惡劣天氣及「極端情況」下的工作安排

阿超在茶水間與人事部經理Mandy談及惡劣天氣及「極端情況」下的工作安排。

阿超：「Mandy姐，聽聞下星期有位新同事入職喎。」

Mandy：「係呀，嚟緊又風季，我要記住喺僱傭合約開始嗰陣，同新同事講解一下喺惡劣天氣同埋『極端情況』下嘅工作安排，包括返工、放工、復工同埋遙距工作。」

阿超：「啱呀，工作安全最緊要！」

Mandy：「僱主要盡早評估喺八號或更高熱帶氣旋警告信號、黑色暴雨警告信號或『極端情況』生效期間，係咪需要指定人員喺安全情況下返去工作地點當值，同埋事先訂明邊一啲員工屬指定人員。」

阿超：「仲有啲咩要注意呀？」

Mandy：「僱主應盡量將喺惡劣天氣及『極端情況』下需要喺工作地點當值嘅人數減至最少，同埋採取有效措施確保所有僱員同意，避免不必要嘅爭議同埋混亂。另外，僱主仲要定期檢討惡劣天氣同埋『極端情況』下工作安排，並因應雙方嘅需要同實際情況作出適當嘅更新或修訂，仲要盡可能體諒每個同事嘅情況，唔應該一刀切採取劃一嘅工作安排。」

阿超：「明白哂！僱主同僱員之間最緊要係有商有量，互助互諒！」

Mandy：「想知多啲，你可以參考《惡劣天氣及「極端情況」下工作守則》，又可以上勞工處網頁睇吓。」

《惡劣天氣及「極端情況」下工作守則》

⏩⏩  需要請人？立即刊登招聘廣告！  ⏪⏪