日起全面撤銷口罩令，不論室內、戶外，以至在公共交通工具亦毋須戴口罩。
問：哪類人士仍需佩戴口罩？
答：高風險地方例如醫院、院舍等，負責人可以用「行政指令」方式要求職員及訪客戴口罩。
問：本港社區隔離設施仍運作？
答：社交距離措施正式結束，至於社區隔離設施的去留，包括可否保存或其他使用方法，如有決定會盡快公布。
延伸閱讀︰【全面撤銷口罩令】行政長官李家超︰室內、戶外、公共交通工具毋須強制戴口罩 一文睇清細節安排！
延伸閱讀︰【撤銷口罩令】室內外都唔使戴口罩！打工仔最擔心：要做返好表情管理…
延伸閱讀︰【撤銷口罩令】打工仔有除罩焦慮症 怕以真面目示人 事主：連男同事都嚇走......
延伸閱讀︰【撤銷口罩令】成車得幾個人無戴口罩 事主：覺得自己好似異類⋯⋯
最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!