Next
【中秋節】同員工歡度中秋 一個果籃50人分 網民：原來真係有五餅二魚…
【中秋節】同員工歡度中秋 一個果籃50人分 網民：原來真係有五餅二魚…
2022-09-05
中秋節將近，不知大家的公司有甚麼中秋福利呢？今年中秋節正日在星期六，所以不少打工仔在星期五都要如常上班，沒能享受早放的安排了……不過公司又有沒有派月餅券呢？是甚麼類型的月餅？還是公司打算與同事一同食生果？不過，都有些打工仔的公司是甚麼表示都沒有……
延伸閱讀：【中秋節】公司team building活動係賞月！網民：唔理屋企人要同同事過中秋？
有網民在社交平台「奴工處」上投稿，指：「想問大家公司中秋有咩福利或者安排？例如早放、派月餅券。我公司乜都冇，得上年老細扮慷慨，一個果籃成層50幾人分……」對於事主所分享的事件，不少網民都表示感同身受！因為他們的老細都做過如此誇張的行為！原來很多老細都係庹縮！
即睇網民回應：（按圖了解）
網民：「有，上年老細同大家講中秋節快樂，安排大家如常工作。」
網民：「五餅二魚，原來係真。」
網民：「上年係一個月餅四個員工分……」
網民：「有得食1/4個月餅咪好囉！我哋搞咗個department party，180人叫咗2個大pizza。」
網民：「我以前大阿姐收收埋埋，最鍾意分啲就過期嘅朱古力，一盒十粒朱古力分畀三十幾四十人食。」
網民：「曾經有波士收到好多好多果籃，收埋喺檯底，畀我見到，然後好唔情願咁畀咗一個蘋果我。」
網民：「人人一盒月餅，無早收。」
網民：「一個月餅分十八份。」
網民：「個果籃仲可能係vendor或client送嘅。」
網民：「一人一盒月餅，有傳統或者雪糕可以揀，早唔早收就唔知啦，我哋自由WFH。」
網民：「一個部門分一個月餅都試過！好多人都怕咗唔食，跟住老細話，都估到你哋唔食，唔使買多兩盒嘥咗！」
網民：「前公司，客人畀咗一盒四個月餅全公司同事（8人）食，結果老世拎咗返屋企食淨兩個放公司，再叫同事自己分。」
網民：「我有個老細，話以為大家都會帶月餅返嚟一齊食，最後佢懶好心咁畀一個月餅我哋三十幾人分！切嗰個勁慘，根本就係碎咗個月餅……」
寧願唔好送
事主分享一個果籃50幾人分，有不少網民都分享自身的經歷，原來很多老闆都有這「分餅」的習慣！有網民分享試過一個月餅分四份、又有網民指老闆讓8個人分兩個月餅，更有一個要三十幾人分一個月餅，另又有網民指試過180人分兩個pizzaz。單是幻想畫面，已經覺得非常吃力，這是當員工甚麼呢？拖捨嗎？
不少打工仔都覺得，這是應有的送禮態度嗎？如果不是出自真心送禮，要搞到場面如此不大體，倒不如甚麼都別送就最好了。要員工搶食般，真的寧願安安靜靜等放工算了。
延伸閱讀：【中秋節】公司team building活動係賞月！網民：唔理屋企人要同同事過中秋？
延伸閱讀：【職場文化】打工仔大呻唔食煙冇煙Break唔公平！ 有日本公司竟然咁樣做⋯
延伸閱讀：【行業辛酸】畢業生想入行做記者 唔係讀新聞出身得唔得？網民：做咩咁睇唔開…
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!