【打工仔裁員】打工仔工作10年突被裁 事隔2個月仍未收遣散費及長期服務金 事主：好唔好向公司發信追討？勞工法例又點講？

每逢年末時段，不少公司都會選擇裁員，以減省公司的營運成本。打工仔雖然對裁員感到愕然，但至少會收到公司發放的遣散費。若然打工仔裁員後，仍未收到遣散費，可以有甚麼方法追討呢？近日，有網民於香港討論區發文，指自己今年10月時遭到裁員，但事隔2個多月後仍未收到公司發放的遣散費，因此希望詢問網民意見，幫助他解決問題。

事主分享及網民回應

+22

+21

事主：我今年10月初畀公司裁員，去到而家已經有2個幾月仲未收到長期服務金同遣散費。我知呢2個計算方法一樣但支付期限係不同：長期服務金要7天內支付；遣散費無確切支付期限，如果員工向公司正式書面追討，公司就一定要收到信後2個月內支付。

我問過勞工處，佢話就算工作超過10年而裁員，都會定義做遣散費，問題係咪一定主動向公司正式書面追討先收到遣散費？因為我曾經簽過份「僱員終止受僱通知書」，係MPF公司抵銷長期服務金/遣散費嘅嘢嚟。但份文件我見公司係申請抵銷長期服務金而唔係遣散費。想問吓呢度係咪已經出咗事？

簽咗份文年之後，我一直認為公司處理緊，已經有2個幾月仲未收到錢，感覺公司拖緊，打電話追問又未有確實回覆。我係咪應該正式向公司發信追討？希望大家畀啲意見我。

網民A：搵勞工處啦，佢哋會畀專業意見同協助你㗎。

網民B：好似7日收唔到就要問HR啦。

網民C：勞工處要你喺兩個月內書面申索，你公司應該想拖得就拖。

網民D：離職時人事部會有張Form要你填，核對簽名後交畀MPF公司，對沖完後先可畀錢你，其他就七日之內要畀你。

網民E：各位打工仔注意，而家有公司利用打工仔唔熟遣散對沖條款，刻意唔畀遣散費，同時要僱員簽對沖紙呃僱員錢！

網民F：正常係返工last day之後嘅七日，即係最後工作日之後，部門將工作紀錄交齊畀公司有關部門，七日後出糧嗰陣，會連同所有津貼，扣錢（如有），以支票形式發放。

網民G：長期服務金同遣散費同一樣嘢嚟，好聽啲就叫長期服務金，無咁好聽就叫遣散費。呢啲都係由僱主MPF供款攞返出嚟，如果唔夠嘅話就由僱主再補錢。

網民H：法例好似唔可以超過三個月！

網民I：做咗10年，無功都有勞呀，連遣散費都想拖你，間公司真係好有問題。

網民J：你係裁員，公司應該係出遣散費畀你，而唔係長期服務金，咁耐唔出可能係有機會表格填錯，所以來來回回有交涉多咗時間。無論長期服務金定係遣散費，都係僱主責任，亦都係僱主主動處理。

網民K：你簽嗰份文件有無留低？睇清楚份文件係寫啲咩，真係唔明就唔好等，即刻打去勞工處幫手。

延伸閱讀：【勞工權益】勞工假、銀行假及年假法例 僱主僱員必讀注意事項(2024最新)

對於事主的疑問，不少網民都分享自己的看法，表示事主應該致電公司，確實詢問他們何時會支付遣散費，若然僱主敷衍了事，事主應該以書面形式向僱主申索遣散費，並且尋求勞工處的協助，這樣才能確保事主取回應有的權利及利益。有不少網民表示，事主已工作10年之久，對公司「無功都有勞」，選擇裁走事主後，卻意欲拖欠遣散費，其行為令人不齒，認為事主能夠早日脫離有毒公司是一個很好的機會，以尋求更好的職場發揮所長。

勞工法例又點講？

根據勞工法例，僱員可根據以下情況，享有遣散費或長期服務金：

遣散費 / 長期服務金計算方法

以下的計算方法適用於計算長期服務金及遣散費的款額：

月薪僱員

• （最後一個月全月工資* X 2/3） X 可追溯的服務年資

日薪或件薪僱員

（僱員最後工作的 30 個正常工作日中 由僱員選任何 18 天工資）X 可追溯的 服務年資

• 未足 1 年的服務年期則按比例計算。 * 僱員亦可選擇以緊接其合約的終止日期前 12 個月的平均工資計算。(如僱員的 僱傭合約是以代通知金的方式終止，僱員可選擇以緊接有關代通知金計至該日 為止的日期前 12 個月的平均工資計算。) # 以$22,500 的三分之二(即$15,000)為上限。

支付遣散費

僱員如欲追討遣散費，須在解僱 / 被停工後 3 個月內，以書面向僱主發出申索遣散費的通知。如有需要，勞工處處長可以將發出申索通知的期限延長。

僱主必須在收到僱員以書面發出申索遣散費的通知後的 2 個月內，支付遣散費。

• 換言之，若僱員在3個月內並未收到遣散費，便需要以書面向僱主發出申索遣散費的通知。一旦以書面形式發出申索，僱主2個月內並無支付遣散費，則屬違法，一經定罪，最高可被罰款$5萬元。

支付長期服務金

僱主須在僱傭合約終止後 7 天內支付長期服務金給僱員。

違例與罰則 僱主如故意及無合理辯解而逾期不支付長期服務金給僱員，可被檢控，一經定 罪，最高可被罰款 $35 萬元及監禁 3 年。

僱員享有遣散費 / 長期服務金與強制性公積金計劃權益、職業退休計劃利益或按 服務年資支付的酬金抵銷的情況

如僱員有權享有遣散費或長期服務金，而：

• 一筆按服務年資支付的酬金或一筆職業退休計劃利益（非歸因於僱員供款 的部分）已支付予該僱員；或
• 在強制性公積金計劃中，就該僱員持有一筆累算權益（非歸因於僱員供款 的部分），或該筆累算權益已支付予該僱員；

則遣散費或長期服務金可與上述的款項抵銷，但須與遣散費或長期服務金的服務 年資有關的款額爲限。

♦注意：僱員在同一時間，只可享有遣散費或長期服務金的補償。♦

延伸閲讀：【強積金取消對沖】立法會財委會通過335億 資助25年助分擔僱主支出 包括︰取消「對沖」安排後的遣散費/長期服務金

按圖即看美國公司CEO怒炒9成員工只因一原由：

+13

+12

延伸閲讀：【勞工法例】辭咗職仲有冇得拎Bonus？僱傭合約細則咁樣講！

按圖即看打工仔好奇他人公司裁員情況：

+22

+21

延伸閲讀：【勞工法例/扣人工】點處理同事遲到問題？遲到扣錢有冇犯勞工法例？

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