Next
【勞工法例丨惡劣天氣】8號波照返工 打工仔曾247熱愛公司 自嘲嘆後悔：世界很大
【勞工法例丨惡劣天氣】8號波照返工 打工仔曾247熱愛公司 自嘲嘆後悔：世界很大
2024-08-01
【黎生｜訴求就係返工！】眾所周知，香港人最熱愛上班，怎樣也阻擋不到香港人上的那份決心！近日有位打工仔於社交平台專頁「奴工處」投稿分享，指自己可以用「病態」來形容那份對公司的歸屬感。他表示，曾十分熱愛舊公司，就算做節、大時大節、星期日、8球風球，都在上班，上班時間更是早出晚歸，24/7全都獻給了公司。他續指，最後醒覺這種生活，真的十分不健康，故決定離開舊公司，惟在last day那天他十分不捨得，甚至哭了出來。
其後，他另覓新東家，現在新工作work-life balance，放工真是放工，放假真是放假。他續指，上司與同事之間保持社交距離，他亦多了時間陪家人，現在更在進修中。最後，他指出現在身心都比以前健康，希望大家看畢帖文，將重心放回在自己身上，並寄語世界很大，找到自己，以及真正對自己重要的「人、事、物」，這才是生活！
按圖即睇樓主分享及網民回應：
延伸閱讀：【打風返工、返學安排】八號風球可早走？幾點落波要返工？一文睇清勞工法例︰颱風、暴雨、酷熱天氣等惡劣天氣工作安排
24/7愛公司｜打工仔深情分享
打工仔分享：有感而發，我都經歷過24/7、365日、風雨無阻返工嘅日子。當年老細們，公司都算有少少規模，我嘅老細有5位，全部都對我好好，而我自己對公司嘅歸屬感可以用「病態」嚟形容。年三十，老細一早已同屋企人做節，正日冇人陪，我陪佢食飯；初一至初三、聖誕、星期日、365日都返工；明知會掛8號波，特登早出門返公司；當時有大project，一個星期冇返屋企，經常性overnight work；平時晚上11至凌晨先收工，返9至6，第二日又準時出現；仲有好多好多……例如，屋企人見面、食飯嘅時間少之又少……成日同屋企人鬧交，佢唔明我返咩工要返到咁，我又覺得「返工啫」，有咩問題？最後，醒覺呢種生活真係好唔健康，決定離開，last day嗰日好唔捨得，唔捨得到喊，唔知仲以為我失戀。休息咗一個月先再搵工，而家新工work-life balance，放工真係放工，放假真係放假，上司、同事之間保持社交距離，多咗時間陪屋企人，而家仲進修緊。真係身心都健康啲，皮膚又好咗，最後，真心希望「奴」工們要將重心放返喺自己身上，世界很大，搵到自己，同埋真正對自己重要嘅「人、事、物」先係生活！
24/7愛公司｜網民又點睇？
網民A：贏咗份工，輸咗頭家。
網民B：醒覺，是美麗的，恭喜重生。
網民C：我都準備明天遞信，嚟緊會有好嘅新生活。
網民D：欣賞你曾經有過拼搏嘅力度，令自己知道自己可以有幾投入，而家又可以去學習另一種生活方式。
網民E：既然會唔捨得份工，走嘅原因多數係畀人炒。
網民F：好彩你識醒覺。
網民G：好早就有呢個領悟，已經用緊我喜歡嘅方式返工。
網民H：及時抽身。
網民I：咁盡責，有冇24小時on call。
延伸閱讀：【勞工法例】落波後返工遲到扣人工、打風期間WFH屬違法？勞工處凌晨發稿指……
帖文刊登後，得了很多網民的共鳴，為樓主及時醒覺而感恩。另外，有數名網民則表示，樓主的經歷跟自己很相似，指自己也曾醉心工作，忽略了身邊人。
24/7愛公司｜返工=人生玩完？
然而，以往許多打工仔都曾於不同的討論區發帖，感嘆返工後的日子失去了所有私人時間，放假也沒有精神。大家亦有同時反思，會否覺得返工後人生只淨下工作？按圖回顧一下當時網民的看法！
勞工法例丨惡劣天氣｜勞工法例怎樣說？
不過，無論你怎樣「熱愛」公司都好，勞工處時刻提醒僱主，如要僱員在8號風球上班，應妥善安排僱員的交通、膳食和休息地點等，安全接送他們往返工作地點，或發放交通津貼；並應遵守《僱傭條例》、《職業安全及健康條例》、《工廠及工業經營條例》、《僱員補償條例》及《最低工資條例》的規定，履行其法定責任。
勞工法例丨惡劣天氣｜《颱風及暴雨警告下工作守則》下僱主的6種工作安排
事實上，根據勞工處現行的《颱風及暴雨警告下工作守則》，僱主必須預先與僱員訂明有關颱風、暴雨警告或超強颱風後的「極端情況」，以及在其他惡劣天氣下，合理及切實可行的工作安排，過程中要諮詢員工及讓他們參與制定有關的工作安排及應變措施，以避免不必要的誤解。如有僱員因居住地點及附近的路面和交通等情況而影響上班，僱主亦應採取彈性的處理方法。在惡劣天氣下，僱主需作6種工作安排︰
- 上班的安排
- 在工作期間提早下班的安排
- 復工的安排（例如在有關警告信號取消或「極端情況」結束後，在安全及交通情況許可下，僱員應在多少個小時內返回工作崗位）
- 工作時數、工資和津貼的安排 （例如就當值或缺勤的工資及津貼的計算方法）
- 有關在惡劣天氣及「極端情況」下必須當值的僱員的特別安排
- 遙距工作（如在家工作）的安排（如適用）（例如在熱帶氣旋、暴雨警告或「極端情況」生效及其後的當值及工作安排）
CTgoodjobs同時為大家整合了打工仔在各種惡劣天氣下的工作安排，包括上班、交通、復工、工資及假期安排，按圖了解更多有關勞工處的指引！
延伸閱讀：【惡劣天氣唔開市？】8號風球照常運作？港交所擬明年7月推「打風不停市」
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!