【見工面試】見文職工作竟被HR問有咩夢想 點答先最得體?

【見工面試】見文職工作竟被HR問有咩夢想 點答先最得體?

你有甚麼夢想?如果在見工時被HR問到這條問題,大家會怎樣回答?難道真的回實告知,我想發達、不用上班、提早退休就最好?如此回應,會令對方以為自己是來搞笑的吧?那我們應該怎樣回答關於夢想的問題呢?

延伸閱讀:【職場文化】被上司搶功勞 辛苦成果被沾光 點樣應對先啱?

有位剛畢業的網民在香港討論區上分享,指自己見一份文員工作,竟被HR問到夢想問題,而因為自己沒有太多面試的經驗,所以就如實告知了HR自己心底裡的夢想,但現在又擔心自己的表現會否未如理想,不夠得體,他分享道:「原本上年畢業之後開始搵嘢做,但因為有啲身體問題,所以我兩個月前先開始搵工,send咗十幾間公司先得一間有回音,我已經有少少灰。

今朝去見工同HR傾得好順利,但係HR臨尾問咗我個問題:『你夢想係咩?』呢個問題係想我答咩?我之前讀書揀科冇諗過之後想做咩工,講真依家apply呢份shipping文員,都唔係對份工有興趣,只係想搵到份工父母唔會擔我嘅工。

我個人冇實際夢想,唯有答佢我嘅夢想係身體健康,再講返上年因為身體有事,所以做唔到嘢,又要屋企人擔心照顧我,發現有健康身體真係好重要。我都唔知呢個問題係想人答啲咩,我咁樣答係咪衰咗9成?」

不少網民都安慰他並替他分析這條問題的真正意思!大家又知道這條問題應該如何解讀嗎?

即睇網民回應:(按圖了解)

網民:「冇夢想同條鹹魚有咩分別!」

網民:「就算係交行貨,你都要答得得體啲,雖然明知道個夢想冇可能實現。」

網民:「可以答啲同工作相關嘅夢想。」

網民:「HR用夢想提問就虛少少,通常正規台詞問你『未來5年規劃』」

網民:「似乎樓主都係職場新人,其實職場新人見工好多時都係人哋問乜就照答心嗰句,HR見怪不怪。樓主咁答當然唔係HR最想聽嘅答案,但亦未至於答得太騎呢,所以又唔一定衰梗。視乎佢哋有幾想要人,同埋呢份工請人嘅準則係乜。」

網民:「早十年前見工都已經有人問呢個問題,我心諗,喺18、22邊有夢想?如果答佢夢想係你間公司做,有邊個信?」

網民:「我嘅夢想就係唔使工作,為咗達成呢個夢想,我會努力工作,呢個答案夠唔夠癡線?」

網民:「夢想係中金多寶,唔使做!唔通可以咁答咩?」

網民:「可以搞吓gag嘅咪答:『做好呢一份工!』」

網民:「夢想係指想追求的目標,如果答身體健康,一係當你hea答;如果你係認真答,即係暗示你現況身體唔多好,真係衰咗9成。」

網民:「見工時,對方站在公司立場,只想聽閣下説些與工作有關的所謂夢想,只是一些客套對答。閣下下次見工前預備一些相關答案吧。」

網民:「夢想係得到呢份工。」

網民:「你答得幾好,又係真心話,同埋係好的想法。你想要一份好工作,你真心答就可以,佢buy你,你返工都唔需要裝扮,價值差異不太。」

言下之意是指未來規劃
其實面試官想了解的是:你的未來願景,公司可以提供嗎?你擁有的專業,是公司需要的嗎?整體而言,一場面試概括來說都只是想知道:

1.你是一個自律並會把自己的工作做好的人嗎?
2.你的能力和個性適合這個團隊嗎?
3.你會希望在公司穩定地發展嗎?
4.你未來想不想晉升?

所以,面試之前你需要想清楚這幾件事

1.應徵這份工作後,我對自己的期許和規劃是什麼?
2.我想在這個領域做多久?
3.我有野心接下管理職嗎?

你可以這樣答:

「我對應徵______這個職位感到非常興奮,因為在五年內,我希望能成為在_____領域具有深厚專業知識的人,我也想知道我是否能在這間公司做到這個願景。我也想在未來幾年承擔更多的管理職責,精進領導能力。也很期待可以跟一些出色的主管們合作,讓自己也發展成一名好的主管。」

(資料參考:betweengos.com)
 

延伸閱讀:【職場文化】被上司搶功勞 辛苦成果被沾光 點樣應對先啱?

 

延伸閱讀:【職場兩性】女同事Last Day突然表白 男事主苦惱:我有女朋友…

延伸閱讀:【職場熱話】9K請遊戲設計兼寫App 被網民大鬧無良公司!

延伸閱讀:【職場熱話】人工高、同事好 唯一苦惱係每日返工來回4個鐘!你會點做?

 


最新專訪片︰

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;