Next
【任職細公司注定無前途？】喺細公司做嘢唔會有運行 人工、福利、晉升機會根本唔及大公司好！網民：細公司純粹拎嚟做跳台！
【任職細公司注定無前途？】喺細公司做嘢唔會有運行 人工、福利、晉升機會根本唔及大公司好！網民：細公司純粹拎嚟做跳台！
2024-07-18
企業的規模往往都是打工仔考慮因素之一，部分打工仔都傾向於進入大公司工作，認為細公司制度混亂，難以讓打工仔專注工作，影響自己往後的職場發展。近日有網民於連登討論區發文，表示打工仔若任職細公司只會令職業生涯「無運行」，力數細公司與大公司之間差距，勸告網民入職大公司才能達到更高的職業目標。
延伸閱讀：【職場新鮮人】畢業生啱唔啱做初創公司？有呢3個特點先好做！
按圖了解網民回應：
事主：留喺細公司根本成世無運行，首先人工、福利輸大公司一大截。然後就算喺細公司做嘢幾叻，你都無咩機會升職，就算升咗職，都只係加得少少人工，但工作量、權力不變。喺大公司升職，權力大咗，工作量有機會少咗，所以留喺細公司，可以睇得出你無上進心，轉工之後會連老闆同上司都睇你唔起，咩都點晒畀你做。
網民A：你覺得underpay嘅，你自己就會轉工，你轉到啱你心水嘅工，無論公司大定細都一樣係咁做。如果你覺得自己underpay，但係又轉唔到工嘅話，呢個係你能力問題。
網民B：其實喺大公司做都可以一樣無運行。
網民C：大、細公司工作都可以好忙，但無可否認福利一定喺大公司好好多，尤其你有需要定期睇醫生，公司定時定後會有啲小恩小惠送畀員工，你條氣都會順啲。不過大公司人工加幅好慢，每個部門又有KPI要追，呢啲就比較麻煩。
網民D：大公司你要守規則、跟policy、人事關係複雜好多，好多嘢唔係你一個人話事，做開細公司嘅人轉去大公司有機會做唔掂；相反喺大公司做開，轉去落到細公司就會易適應啲。
網民E：你係有能力嘅，就算公司大定細都好，都一樣證明到自己嘅價值。
網民F：你講漏咗「大公司嘅細部門」，呢啲「細部門」係集合咗大公司同細公司嘅缺點。要入，就要入「大公司嘅大部門」。
網民G：我喺細公司做咗廿年，3年前老闆退休唔做，然後轉咗去間大公司由零開始。發覺大公司好多制度、同事多，有問題嘅同事更多、好多人事關係，真係要好好保護自己，唔可以做錯嘢，唔係隨時畀同事踩多兩腳。待遇方面都係啲基本嘢，有醫療保、年終、花紅呢啲，人工都係頂多每年加4.5%。
喺細公司做就無制度可言，可以一人之上，幾人之下，但基本上文儀用具都要自己去買，無咩工作壓力，hea做亦都無人理你，總之做好自己嘢，交到貨老闆就唔會理你。坦白講，初時覺得做大公司會有虛榮感，但做咗排，心諗咪又係打份工，Work life balance最緊要！
網民H：細公司純粹拎嚟做跳台！一開始入大公司，之後轉去細公司做。通常細公司福利差，你拎大公司嘅待遇去叫高個價，1、2年之後再跳返去大公司，人工就會高過同期好多。
網民I：大、細公司都係要轉工先keep到個競爭力，喺同一間公司做廿年，你人工都唔會升得去邊。
網民J：工字無出頭，做打工仔點都會無運行。
延伸閱讀：【職場八卦】到底公司可以有幾庹縮？事主：連冇用嘅廢紙都唔可以用⋯⋯
對於事主的看法，不少網民都紛紛提出自己的意見，部分網民指出大公司與中小企各有優勝之處，較難比較哪邊才會對打工仔有更好的發展機遇，因此網民認為只要根據自己的偏好及目標作出選擇，就能有着自己滿意的職場發展。亦有部分網民表示，公司規模其實與個人發展並未有太大聯繫，只要自己有足夠的工作能力，哪裏任職都能發光發熱，因此他們深信提升自己的能力，才是獲取職場成功的不二法門。
延伸閲讀：【職場文化】喺細公司做可以練成一身技能？樓主一人多職同時做6樣嘢？！
按圖即看公司規模細的5大好處：
延伸閲讀：【職場熱話】辦公室是非多 打工仔︰女同事埋堆曬命係日常？
按圖即看5個好公司的特徵：
延伸閲讀：【職場辛酸史】家族小企業好麻煩？打工仔齊數：外人最多嘢做
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Look out for further updates on our Facebook fan page!
Follow CTgoodjobs for the latest career news, hot topics and recommended jobs!