【學歷比拼】同事碩士畢業人工只得15K 網民：有學歷唔等於有能力！

CTgoodjobs' Editor

Published: 2022-10-26

Updated: 2022-10-26 15:50

剛畢業並踏足社會的職場新鮮人，人工一樣不太高吧？不過學士畢業和碩士畢業的畢業生，以為人工會差距很大嗎？原來有些個案，碩士畢業生的人工其實與學士畢業生的人工只是相約……如果學士學生先畢業，到碩士畢業生修畢學位出來搵工，人工分分鐘已經高過碩士畢業生了……

延伸閱讀：【人際關係】新同事入職一星期被炒原因疑似係追女上司…

有網民就因為覺得這對碩士畢業生有點不公平，就在社交平台專頁「奴工處」上以「15K請個碩士，乜都叫佢做」為題，分享自己公司的狀況，為碩士生低人工一事而抱不平，更不禁可憐碩士畢業生同事。然而，有些網民卻覺得事主可能想太多，擅自以憐惜的角度來看這事，似乎有點自作多情。

即睇事主分享和網民回應：（按圖了解）

+16

+15

事主：「喺香港讀碩士真係好乞米，月薪先得15K，睇住個高學歷同事日日捱餓，都唔知點算好。越來越多年輕人成為啃老一族，有時都慶幸自己中學畢業儲咗一定年資已經有頂薪，而家真係搵食艱難。僱主又刻薄，知人哋叻乜都叫人做，但又唔記得自己畀得15K月薪人哋。」

網民：「高學歷唔等於高能力。」
網民：「當你能力高就會話你唔夠學歷。」
網民：「周街都大學生，爭唔爭氣都好睇你個人，東家唔打打西家。」
網民：「快啲搵工跳槽。」
網民：「學歷即係社會經驗少！慢慢捱啦！」
網民：「說話唔係咁講，讀咁多書，就是為了在競爭優勢上能夠超越一啲即使有經驗（除非有十分之具競爭力的經驗），但讀唔到書的人。否則，唔讀書又要儲人生經驗，讀碩士又要重新儲過人生經驗，讀咗等於沒讀，咁讀來做乜？」
網民：「係我就轉工喇。」
網民：「一向都係做到咁上下先去讀master啦，早讀永遠無着數！」
網民：「啲老細開萬五六，但其實出面萬八至二萬起薪先起碼叫公道。」
網民：「都係睇你讀乜嘅啫。」
網民：「15K唔使挨餓卦？大把兩餸飯！」
網民：「可能人哋大把錢，打你份工都係過吓日晨。」
網民：「佢讀書為搵工，就唔會搵呢份工？睇嚟佢讀書為興趣，咁無咩問題呀，為興趣讀書就預咗收入未必理想，又或者，佢覺得15K都夠，如果唔係都唔會接受offer。」
網民：「時代已變，學歷不等於甚麼。」
網民：「碩士同事覺得OK，肯受有乜所謂？」

學歷、人工、社會經驗
學歷、人工、社會經驗這三個項目，似乎很難可以取得一個平衡，網民覺得碩士生雖然有學歷，但欠缺社會經驗，踏足社會都需要從低做起；不過又有網民覺得，花多一兩年時間爭取高學歷，就是為了踏足社會的起步點比別人高一點，又要從低做起的話，哪豈不是白讀？

亦有網民認為，修讀碩士的最佳時機並不是緊接着學士畢業就開始，而是工作幾年後，儲了一定的工作經驗後，再修讀碩士的話，可以爭取到的人工會更好。大家覺得怎樣的安排才最好？碩士畢業生15K人工又是否合理呢？

延伸閱讀：【心理測驗】一圖測試你容唔容易發生辦公室戀情！

+11

+10