【見工面試】見工做Written Test開Google算唔算出貓?網民反應兩極

【見工面試】見工做Written Test開Google算唔算出貓?網民反應兩極

見工面試除了單對單對答外,還有許多不同模式。假若你打算投身於文字工作,筆試基本上是不可或缺的環節,當然有些機構也會透過筆試測試求職者的知識和解難能力,但為數不少的求職者發現,面試官在求職筆試開始前,未必如學生考試般禁止參考其他資料。究竟求職筆試能否上網使用Google搜尋所需資料呢?最近,「香港討論區」出現了一場討論相關問題的辯論,網民意見各異。

延伸閱讀:【CV必殺技】8招令Portfolio更易跑出

即睇事主分享及網民回應:(按圖了解)

提問者:究竟見工做written test拎部手機出嚟Google有無問題?

正方

網民:無問題啦,唔通做嘢唔使上網查嘢咩?

網民:考試咩!你無講唔得咁有咩問題?

網民:做嘢唔識嗰時都可以上網查嘢,問同事,問老細啦!用手機Google正常過正常,唔用嘅話,HR可能話你唔醒目,仲以為自己讀緊書吖!

網民:出嚟做嘢,最緊要做到。我背後有資源,支持到我完成工作,唔得嘅咩?

網民:我就唔覺得有乜問題喇。

網民:呢個或可能係入職條件,睇吓啲人遇到自己唔識嘅題會點解決。

網民:老細返工會唔會用Google?

網民:我之前見過間醫務所,佢要test疾病名稱及藥名,呢啲都係專業名詞,我有用Google搜尋,個HR都望到我攞住部手機,佢無話唔得,結果請咗我!

反方

網民:當然有問題,畀得你做test,當然係想考你個能力,個個都識上Google㗎啦, 咁做咩要請你?

網民:咁你叫老闆自己Google咪得囉,仲使乜考你?

網民:話可以嗰啲人應該以前考試作開弊,呢個係不誠實行為,即炒得。

清楚規則最重要

雖然網民意見兩極,但較多人認為求職筆試並非學校考試,考核期間運用其他資源協助未必有問題。一名網民認為各求職者毋須猜度求職筆試能否透過互聯網尋找合適答案,更留言指:「成班人估估吓,個人意見太多,其實無話唔准,就係可以!」不少網民對此深感同意,「(面試官)又無話唔得」,認為面試官指示如同學生考試首頁的考生須知一樣,若沒有列明禁止某某事項,考官不應禁止考生進行禁止事項以外的活動。

實際上,工作許多時候需要互聯網的協助,從而獲取適當解決問題辦法。有網民覺得工作首要目標為完成任務,更指「(如果我是老闆,)我會請用google搵到答案嗰個(求職者),而唔會有google都唔用而答唔到問題嗰個人。有得用都唔用,我就當佢唔識用。」

即使完成任務非常重要,但工作時應該守規矩,不應逾越任何必守的規則。

延伸閱讀:【見工面試】求職被問「你點解揀我哋公司?」 3個完美回答獲取HR歡心

延伸閱讀:【見工面試】面試被問「錢是甚麼顏色?」 求職者神回應獲取錄

延伸閱讀:【求職攻略】微小犯錯隨時面試機會都冇埋!6個禁忌求職者不能犯

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】打工仔煩惱應否申請曾拒絕的工作 僱主可保留求職者資料多久?

  • 【職場辛酸史】散工大王分享工作辛苦程度!警局認人戲子、寺廟拔香

  • 【花紅雙糧】公司幾時派花紅?企業財政年度各有不同!

  • 【2021職場回顧】打工仔年度關注議題 觀塘返工、地盤術語、「人生勝利組」上榜

  • 【職場熱話】失業唔敢同家人講 諗住扮工再搵工 網民齊勸事主應坦白

  • 【展望2022】審視不足與成就 8條問題準備年度自評

  • 【聖誕熱話】公司聖誕聚會 二百蚊交換禮物提案!網民:日本米一包

  • 【職場貼士】站著開會能增加創意?世界知名CEO的5個成功特質

  • 【職場文化】員工結婚老闆自薦做兄弟 同事苦惱唔知點拒絕……

  • 【性別平等】五分一女性渴望擔任領導職位 僅8%受訪者有正面職場平等經歷

Jobs You Maybe Interested In

刊登招聘廣告