Discovery Feed is launched!
【辭職學問】返工首月內想辭職 朝早定係放工遞信先啱？
CTgoodjobs' Editor
辭職的時機需要講究嗎？朝早、中午還是放工時才遞信，才是辭職的「吉時」呢？可能大家對於過了試用期之後，何時辭職會有一定的研究，不過如果返工首月已覺工作不適合自己，即日通知就可以即日離開，而在哪個時機向上司講辭職是最好的呢？
延伸閱讀：【職場熱話】以為倉頡、九方過時 速成、筆劃成主流？網民：新同事唔識打字…
一般打工仔在上班首一個月無須通知期，即日講辭職就可以即日離開；而過了首月後又未過試用期，就需要7日通知期；三個月試用期後，打工仔就需要一個月通知期才可以離職。不過是要視乎你的合約作準，有時公司和職位的安排都會有所不同。
有網民在討論區上分享，指：「我想早上遞，但早上遞會畀老細捉入房問長問短；都係放工遞，遞完走佬！」大家又覺得辭職「吉時」是哪個時段呢？
即睇網民回應：（按圖了解）
網民：「除非補錢即刻走人，才問不到你，你也不用應付。」
網民：「建議放工前兩個鐘遞信，正常老細都會同個員工傾兩句，了解吓。太遲遞，反而阻你放工，無OT錢同佢傾偈。」
網民：「放工先遞。」
網民：「如果要一個月通知，我會早上畀，畀完唔使成日心掛掛；如果新工，一日、一星期閃得，就放工畀。」
網民：「其實也不用想太多，或者人家根本連表面工夫也不願做呢！」
網民：「我通常揀 lunch 後。」
網民：「放工遞，老細捉住傾唔畀走，咪仲慘，要遲放工。就算樓主話趕住走，老細識做放人，第日都要再傾，咁不如早少少遞，有咩一日傾哂佢。」
網民：「下午遞，但不會放工前。」
網民：「三四點。」
網民：「我都會早上遞，遞完唔使心掛掛。」
網民：「畀我就揀收工前一個鐘，仲要揀星期五。」
網民：「早上同收工其實都無所謂，上司都要知道咩原因走；早上遞，講真自己唔使成日心掛掛，要講咩，同埋去意已定，上司唔會再畀新JOB/PROJECT，我見有啲同事係成個月真係喺公司齋坐的；下午遞，要MAKE SURE上司喺公司，如果佢要早走、出去見客開會就麻煩了。」
辭職「吉時」係幾點？
在打工仔的角度，當然愈遲愈好，放工殺大家一個措手不及，然後自己開心走人，不過如此卻令留下來的很苦惱，未必是一個負責任的行為。HR的角度則當然是愈早愈好，因為都要處理一些行政層面的事項，當然愈多時間愈好，都有網民認同於早上向老闆請辭，指不用「心掛掛」，亦有網民指有機會一講完就可以走，那不是更好嗎？
而有網民則仔細到指明了一個時間，認為下午三至四時就是吉時！可能拿一個中間點就最好吧？大家都有時間去接受和處理。
其實早上和下午都是一個不錯的選擇，不過放工前才請辭就好像不太好了，始於留一點空間予HR處理相關事項會較好，禮貌又得體，你都不想自己要遲走兼大家為你OT吧？大家又會怎樣部署呢？
延伸閱讀：【職場熱話】以為倉頡、九方過時 速成、筆劃成主流？網民：新同事唔識打字…
延伸閱讀：【職場熱話】畀新同事取笑 話打表情符號好老套！有邊啲你仲用緊？
延伸閱讀：【香港人在外國】情侶移民澳洲 由自己策劃事業路 自由決定返幾多日工！
延伸閱讀：【見工面試】想由小薯晉身成管理層 面試可以點樣凸顯管理技能？
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!