【見工面試】喺面試官面前喊！全因為對方做咗呢件事？Interview忍唔到眼淚可以點做？

求職過程中，處處碰壁的話求職者可能會承受很大的壓力，若負面情緒沒有適當宣洩，很可能會影響身心健康，過度抑壓情緒，有一天或會在意想不到的時候爆發。有求職者在Threads講述個人面試經歷，指在面試官做了某件事後，禁不住眼淚。

事主講述面試時哭泣的經過

點圖了解更多：

+29

+28

網民回應事件

A.抱抱，好彩見到你留言有話搵到心儀公司嘅工。

我第一份工就係last interview同個日本人老細zoom interview，隔住個Mon judge我講嘅嘢同能力，但我好好好努力，冇喺佢面前喊或者發嬲（離開咗間公司落到樓下cafe先忍唔住喊）

但第二日即刻收到offer，當時嘅上司話佢每個參加面試嘅人都會做stress test，然後話個日本人老細雖然咁話我，但我保持到冷靜，所以老細覺得我唔錯，即請，而之後日本人老細嚟香港office都對我幾好。但因為當時嘅我對面試未有好多經驗，所以嗰次嘅經驗就成為咗我對面試嘅陰影……

B.我仲係畢業生嗰陣試過面試差啲喊，當時係group interview，個老細出嚟in我哋，其他candidates都係有工作經驗，然後一聽到我嘅自我介紹之後就好惡咁話即係你係畢業生？

但我明明記得個應徵要求寫住歡迎畢業生，然後又叫我哋即場諗教材，喺度鬧我哋做得差，我差啲直接喊。

後來經歷咗咁多面試之後，就覺得其實interview唔只係佢試緊我啱唔啱做，我同時都想了解公司同個職位真係要做啲乜，基本上係佢揀你，你都有得揀佢，所以有時候有啲面試官面試嗰陣已經咁差，之後就算到正式返工都唔會好得去邊。你應該要慶幸可以喺見工嗰陣已經見識到入面啲人大約係點。

C.呢啲情況唔好喊，否則令呢啲人更得戚，之前都試過幾次呢啲懶醒嘅HR，真係忍唔住寸咗佢地幾句，有次仲反問嗰個HR介唔介意講吓佢地公司文化？部門管理方式大致係點？個HR即刻口窒窒。

D.講聲「Sorry 我唔係好舒服 」起身走！佢揀你，你揀佢！

E.試過，不過嗰陣係畀個部門主管鼓勵，所以先喊。

嗰陣畢業之後第一份工就畀人炒咗，頹咗半年，對自己能力冇自信，但係又意識到自己唔可以冇收入，所以咩工都見一餐。

結果見到某間media公司，個部門主管一嘢就話我「唔知自己想做咩，眼神入面冇靈魂」，跟住同我傾咗差唔多45分鐘，我仲要傾傾下喊咗出嚟。雖然最後佢冇請到我，但係我都好多謝嗰位部門主管點醒我。

F.工作，唔係你去求人哋收留自己，而係人地畀錢，買你嘅才能。所以你地之間係一份合約而非賣身契。你同公司係對等的，公司覺得你唔符合公司可以唔簽你，但反之亦然。

所以返工好見工又好，唔好將自己貶得太低，自信同氣場好緊要，要站穩自己立場，以免畀公司將你由公司合作職員壓榨成一個奴隸，最後壓力爆煲辛苦自己。

G.無，你要對自己有自信，呢間唔請會有下一間。我試過有公司，上咗去3次，佢都話老細喺大陸，趕唔到返嚟簽約，第四次打嚟，我已經冇聽佢電話，佢再打咗幾次嚟，我Reject佢offer。

試過有日本公司，要求面試5次，最後大老細飛咗嚟香港，得返我一個candidate……所以唔洗喊。HR壓價，彈三彈四，總之就想搵最平嘅人工請個最好嘅人，唔好咁而喊。HR把口係好毒，你要堅強啲！

