【打工仔薪酬】工作同人工完全唔成正比邊種職業最underpaid？網民：所有厭惡性行業！

2023-11-23

不少打工仔都會將工作性質與薪酬納入職涯發展的重要因素，希望自己能於有興趣的行業大展腳拳，又可以獲得不錯的薪金。不過，有部分僱主為求減低公司成本，都會盡可能壓榨員工，務求公司用最少的支出，獲得最大的收獲。

近日，有網民於連登討論區以「有咩職業你覺得值得更高人工？」為題，詢問一眾網民認為有哪些職業是工作與薪金不成正比。帖文一出旋即引起網民熱烈討論，紛紛說出自己的看法。

延伸閱讀：【職場健康】返工好大壓力頭暈、心跳加速、日日有同事喊…

按圖了解網民回應：

+15

+14

樓主：清道夫同電梯維修師傅都應該值得更高人工，清道夫係厭惡性工作，仲要工時長，冇咗佢哋條街一定好多垃圾。電梯維修師傅平時工作環境咁差，如果維修完壞咗，整傷啲市民，又要孭鑊上身。

網民A：花王都係underpaid，佢哋又要設計場景、揀花嘅品種、栽種同保養都好需要專業知識，仲要用好多勞力！

網民B：工程都一定有份，話就話新入職已經有$20,000幾人工，但每個禮拜工時係60個鐘起跳，又會畀啲業主同地盤判頭鬧，收工都要照聽電話，諗起都覺得辛苦。

網民C：所有厭惡性行業都係，佢哋值得高人工！

網民D：一定係記者。明明以前傳理系喺文科入面係神科嚟，講緊DSE要28、29分先入到。記者搵題材、採訪、文筆要好、諗嘢要夠批判性，有時仲要做埋攝影同剪接。做咁多嘢先搵得$10,000幾，世界真係冇天理！

網民E：一句講晒，所有人工不足以應付日常生活開支（包括租金）嘅全職工作都係underpaid！

網民F：服務性行業都幾underpaid，香港好多無理取鬧嘅客，每日都要受氣畀客鬧，人工完全cover唔到受氣呢部分。

網民G：廚師要由朝企到晚，仲要長時間企喺又熱又焗嘅廚房，節日又唔可以放假休息，咁辛苦先得$20,000幾人工……

網民H：護士都辛苦，醫院長期唔夠人手，工時長，又要照顧啲病人，有時仲要幫啲患者清理排泄物……

網民I：清潔工人真係辛苦工嚟，搵嘅都係血汗錢同埋佢哋真係對社會有實際同即時嘅貢獻。以前細過睇新聞見到啲清潔工人要匿喺廁所食飯，就會好唔開心，有時見到好多保安成日鬧啲清潔姐姐，大家都喺打份工啫，使唔使咁呀？

網民J：細個認知係厭惡性工作係高人工，只係政府好多時都外判晒出去，先令到厭惡性工作極低人工。

網民K：機場搬行李嘅工，每日日曬雨淋，仲要入機艙彎低起身搬重嘢，隨時整到條腰。

延伸閱讀：【薪酬趨勢】港人月入中位數達$19,000！全港最多人搵呢個數月薪？月薪高達10萬嘅人有⋯⋯

眾多網民都一致認為所有厭惡性行業都值得更高人工，並指出例如清潔工人每天都要日曬雨淋在街道清理垃圾，工時亦比其他長，而且他們對社會有着實質的貢獻，時薪只有$50多元實屬無理，更令人感到辛酸。有網民表示，記者工作量龐大，要求亦相當高，需要每項全能才能夠勝任，但記者人工只得$10,000多元，可謂工作與薪金不成正比，使人感到惋惜。

延伸閱讀：【職場熱話】「擦鞋」同事薪金高自己20% 打工仔怨努力沒回報

按圖即看如何向上司開口提出加薪的方法：

+13

+12