【伏工預警】兼職即日離職慘賠6個月糧？事主崩潰：中晒黑心條款！

CT熱話管理員

Published: 2025-09-09 12:15

Updated: 2025-09-09 12:15

近日一名兼職打工仔分享，自己即日離職，卻被公司要求賠償長達6個月薪金，令事主感到崩潰和無助。該事件揭示了職場上存在的黑心條款，即僱主設下苛刻罰金及賠償要求，嚴重侵害勞工權益。根據香港《僱傭條例》，在合理合約下，離職賠償應以實際損失為準，但某些公司卻濫用條款，令員工面對超出合理範圍的賠償責任，尤其是即日離職的兼職員工。

返工兼職即日離職慘賠6個月糧？

+39

+38

樓主：

差啲以為自己係CEO。辭職要6個月通知，即日離職要賠6個月糧！Btw我本身只係返part-time咋嘛，份合約黑心到呢⋯⋯

今日終於睇清楚份「賣身契」，原來寫明：「即時離職需賠償相等於6個月薪酬之違約金」我時薪$65，一星期返20個鐘，即係要我賠成$31,200？仲誇張過CEO離職賠償金呀！仲要我賠埋培訓成本同，招聘損失。香港地請part-time幾時變得咁狼死？大家簽約前真係要帶定放大鏡睇清楚⋯⋯

網民A：PT有通知期㗎咩？PT都冇固定日數，點計通知期？

網民B：上勞工處啦！

網民C：遲啲到，早收工，輕輕鬆鬆～

網民D：Part time 唔報更畀佢咪得囉。

網民E：可以試吓六個月一個點摧毀一間公司。

網民F：僱主同你訂立呢張合約應該無效，僱傭條件不合法，違反強迫勞動原則，去勞工處問吓。

網民G：攞合約上勞工處問，佢用咩方式同你講要6個月通知？有錄音或者WhatsApp最好，cap定圖，等勞工處問吓佢邊條法例有呢個條件。

網民H：Part-time冇講明月薪，咪即係早走都唔使賠錢囉。不過魔鬼在細節，睇吓合約內容有冇講合約期間唔俾做啲乜乜乜囉。

網民I：兼職放假冇人工嘅話，六個月咪六個月囉。調返轉，你返到去唔做嘢，等佢炒你，賠返六個月俾你。

網民J：Supervisor級以上先要3個月通知。咩公司嚟㗎？開名得唔得㗎？等大家見工嘅時候小心啲嘛！

網民K：Contract有寫，你簽咗代表同意及遵守；冇寫，咪勞工處見。有寫，遞咗信一樣可以hea做，試吓公司底線，可能炒返你轉頭呢……

網民L：搵你笨，同佢講咁6個月後走，但呢6個月同你啲客講你唔做，暗示吓間嘢唔掂，睇佢放你喺度6個月，佢驚唔驚？

網民M：咁咪返去打6個月機囉，反正你resign咗，佢唔可以改離職日期。

網民普遍表示兼職工作中的辭職通知期問題值得關注。大家一致認為，兼職通常沒有固定工作日數，通知期難以計算，但只要合約有明文規定，簽約便需遵守。多數網友建議遇上苛刻條款應帶同合約到勞工處查詢或申訴，利用法律保障自身權益。部分網民表示，兼職工若合約沒明確月薪及通知期，理論上提前離職不應賠償太多，但魔鬼藏在細節中，需仔細檢視合約。也有網民分享應對策略，如試探公司態度、合理利用通知期、甚至放輕鬆回應不合理要求，從容應對不公平條款。整體來看，網民強調謹慎對待合約細節，依法維權，在遇到不合理「黑心條款」時及時求助勞工部門，是改善兼職勞工權益的關鍵。

延伸閱讀：【求職陷阱】企業推「無薪試工」臨完結即炒人！畢業生慘變免費勞工！

+22

+21