H.我都試過，我記得當時我 apply份工去到間公司，個Director同我講個位唔係咁適合我，所以佢揾咗另一個部門嘅經理同我傾，話佢哋個位可能會啱我多啲；但其實傾落個經理唔係話太想in 我，佢都好坦白同我講面試係畀面個 Director，又提到佢個位有幾chur幾辛苦，有啲似遊說我唔好考慮個position，又話以我咁嘅學歷唔太值得做呢份工之類。個interviewer講啲嘢唔算尖酸刻薄嘅，不過嗰陣年紀比較細，加上又搵咗好多工都無咩回音，個人比較消沉，聽吓聽吓啲眼淚係個眼眶轉吓轉吓，忍得好辛苦。

I.鼓勵你！我當年中學畢業，正值巿道低迷，去咗見政府部門，因為唔識面試衣著同規矩，連CV都係一塌糊塗，結果畀幾個面試官玩到想喊，人生污點呀……

其實生活大壓力，稍有同理心嘅人都會明嘅。呢一刻個主管睇死你質疑你，可能下一刻自己搵到一份適合嘅工作，欣賞你嘅上司，唔使入去同嗰種人共事呢。

J.直接同佢講：我覺得你唔尊重我，我諗我已經冇興趣喺你公司工作，我哋結束interview吧！（起身走）呢啲公司，畀你入到去做，都唔會有好日子過，到時可能係日日喊。

K.經濟差嘅時候，有啲衰嘅公司會用專登不斷judge人嘅方式面用呢個方法去搵一啲性格比較

腍善嘅人出嚟，方便日後請你之後可以瘋狂咁樣欺壓。

當時喊咗出嚟係好正常，你冇做錯到。你只係遇到一間立心不良嘅公司。

L.見工已經咁樣打擊candidate，好多old seafood唔知點解就係鍾意用呢種方法test／control人，呢type上司管理能力同心地都好極有限，好在你已經搵倒心儀嘅工，冇畀佢地難聽嘅說話影響到自信！

M.你嘅價值唔應該由一個見咗你一陣，甚至完全唔認識你嘅人去判斷出嚟，佢咁樣judge你，其實好唔尊重你，希望你唔好因為咁樣而唔開心太耐。

知道搵工嘅一路上一定唔容易，但要記住自己一定有價值，唔好連自己都睇唔起自己啊！更加唔應該因為啲無謂人而唔開心，加油！！你好叻啦！

N.Take care！見過唔少次工，有唔少人的確都幾唔尊重人的。其實每個人都係與眾不同，唔可以用同一把尺度晒，佢地唔珍惜/欣賞自己係佢地睇錯嘢。

事主補充道在面試的第二天後已經找到心儀的公司，人們都紛紛恭喜事主。不少人都有過想在面試時哭泣的經驗，有人指這或許是面試官對事主的壓力測試，若能夠成功忍眼淚，很可能就能通過測試。有人指面試中，公司代表與求職者的身份是對等的，是互相了解對方的時間。不少人都安慰事主，指他的已經很能幹，不要因為這種人而感到不開心。

若果在面試時禁不住眼淚，可以怎麼辦？

的確，面試時哭泣是不專業的表現，求職網站Glassdoor表示不建議在面試時展現情緒，尤其是哭泣。如果害怕自己會在面試哭泣，可以在為自己進行練習，針對一些個人認為敏感的話題，練習回答問題，情緒失控。

求職網站The Muse有講述在職場上止住眼淚的方法，文章建議可以先吸一口深長的氣，保持一會兒，然後呼出那口氣。這個動作有助重置大腦，讓你能夠暫時忍住淚水。假如這個方法不適用，或許需要向面試官要求暫停面試，先到洗手間處理情緒後，再繼續面試。

