Next
【工作假期】Working Holiday真係可以體驗到當地生活？
【工作假期】Working Holiday真係可以體驗到當地生活？
2023-01-17
為了讓青年人擴闊視野的同時累積工作經驗，政府與10多個國家簽訂了工作假期計劃協議。除了可以促進文化交流，亦可推動雙方的旅遊業與發展。近日有網民於網上討論區發文，指自己一直對Working Holiday有著無限的憧憬，但因疫情關係一直未能實現想法。然而，一名剛在澳洲結束Working Holiday的朋友卻在分享經驗時，指出在職時未能體驗當地澳洲人的生活，令樓主的心情更加忐忑不安⋯⋯
按圖了解樓主分享：
樓主：未有疫情之前有打算去Working Holiday，主要係當時未搵到嘢做，所以想去外國做嘢體驗吓。
樓主：依家做嘢悶悶地，又有返想去Working Holiday嘅想法。
樓主：不過有朋友去完澳洲Working Holiday，佢返到嚟都話喺嗰邊都係放羊，反而體驗唔到澳洲人點樣生活。
樓主：Working Holiday嘅原意係想一邊工作一邊Holiday，但係咪真係可以做到又可以返工又可以周圍玩、體驗到當地生活？
即睇網民回覆：
網民：想像中嘅生活一定係美好㗎喎！你以為過到去做嘢就可以體驗到當地生活，但人哋只係當你廉價勞工。
網民：工作一排、假期一排囉。時間呢啲嘢睇你自己點安排㗎啫！
網民：十個有九個都係移民唔夠分，想利用Working Holiday搵機會啫。
網民：我契仔契新抱嘅經驗係每個月工作廿幾日、假期幾日，假期一半時間執吓屋企，一半時間去附近玩吓咁⋯⋯
網民：絕對可以體驗吓澳洲當地羊群嘅生活情況！
網民：以前啲人好鍾意乜都寫到懶美好、去到外國做乜都好⋯⋯依家咁易去到英國，仲鬼有人信咩？咪又係最低工資打雜都不如！
網民：Working Holiday只係啲人唔想畀人覺得唔做嘢掛住玩而諗出嚟嘅屎橋。如果單計性價比，喺香港搵半年錢再去玩半年仲好！
網民：其實去澳洲最重要係學英文，係咪真係體驗到當地生活根本無人知⋯⋯去Working Holiday係想提升英文水平，然後返香港搵工時可以用英文去Interview。10年前我會考得1分，去到澳洲Working Holiday先知道咩叫真係識英文，去Working Holiday嘅好處就係，衰衰地就返香港，去Apple Store搵份Sales工都有兩萬蚊一個月。
網民：農作業、旅遊同季節性工種喺旺季時要請啲廉價工人，美其名「又可工作又可旅遊」。年輕人想出國旅行又可以有些少錢喺外地生活使費，大家各取所需啫。
網民：放羊唔係澳洲人生活咩？如果淨係要你喺城市打份工，咁咪同香港一樣，你體驗咩呢？
澳洲Working Holiday詳情
香港有澳洲工作假期計劃，只要你年齡介乎18至30歲，即可申請為期12個月的簽證，允許在澳洲居住及工作，而想在當地逗留更長時間，亦能申請第二次工作假期簽證 (簡稱︰二簽)，可多停留12個月。
延伸閱讀：【日本開關】日本重推Working Holiday計劃 一文睇清申請工作簽證程序
延伸閱讀：【海外職場】香港返足7日 嫁到芬蘭做廚房好爽 港女：終於感受到咩叫生活！
延伸閱讀：【職位空缺】年薪80萬居然無人做 乜工種請唔到人？
延伸閱讀：【另類職人】打工仔變身瑜珈導師設立多元工作室 以斜槓族身份努力活在當下
最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!