【見工面試】Offer因未打齊兩針而被收回 公司聲稱要保障安全環境

【見工面試】Offer因未打齊兩針而被收回 公司聲稱要保障安全環境

新冠肺炎疫情至今已經持續兩年,最近Omicron帶來的第五波疫情更導致市民大眾人心惶惶。政府於2月正式推出「疫苗通行證」,要求香港境內所有人必須注射一劑新冠疫苗才能進入商場、餐廳等日常場所。最近,有名打工仔到社交媒體專頁「奴工處」發文,指早前獲某企業聘用,並就所有基本條款達成共識,怎料該企業老闆因疫苗而在「埋門一腳」取消聘書。

延伸閱讀:【新冠肺炎】疫情來勢洶洶 公司應如何處理打工仔確診個案?

即睇投稿人分享:(按圖了解)

事主:有份工FaceTime interview完即請,第二日老闆都再打電話嚟傾好人工、福利、公司架構、工作概要等等。
事主:佢問多句打咗針未。我答:「未,準備打。返工前會有第一針。」
事主:雙方都有共識,但第三日通知我,佢哋要保障安全工作環境,話我都係唔適合佢哋。
事主:我心諗,都好,呢啲咁反智嘅公司亦都唔啱我。

網民:打齊針有幾保障到公司工作環境安全?而家打完會唔中咩?
網民:咁多人打齊2針都爆到七彩,佢醒未?
網民:一個月內可以打晒兩針,由頭再請過唔會仲煩咩?
網民:嘥自己時間又嘥見工嗰個時間。
網民:如果呢個係先決條件,應該開頭問咗先,唔好浪費大家時間。
網民:人哋都肯打仲想點?
網民:其實打針只可減輕病情,無法免疫。
網民:如果本身份工嘅job nature,例如係藥廠,對公眾或者要對老人家小朋友呢啲,對疫苗注射普遍有一定嘅要求。
網民:所以而家搵工,份履歷表入面,打埋自己有無打針。如果佢知你無打針,唔會見你,你又唔使好似而家咁嘥時間。
網民:我覺得用打針去批鬥新同事係好新穎,但公司、機構入面呢種人應該唔少。講咩做足個人衛生預防,佢係唔會理你,淨係叫你打針,唔打針就整走你。
網民:呢類公司行政實亂。

《僱傭條例》修訂 允僱主解僱拒絕接種疫苗員工

現時,越來越多企業要求員工注射新冠疫苗。行政長官林鄭月娥曾稱,疫苗通行證實施以後,營運需要疫苗通行證的場所之僱主有權解僱拒絕接種疫苗的員工。政府亦打算修訂《僱傭條例》,允許僱主有權解僱拒絕接種疫苗的員工。

不過,有網民提及事主一例並非事主拒絕接種疫苗,而是未趕及在入職前注射兩劑新冠疫苗,直言:「人哋都肯打仲想點?」有留言表示,該公司簡直浪費自己與求職者的時間,相關要求應先表達清楚,避免期望落差。另有網民更因此斷言,事主求職的該間公司「行政實亂」,支持事主尋找其他企業工作。

按圖即睇20大Omicron病毒常見症狀︰

延伸閱讀:【職場熱話】同事逐個話快測陽性 獲安排WFH 執手尾員工:我今晚就話自己陽性!
延伸閱讀:【職場熱話】疑不慎撞玻璃門致損失獲聘機會? 網民:點會請唔得醒目嘅人

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告