【人際八卦】男同事成日喺公司指指點點 樓主：平時喺屋企做開王子？

上了年紀的打工仔經常會說現今新一代的年輕人工作態度消極、不負責任、不知所謂云云⋯⋯時移世易，當老一輩所指的「新一代」成功上位後，辦公室的工作風氣又會如何？近日有網民於網上討論區發文，抱怨公司其他部門的男同事經常對下屬指指點點。推卸工作、呼喝下屬不在話下，更離譜的是會在辦公時間吩咐下屬替自己處理私人事務⋯⋯

+4

+3

樓主：公司有個男同事，平時喺屋企唔知係咪乜都唔洗做，返到公司乜都搵人幫佢做！

樓主：水機無水，佢竟然唔去換水，仲要叫Under佢嘅妹妹去幫佢換水，換完水仲要幫佢斟埋水；要碎文件，又儲埋一大疊畀晒其他同事叫人幫佢碎。

樓主：上網買嘢可以寄返公司，不過要自己出去收件。今日竟然聽到佢喝個妹妹出去幫佢收件：「你依家嗱嗱聲出去幫我收件，急住要㗎！」

樓主：大聲到我忍唔住望過去，個妹妹拎返份包裹，原來係小王子啲淘寶嘢。都唔知有幾急，仲要私人嘢都好意思叫人幫你做！

樓主：平時要同佢夾嘢已經話自己好忙，將啲野推晒比其他人做。

樓主：講真我都唔知佢每日返工有咩做，平時如果係屋企做開王子不如返屋企廢啦！

即睇網民回覆：

+4

+3

網民：係咪佢隻手殘廢咗你唔知咋？

網民：睇嚟佢真係好忙，不過係忙緊做自己嘢囉！

網民：睇下個男同事做到咩位啦⋯⋯之前份工做咗差唔多10年，都換過半次水，換到一半個Admin見到即刻衝出嚟換。

網民：你公司男同事個職位係「黃馬褂」？

網民：香港不嬲都好多巨嬰，見怪不怪！

網民：香港好多人都係工人姐姐養大。佢識唔識做就一定唔識㗎啦，因為由細到大都係乜都唔使做，亦都唔知啲嘢唔做會影響到人。

網民：你應該向唔同同事查詢，不過小心佢係老闆親戚，類似嘅例子見過唔小。

網民：話明係佢下屬，佢安排佢下屬做咩關你咩事？如果係男下屬換水係咪就無問題？人地老闆畀錢請佢返嚟，個女下屬唔滿意可以自己出聲，關你咩事？

在職場上，惹人生厭、千奇百怪的同事多如繁星，要明哲保身便要時刻警惕自己。踏入新的一年，展望將來，審視自身不足與成就。即刻睇睇8條問題準備年度自評。

+16

+15

第一部分：回望過去

1. 在生活和工作兩方面，過去一年你做過甚麼令你感到驕傲和滿意的事？

2. 在工作上，你的時間主要分配在甚麼項目上？專題報告、開會、處理文件還是Brainstorming中？

3. 你對自己現在做的工作感到滿意嗎？

4. 你覺得過去一年最明智的投資是甚麼？

5. 過去一年，你覺得最浪費時間的事是甚麼？

6. 工作上，你最想減少做哪一個範疇的事務？

7. 過去一年，你學會了哪兩件令你畢生難忘的事？

8. 工作上，如果給你一個回到過去的機會，你會改變哪一件事？

第二部分：展望未來

1. 來年你想學習什麼？

2. 根據你剛剛的回顧，在眾多的工作範疇中，你想多花時間在哪方面上？

3. 之前提到你想減少做的項目，你會以甚麼方法減少這方面的工作？

4. 你想向哪個方面發展事業？在發展過程中，你需要強化哪方面的技能及知識？

5. 你會怎樣強化及深化這些方面的技能和知識？

6. 為了令工作更有效率及進步，你需要哪方面的幫助？

7. 你會在哪裏尋求幫助？

8. 當你遇到困難時，你的口頭禪及藉口通常是什麼？

9. 你於今年將一定完成的一項目標是什麼？

10. 你實踐目標的第一步是要怎樣做？

花時間做一次詳細的個人檢討可令工作及生活上都重新注滿動力，讓你有明確方向及足夠動力繼續前進。

+10

+9

延伸閱讀：【恐怖上司】女上司放假照監視下屬工作 事主：搞到廁所都唔敢去

延伸閱讀：【辦公室矛盾】印度同事我行我素唔跟指引做嘢 事主：做錯晒仲要影響埋我！

延伸閱讀：【日本旅行】中女同事勁彈同事啲日本手信 但就不停拎⋯

延伸閱讀：【職場文化】上司表現差勁被投閒置散 連累下屬日日OT執爛攤子

最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤

⏩⏩  需要請人？立即刊登招聘廣告！  ⏪⏪