Next
【見工面試】畀面試官讚到上天花板 最後一樣得個吉！網民：永遠唔好信呢啲空頭支票！
【見工面試】畀面試官讚到上天花板 最後一樣得個吉！網民：永遠唔好信呢啲空頭支票！
2023-06-12
對於有經驗的打工仔而言，通常工作面試完結後就心中有數，知道自己被成功錄取的機會大不大。原因是他們會注意到面試官所透露出來的蛛絲馬跡，例如面試時間比原定的長、被告知是部門的理想人選，或是對方向自己提供詳細的後續資訊等，這些都是面試成功率高的跡象。
可惜現實總是免不了意外發生，近日有打工仔在社交平台「奴工處」發文，表示自己在面試過程中被面試官讚得「天花龍鳳」，以為工作Offer已經十拿九穩。誰知，面試過後一星期仍苦無回音。究竟是該公司需要更多時間處理面試後續事項，或是從頭到尾都只是樓主一廂情願的想法？
按圖即看樓主經歷：
呢排超想轉工⋯⋯終於畀我請假去見到一份心儀同有機會嘅工，當時In咗三粒鐘，見埋佢哋個Team Head，係差老細未見。
個Team Head話我不亢不卑，文筆都好流暢，寫嘢完全冇問題（我份工主要係寫嘢），而且講嘢好得體，都好有Sense，係唔明點解我會由大公司去細公司。最後仲話最後一關要見老細，會好快再搵我，仲畀埋貼士我見老細要答咩，有講有笑，仲介紹埋啲第時合作嘅同事畀我識。
等我滿心歡喜，點知等咗成個星期到而家都冇消息。我真係覺得點解唔Sure又要畀希望人？呢種失望嘅心情真係好大打擊，但同時又怪自己點解見過咁多工，都仲會信啲Interviewer講嘅嘢。
按圖即看網民留言：
網民 A：我之前見工嘅時候，嗰個主管同我講話差老細點頭，有9成機會見得成。最後等咗兩個禮拜都冇回音， 所以自此之後，呢啲空頭支票我都係唔會信！
網民 B：習慣咗就會冇感覺啦，有心請你嘅其實唔使理由都得。但唔請你就一定大把藉口。
網民 C：客氣少少打返去問一問先啦。
網民 D：佢應該係想請你，應該係其他人問題。
網民 E：我諗佢都想請你，但一去到老細就Ban咗，你係咪太貴？
網民 F：其實都係一個星期啫，如果真係急嘅就Email問吓啦。
網民 G：見3粒鐘咁耐？又真係會畀人感覺好大希望咁。
網民 H：好明白呢種心情，因為我啱啱試過，連好多細節及人工都講埋。最後點？差唔多成個月啦！
網民 I：我試過約好上去簽Contract，到個日打嚟話唔簽住，咪當佢走寶囉。
網民 J：因為你做開大公司嘅話，啲老細會怕你心野，做細行做做吓好快走。我都試過好多次，好少事。
網民 K：門面客套嘢啫，出Offer先為實。
不少網民建議樓主致電或發送電郵向該公司詢問，以表示誠意，同時讓自己的心安定下來。另外，有很多打工仔表示自己有過類似經歷，即使面試官開出一張華麗的「空頭支票」，最後結果仍然「得個吉」。始終見工的結果不由自己控制，在面試的過程中做好自己，然後以平常心靜待結果便可！
不少人說面試見工的時候，能否被成功聘請其實有跡可尋。一名台灣女生在Dcard討論區表示早前見工時瘋狂被面試官質問，覺得她不符合企業需求。事主面試後本以為失敗收場，卻在一周後收到成功獲聘的通知。事主說：「所以到底去不去好呢？明明面試時對我十分不滿意，最後又給我Offer。」網民都說先入職試試看？
按圖即了解事主分享和網民回應：
有人會將求職面試比喻為「相睇」或「First Date」，短短一至兩個小時內，求職者、部門主管或人力資源從業員都盼盡可能互相了解，從而判斷對方是否適合自己或企業，能找到適合的員工或職位當然是好事，但也會遇上不歡而散的情況。網上討論區Dcard有台灣求職者分享自己的經歷，指自己面試時當面被面試官奚落，令他不禁流淚，對此網友都紛紛安慰：「要是進了公司會更辛苦。」
點圖了解更多事主分享：
延伸閱讀：【見工面試】點解HR偏好打電話約面試？網民推測係想考求職者呢樣嘢！
延伸閱讀：【見工面試】10個Interview成功率高的跡象 面試時間長原來是好事？內附見工面試天書 齊集Interview對答及CV技巧！
最新專訪片︰
【星級斜槓族】Amber鄧卓殷港大建築碩士畢業 身兼KOL、普拉提導師及老闆娘 三線發展互相緊扣成長
Look out for further updates on our Facebook fan page!
Follow CTgoodjobs for the latest career news, hot topics and recommended jobs!