工作假期二三事

Working Holiday對你嚟講究竟係Working定Holiday？

「如果命運能選擇……」人生，除了傳統「升大學、搵好工」的正路之外，應該還有其他可能性。尤其是對新世代年輕人來說，「工作」、「事業」與「打工」的定義更寬廣，Working Holiday便是其中一個選項。

有人認為工作假期只不過係去外國做基層工作；
有人覺得就算做基層都搵得多過喺香港打工；
有人擔心Take咗一年Gap year之後好難搵工；
有人相信出國有助提升英語水平從而增強競爭力……

咁究竟Working Holiday對你事業發展有無幫助？想去又有咩要注意？等小生同你一一拆解。

1/ 最佳出發時間
一畢業就去，定係做幾年嘢先去？無話絕對好同壞。前者比後者更易適應外地工作環境，始終畢業生對職場未有太多預設，白紙一張勝在可塑性高，但可能未有太多資金，去到當地若找不到工作容易出現財政困難。

後者比前者在金錢上鬆動，但要放棄現職，還要考慮去Working Holiday的機會成本（即假設繼續留任可獲得的薪金、工作經驗、晉升機會等）。

既然點都有好有唔好，就Follow your heart啦！

2/ 確立目標
Working Holiday對你嚟講究竟係Working定Holiday？你想打工、旅行、學語言、認識自我、追尋夢想定體驗異國文化？出發前一定要先確立目標，根據目標的重要性排先後次序，然後在工作假期中一一實現。

若事前抓不住主軸，隨時會白白浪費一年時間而毫無得著，或是在面對文化衝擊、種族歧視、辛勞工作的時候感到灰心迷茫，只想執包袱返香港。

3/ 往後的工作銜接
Working Holiday找到的工作大多是體力勞動型，例如農夫、侍應、房務員、工廠工人等，高學歷並不管用，與你回港後從事的行業也不一定相同。但其實你的得著不是相關的工作經驗，而是人生經歷和價值觀的改變：不斷叩門求職的過程，讓你不怕走出Comfort zone，更有勇氣嘗試新事物；從事過藍領，令你更務實也更能放下身段；體會過勞動人員的辛苦，更明白職業無分貴賤，每份工都不容易，只要對社會有貢獻，都值得尊重。

以上理論，你可以從書本讀到，但親身經歷和紙上談兵是兩回事。回港求職時，你要向僱主Sell的不是工作經驗，而是從Working Holiday獲得的思維模式、解難能力，工作態度等等，這些質素適用於任何行業任何工種，所以千萬不要被工作經驗窒礙你的求職選擇！

延伸閱讀︰
-唔想要個Offer點算好？

-搵工面試：問來問去「三」幅被

-【跟黎明學】面試甩底補鑊3招

-【職場求生術】4個記人名絕招

-給老細的話

上載日期：2016年5月12日

⏩⏩  需要請人？立即刊登招聘廣告！  ⏪⏪