Next
【家庭關係】兒子月入$30,000 父母要求畀$8,000做家用是否過份？
【家庭關係】兒子月入$30,000 父母要求畀$8,000做家用是否過份？
2023-08-15
一講到「家用」的話題，相信講足十日十夜都不會終結。究竟打工仔要給多少家用才合理？家用又有沒有「公價」？結婚後還應該給家用嗎？有打工仔認為給家用是為報答父母的養育之恩，亦有人覺得這是亞洲的傳統思想，外國人基本上沒有給父母家用的習慣，同時養育父母的想法太過時，認為應該去除給家用的習慣。
應否給家用，就由閣下自己決定，不過如果好像以下的打工仔，因為家用問題而令家庭關係變差，似乎失去當初的原意…
按圖即睇父母要求月入$30,000兒子，給$8,000家用的故事︰
自稱父母的網民分享︰「現時兩夫妻加大仔同大仔女友同住，一家四口，細仔去外地生活。供樓每月一萬，每日晚餐家中自煮，大仔每月入約$30,000，父母要求大仔每月畀$8000家用（父母全包水電煤、上網、雜費、差餉、地租、管理費），大仔話父母咁樣做非常刻薄、自私，想榨乾晒佢啲錢。我只係按每月家庭最低消費$16,000計，叫佢畀一半，佢話層樓唔係佢嘅，佢冇理由要畀埋供樓條數。我叫佢畀$6000，當交租每晚唔煮飯。佢覺得貴，話出面租房好平。我都想知咁樣要求，係咪真係好刻薄？係咪太過份？」
網民A︰雖然細仔喺外地生活，佢多多少少畀啲，當一個月$2,500，大仔畀$6,500 ，可能好啲。
網民B︰叫佢用6000出面去租房啦！
網民C︰一個人住$7,000，兩個人住$8,000唔過分啦，但而家一齊住咗兩年，可能你兒子有結婚壓力，要儲蓄。你係爸爸定媽媽? 不如問下他們未來幾年有咩打算？
網民D︰正如這裡大家所說，$8,000-$10,000都合理，在外面自己租都做不到。但你也說，也不真是靠這個開飯。老實相差只是一兩千元，不值得大家不開心。
始終一家人，不如打開來說，可能更好。你可以直說你不滿意他說話的語氣，但也可以問他未來幾年的計畫，可有甚麼大家可以配合，關心一下他們，可能大家更容易取得共識。
網民E︰搵$30,000畀$8,000，同女友住，包食晚餐，無收多啦！如果你唔等錢使就照收，然後幫佢儲$6,000仲好。
網民F︰得，佢覺得買餸平，叫佢以後負責買餸，收工去超市買聽日餸，記得要買埋調味料，買足一個月，keep單自己計吓數。
網民G︰$8,000？租都唔止啦！你大仔有本事請自己搬出去！
網民H︰咁你生個仔出嚟嘅目的，係唔係為咗每個月賺錢畀你？當然你冇責任養埋佢女朋友，不如你叫佢哋搬出去啦，無謂為錢嗌交。
網民I︰叫佢去出自己住囉，完！
網民J︰簡單，大仔佔用屋企資源，細仔無，兩個都無畀家用，立張平安紙，百年歸老時，因生前已畀大仔住屋福利，所以屋歸細仔擁有，大仔唔好問點解，因為佢已經承認樓吾會係佢嘅，父母有權點分，同時要佢哋兩個係平安紙上簽署，無交嗌！
延伸閱讀︰【家庭關係】哥哥失業無收入 打工仔被媽媽要求畀多$5000家用
坊間居然有家用計算表？
「家用給幾多？」的話題沒完沒了，但想不到有網友居然設計出一個「家用計算表」，家用的金額是取決於父母過往的對待，大家又有否試算過呢？
按圖即睇「家用計算表」︰
按圖即睇令你無錢儲的「10個消費壞習慣」︰
延伸閱讀︰【家庭關係】32歲月入5萬元 每月畀3萬做家用嘆辛苦︰仲未上到車好無用
延伸閱讀︰【家庭關係】屋企人只會講錢？打工仔心灰︰淨係出糧先搵我
最新專訪片︰
【HR Guru】華御結首推「全職員工子女醫保計劃」為員工分憂解難 董事長西田宗生笑言：我是公司最底層
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!