Next
【轉工太密影響觀感？】經常轉工會被認為太Jumpy？網民列出頻繁跳糟3大好處！
【轉工太密影響觀感？】經常轉工會被認為太Jumpy？網民列出頻繁跳糟3大好處！
2025-01-03
在當今快速變化的職場環境中，轉換工作的頻率逐漸成為一個熱門話題。有些人認為，頻繁跳槽的求職者對公司缺乏忠誠度，影響人力資源部門對其觀感，甚至在面試階段被篩走。然而，近日有網民在Threads發文批評這種觀念過於保守，並列出頻繁跳糟3大好處。你又同意嗎？
按圖即看樓主分享及網民留言！
樓主：以前啲前輩都勸你唔好成日轉工，被人覺得好jumpy唔夠忠誠。其實打份工唔需要付出真心，因為公司都唔會同你講感情。
1/ 魚唔過塘唔肥，留喺一間公司等升，倒不如出去走走，分分鐘大把機會升；
2/ 留喺一間公司太耐，有日公司唔要你，你反而冇競爭力；
3/ 有新鮮感先有動力，個腦先會繼續郁。有啲工係會養懶人，keep住留意market唔好畀公司控制咗自己。
網民A：公平啲講，除非你每轉一份工，都係有升職嘅，而公司又唔係啲冇名嘅，你2至3年轉1次都冇所謂。如果唔係，你就一定畀HR label你做jumpy。
網民B：睇你點sell自己。有一點好認同，好多時唔係HR的話事，都係跟hiring manager要求，我見左位好啱嘅candidate畀佢，佢就嫌棄人哋轉太多份工。我都好無奈。
網民C：HR好似你咁諗就好。
網民D：轉得密唔係重點，係點轉。如果職位冇升，或者啲公司規模愈轉愈細先會畀人印象唔好。你試吓10年轉7份工，但係由一個細公司小職員，升轉到行內知名大公司嘅管理層，完全係兩回事。
網民E：同意，我都冇理jump唔 jump。份工做咗半年，身邊好多人叫我等夠1年先再轉，我做得唔開心，冇理到身邊聲音。
網民F：幾年就轉1份工，唔jump邊有人工加。同公司講咩感情，轉多啲工又可以識多啲人帶你去下一份工。
網民G：前上司講，一份工最多做3至5年就要好轉，之後再轉都未必係好事。
網民H：我只係見啲人越jump越好景。
網民I：我覺得最緊要有自我進步。
網民J：你有能力點跳都得啦。
網民K：我大約每2年轉一次工。
對於經常跳槽的情況，網民的看法各有不同。有人認為，若每次轉工都有升遷，則不會受到負面評價；相反，若沒有明顯進步，則可能被HR標籤為「jumpy」。。此外，也有網友提到，外界的聲音並不重要，建議打工仔應聆聽自己的感受，若在工作中感到不快，應該尋求新的工作機會。有網民強調轉工的好處，認為不斷轉工可以擴展人脈，有助於職業發展。
打工仔幾份工只做3個月被指太Jumpy！HR教路3招挽回轉工頻繁形象
延伸閱讀︰【好想裸辭】FG嘆份份工做唔長 網民：放低返工會開心嘅執着
延伸閱讀︰【見工面試】求職者被HR嘲諷經驗少 事主：佢當面話我唔適合份工⋯⋯
延伸閱讀：【2025年就業展望調查】香港34%受訪僱主擬下季增聘人手 28%將縮減員工數目
延伸閱讀：【香港失業率3.1%維持不變】失業人數11.9萬人 勞福局局長孫玉菡︰勞工市場在短期內應大致維持穩定
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!