【見工面試】打工仔面試被問及一條儀容問題 事主:係咪已經無希望?

【見工面試】打工仔面試被問及一條儀容問題 事主:係咪已經無希望?

隨著第五波疫情越見嚴重,政府於2月將表列處所的範圍擴大,當中髮型屋更成為新一個被勒令禁止營業的處所。自髮型屋於2月10日起被禁止停業以來,香港市民已近一個月沒有正式渠道理髮,令一眾短髮人士感到困擾。最近,有名打工仔在疫下獲得難得的見工面試機會,怎料一道有關髮型的問題令他對面試結果感到沮喪,遂到「香港討論區」發文分享事件,並詢問網民意見。

延伸閱讀:【見工奇遇記】見工遇上奇怪老闆 老闆茹素禁止員工食豬肉

即睇投稿人分享:(按圖了解)

事主:之前返舊公司幫手之後搵工,今日終於有得做online interview。
事主:今次見工搵份文職,唔打算再做零售業,因為我原本都有少少管理經驗。
事主:見工初頭都好地地,傾嗰陣我覺得都有機會見得成工,但當HR問上司有無咩想問我嘅時候……
事主:上司問:「點解你頭髮咁長都唔執整齊先見工?係咪你平時份人都係咁不修邊幅?」
事主:聽完佢個問題真係呆咗,我自己已經梳整齊咗,當時我又趕唔切尾班車去剪頭髮……
事主:我只可以答,因為剪唔到頭髮所以感覺上先好似好亂咁……
事主:之後間公司問多兩條問題就草草結束咗個interview,上司咁樣講我,係咪已經無希望?唉……

網民:自己剷光個頭算啦,夠乾淨又唔怕髮型屋唔開!
網民:擺明串緊你樣衰,上司賤格口臭入去做都唔方開心。
網民:你應該問返佢而家點剪頭髮!
網民:你應該同佢講,而家係政府唔畀市民剪頭髮,你仲問?!
網民:你整齊嘅定義喺外人眼中係不修邊幅,咁你要檢討下啦!
網民:你不如紮辮啦!
網民:其實你都不一定死,上司總會搵無聊問題問一下。
網民:我唔覺得你答得有問題,係人都知髮型屋無得開啦!
網民:明知髮型屋無開都問,即係等於同你講無得剪髮唔識變通,無管理才能。
網民:佢試緊你逆境下點樣處理好問題,而自己唔受影響,引伸落去返工點樣解決突發情況,你咁答好似唔關自己事,完全受到外界影響到自己,咁byebye囉!
網民:佢講乜都啱架啦,因為佢係上司,你以後入去返工,佢講乜你都要聽。
網民:無得剪頭髮真係好慘……

求職者應時刻保持整潔 僱主非常時期應體諒

見工面試關乎企業對求職者的第一印象,因此整潔的形象必不可少。除了衣著外,樣貌外觀同樣非常重要,求職者應盡量保持乾淨、清潔,避免讓人有凌亂的感覺。如果外貌不甚整潔,面試官或會將外面連繫到求職者平時的處事態度,即使實際能力絕佳也好,形象分也會大打折扣。求職者進入面試室,或進入面試平台時,衣著要得體,並以最佳形象示人。

誠然,髮型屋今日重開無期,不少人(尤其男士)對此深感困擾,眾多網民批評該面試老闆不理解當下非常時期而提出吹毛求疵的問題,有網民大呼:「而家係政府唔畀市民剪頭髮!」不過,另有網民指出,該老闆沒有可能不清楚疫下具爭議性的措施,反指出問題比較近似「質疑(事主)遇到困難唔識解決,不知變通」。

無論如何,相關面試已成定局,有網民唯有希望事主能在這艱難時間下獲得工作餬口。

根據政府現時最新防疫措施,髮型屋、健身房等表列出所須關閉至4月20日。

同場睇埋遙距面試的8大貼士:(按圖了解)

 

延伸閱讀:【見工面試】求職者常遇到的4類測試
延伸閱讀:【職場熱話】求職者害怕實體見工中肺炎 網民:乜都驚就唔使做人啦

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告