Next
【升職加薪】打工仔每年加幾多錢人工？網民：加得$500等於侮辱！
【升職加薪】打工仔每年加幾多錢人工？網民：加得$500等於侮辱！
2023-12-28
又到Appraisal的季節，大家都很期望下年可以加多少人工吧？不過大家一般會加多少錢人工呢？有沒有公司試過只加幾百，又或者完全凍薪呢？如果面對這些情況都真的挺令人失望的，那間公司一定要有其他很吸引的條件才可以選擇繼續留下來吧？
延伸閱讀：【除夕派對】公司搞聯歡會抽獎 其中一份禮物竟然係⋯
有網民在討論區Dcard上以「大家每年人工加幾多」為題討論，指自己正在與公司周旋人工的加幅，同時他在外亦有其他offer，可是他竟然讓機會白白流走……事後被網民大罵太衝動，希望他可以獲得這次教訓，下次處理得更好！
即睇事主分享及網民回應：（按圖了解）
事主：「前排同公司傾續約，我就想加人工啦，諗住如果加得少就跳槽。咁我見同HR傾、同老細傾嘅時候都傾得好地地，就reject咗手頭上啲offer。點知今日HR同我講，下年會加500畀我！聽到嗰吓真係血到嘔埋出嚟！reject咗嗰啲offer人工最少都高$2000至$3000，加嗰500不如唔好加！」
網民：「未有結果就reject offer 你是咪聰明豆？」
網民：「咁係你蠢啫，傾都未傾好就reject！請勿當公司是你家，傾得好≠畀得好！」
網民：「Congratulations！有人工加！」
網民：「最少3至5%啦，$500通脹都追唔到。」
網民：「其實2萬蚊 2.5% 就$500，咁如果萬零蚊計其實同你講嘅差唔多。」
網民：「魚唔過塘唔會肥，唔升職正常每年係加咁上下，你咪加完做多幾個月再搵新工囉。」
網民：「加$500=侮辱，跳啦！」
網民：「每一轉都加5K以上，但唔同行業冇得就咁睇加幅嘅我覺得，不過你未傾好就reject offer咁搞笑。」
網民：「平均每年10%」
網民：「未傾好就reject另一邊咁有把握？所有嘢都係有offer喺手先最實在，今次當喺教訓啦。其實都仲可以試吓打去reject咗嗰邊，同個HR say sorry再試吓嘅，不過就真係失咗威……」
網民：「我哋每年都係加$800至$1000，不過個制度都好奇怪，每個人按自己入職日期嚟進行一年一次Appraisal，試過上半年公司賺錢，上半年Appraisal嘅同事就加$1000，但公司下半年冇錢，所以下半年做Appraisal嘅同事就只係加$500，其實都幾sad。」
勿衝動
網民們都批評事主的做法有點衝動，認為不應該未有定案就拒絕其他機會，指：「未傾好就reject另一邊咁有把握？所有嘢都係有offer喺手先最實在，今次當喺教訓啦。」不過，事主面對人工只加$500的情況，很多網民都覺得這$500真的只可以「得啖笑」並着事主好好考慮轉工，更有網民提議，不過低聲下氣打給己拒絕offer的HR道歉，為自己尋如一個機會。
延伸閱讀：【除夕派對】公司搞聯歡會抽獎 其中一份禮物竟然係⋯
延伸閱讀：【職場文化】分分秒秒要向公司報告行蹤 打工仔嘆OT到凌晨都要報到…
延伸閱讀：【生涯規劃】拍拖多年事業穩定 男友依然唔肯結婚 事主：男人幾時先想定落嚟結婚？
最新專訪片︰
【女強人的誕生】專訪新鴻基有限公司企業人才及文化主管車祉穎
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!