【幾時辭職】最快辭職紀錄？ 網民︰返一個鐘就離職

有人說「唔試唔知份工好」，打工仔需要嘗試不同的崗位，才知道哪份工作最適合自己。對於「試工」每個人都會自訂的限期，有的是半年、三個月、一個月、一週，甚至是以小時計。在連登討論區有打工仔發起「大家見過最快幾時辭職」主題的討論，網民都紛紛分享自己的見聞：「上班一個小時就走人」。

點圖即看網民回應：

+15

+14

延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法

A/最近見到有個新人，知道要接手做咗幾十年嘅同事，Follow佢手頭上嘅嘢，返咗幾日就唔見人

B/返咗一個鐘就走人，個同事係兼職合約，主要係做處理文件嘅嘢，可能見工序多又繁複，加上佢條Team好多大年紀同事，做咗大約一個鐘就同上司講話唔做

C/兩日，嗰個係我自己嚟

D/唔好講返咗無耐唔做，就連No show都有啦

E/有次我去快餐店食Tea有個阿嬸應該啱啱入職做樓面，之後有幾個做開嘅職員姐姐，要幫佢整職員證，所以要影相定唔知點，但嗰陣班職員姐姐都好忙，個個都詐晒型咁，好似唔想幫佢搞，其中一個姐姐已經係咁鬧個阿嬸，個阿嬸見自己連份工都未正式開始返，就已經畀人鬧，當然就唔撈轉頭走人，之後班阿姐單單打打咁話，整杯楊枝咁露畀佢飲，成個過程喺我食完Tea嘅15分鐘內完結

F/一個鐘，唔對路即刻扮病走，之後間公司係咁打嚟話出返一個鐘糧畀我，我都廢事收

G/我當年一去到上完Training，放Lunch即刻走咗

H/5分鐘，Say完個Hi就唔見人

I/成Team人同新同事食完Welcome Lunch，返到Office過咗陣就唔見咗

J/一入公司，發現廁所係踎廁，立刻辭職

K/聽過有人入職15分鐘後，話個場太熱，所以唔做

L/感覺到有咩唔對路即走，係啲畢業生先會頂一年先走

M/10分鐘，聽到HR話見到EX係同公司所以要走

N/簽完約，個HR話去搵個Direct Manager傾吓先，咁我順手去個廁所先去Department報到，途中收到另一間嘅Offer，出到去交份約畀佢，話畀佢知Reject offer，由簽名嗰吓計，應該有半個小時

發現工作不適合 請勿「死頂」
招聘廣告與實際工作內容，有些微差異是人之常情，始終要落手落腳做才了解工作崗位的一切。若然發現工作不適合自己，當然是「長痛不如短痛」盡快辭職。正所謂「勉強無幸福」，強迫自己做不適合的工作，是不會有好結果。雖然這次短暫的經驗，不能寫上履歷，但也讓你更了解自己。

「伏工」有甚麼特徵？（點圖了解更多）

+18

+17

即睇6大面試中伏位：

+10

+9

延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質

⏩⏩  需要請人？立即刊登招聘廣告！  ⏪⏪