【勞工法例】多名同事離職兩周後才到公司取支票　打工仔懷疑公司有冇犯法

離職原因有好多種，可能是更美好的前程，可能是人事問題，也可能是轉行等等。無論如何，工作最重要就是工資，究竟與公司分手後多少天收到薪金才是正常呢？一名網民到社交媒體專頁「奴工處」發文，提及自己目睹公司多名舊同事在離職後兩星期才回公司取最後薪金，正懷疑公司是否犯法。

延伸閱讀：【勞工法例】公司竟無僱傭合約？合約原來可以口頭方式訂立！

即睇事主分享及網民回應：（按圖了解）

+8

+7

事主：我公司每個離職嘅同事都係喺last day之後差唔多兩個星期後上公司拎票。

事主：其實係咪last day後7日內要收到最後嘅糧？唔係就犯法？

網民：第8日就可以上勞工處。

網民：如果間公司7天內開票通知同事拎就冇犯法，同事幾時上去又係另一回事……

網民：雖然或然率好細，但的確有可能係開咗票而同事唔得閒拎。

網民：係犯法，不過如果佢畀足你，好多人一般都唔會因為遲一個星期同佢計較，除非你走得不開心。

網民：我前公司係咁，拖咗一個月仲未畀呀，仲話佢努力緊搵錢返嚟……

網民：點解仲唔快啲去勞工處？

網民：我曾經試過公司一直拖，話下個月出糧嗰日先有，跟住又話嗰日後再7日。

網民：我試過做part time過咗糧期7日都唔肯出糧，準備晒files走去勞資審裁處嗰陣，我打埋畀個前老闆做最後通牒，佢先嚇到即刻落樓過數。（呢位老細呢兩年已經令所有新舊員工辭職！）

網民：我舊公司係要下個出糧日先會過數，即係月中走，可能要下個月頭先會銀行過數，離職嗰陣佢會同你講。入職都係，我記得我3月28日入職，佢話3月嗰幾日糧，5月出糧先會一次過出埋……

法例要求7日繳付　網民疑遇公司走法律罅

根據《僱傭條例》（香港法例第57章）第25條的規定，凡僱傭合約終止，僱主須在切實可行範圍內盡快支付到期付給僱員的任何款項，但在任何情況下不得遲於僱傭合約終止後7天支付。

縱使法例要求僱主無論如何也須於同事離職後7天支付最後薪金，但一些網民表示曾遇舊職公司疑似「走法律罅」的情況，其中一名網民表示：「以前試過即刻畀（支）票，但張票10日後先過到數。」究竟這種情況能否當作準時支付，符合法例要求，還須待法律專家意見。

對於逾期的工資支付，《僱傭條例》第25A條明確指出，如任何工資在到期起計的7天內仍未獲支付，僱主須按法例指明的利率就尚未清付的工資款額或款項支付利息。

（上述部分並非法律文件。有關法例條文的詮釋，仍以法例原文為準。）

（資料參考：勞工處）

延伸閱讀：【法定假期】Boxing Day必定有假放？　打工仔唔熟勞工假　差啲變曠工

延伸閱讀：【平等機會】懷孕女性難搵工 面試遭歧視 求職者：單身先返得工？

延伸閱讀：【在家工作】加拿大判決：WFH受傷 僱員獲工傷賠償

⏩⏩  需要請人？立即刊登招聘廣告！  ⏪⏪