《好僱主約章》2024現正接受報名

《好僱主約章》2024現正接受報名

小雲在公司的聖誕聯歡會碰到老闆，談及勞工處舉辦的《好僱主約章》。

小雲：「老闆，好多謝你之前畀我放假出席阿囡學校舉辦嘅活動，又安排我彈性時間返工去照顧有長期病患嘅媽媽！我知道勞工處啱啱推出《好僱主約章》2024，不如公司都參加囉！」

老闆：「我都做過打工仔，明白同事要處理好家事，先可以安心工作。你講嘅《好僱主約章》係咩嚟？」

小雲：「勞工處舉辦《好僱主約章》，係為咗推動僱主採納良好人事管理同家庭友善僱傭措施。今屆約章以『為你「家」「友」好僱主』為主題，希望重點鼓勵更多好僱主實施家庭友善僱傭措施，同時為佢哋『加油』打氣。」 　

老闆：「參加約章對公司有咩好處呀？」

小雲：「參加嘅僱主若確認為合資格簽署機構，除咗獲頒證書外，仲獲授權喺公司嘅信紙、刊物同宣傳品使用約章標誌兩年，甚至有機會獲邀喺報章、刊物、社交平台或勞工處嘅宣傳活動上，分享實施良好人事管理同家庭友善僱傭措施嘅心得，而且費用全免。聽講今屆仲增設咗星級約章標誌畀連續三屆獲確認為合資格嘅簽署機構，希望吸引僱主持續支持《好僱主約章》。」

老闆：「聽落都唔錯喎，可以幫公司建立正面形象。咁點參加呢？」

小雲：「方法好簡單，只要填妥表格交回勞工處就得，明年3月31日截止報名，詳情可瀏覽www.gec.labour.gov.hk。公司咁好，我哋快啲報名參加啦！」

《好僱主約章》2024專題網頁

⏩⏩  需要請人？立即刊登招聘廣告！  ⏪⏪