5個有關在職場落淚的迷思

+13

+12

１／在辦公室應該保持冷靜？

無論是開心、悲傷或憤怒，我們大多數在辦公室都會壓抑情緒，表現冷靜，以免影響其他同事。不少心理研究指出，過度壓抑情緒，最後反彈的力量遠大於你正常釋放的情感。萬一持續累積負能量，最終只會大爆發。

２／負面情緒會影響行為？

情緒未必主宰我們的行為，有時候只是環境影響我們的情緒。例如身處於較高壓的工作環境，難免令心情煩躁，但並不表示會嚴重影響你的行為和判斷。只要你懂得客觀評價自己的情緒，找到適合的放鬆方法，例如大哭一場，便能避免情緒過度控制你的行為。

３／在公司哭泣會破壞專業？

根據研究，75%的中高級主管曾在職場上哭過，也沒有削弱他們的職涯發展。每個人都會有難過的時候，接納並表達自己的情緒，反而顯得更成熟穩重。而且團隊會覺得你更人性化，甚至可拉近彼此距離。

４／在同事面前流淚很丟臉？

許多人為了維護尊嚴，即使落淚也會假裝什麼事都沒發生。但當同事看見你紅腫的雙眼與鼻子時，不但會令辦公室氣氛尷尬，亦會引起胡亂猜測。倒不如承認自己當下情緒，簡單幾句話解釋，也讓別人有機會關心你。

５／為了工作而哭泣很可恥？

哭泣是人類正常的生理狀況，為了工作而哭亦不是什麼丟架事，與其責怪自己的脆弱，最重要是了解自己為什麼哭泣，再找應對方法，避免有相同情況再發生。

如果你的情緒處於低谷，認為職場給予你太多壓力，不妨先放下手頭上的工作，騰出時間閱讀書籍，讓心情回復平靜，再思考下一步該如何走。坊間有不少療癒心靈的勵志書，以下6本經典書值得一看。

5個於辦公室舒緩壓力的貼士

+16

+15

1/善待自己

文章指出，當我們重新投入新的日常生活時，應該對自己寛容，並認同自己的情況。
要明白經歷重大的轉變，是一件艱難的事情，從而善待自己。
調節心情，需要一段時間，若果你開始感到焦慮，你就應該先問一下自己，焦慮的來源是甚麼，為甚麼它會令你感到激動。
專家指出，有時透過焦慮，我們能夠了解到自己的身心想傳遞的信息，當我們越對自己溫柔，接受自己的情況，就越能夠安撫自己。
做自己覺得舒服的事情，並理解別人與自己有所不同，改善心態，相信情況會有好轉。

2/專注自己的事情

當對未知感到恐懼時，人就會不自禁預測最壞的結果。
雖然我們會對自己講，這都是我們為最壞的情況而做的準備，但當我們經常抱着這種思想，無意識間就會變得消極。
在這個時候，專注於自己做的事是一種解藥，專家建議我們可以將開心的事情記錄下來，當作是「感恩日記」，讓自己能夠集中於積極及發展得順利的事情上。
練習這種思維的方式，隨着時間越長，就越能將積極思想變成我們的習慣。

3/預測自己的一天

文章建議打工仔可以先想想自己在起床後工作的模樣，這種形式能為你消除當中的不確定性。
專家提出在一周之前，計劃好自己的行程，想好自己要穿些甚麼等等的細節。
有研究指出喝咖啡可能會導致焦慮，改為喝茶，能夠令你減低焦慮的機會。
文章提到，你可以透過練習與自己對話，從而減低緊張感，如：從「你最近過得怎樣」開始，想想應該如何回答，練習至令你覺得舒服為止。

4/為自己設定界限

在辦公室工作的時候，若果發現自己已經耗盡了精力，請給予自己一段短暫的休息時間。
這種休息可以是吃零食，或是與同事聊天等等。
給自己短暫的休息時間，能減低整天覺得疲倦的可能性。

5/適時告知僱主狀況

專家指出，若果焦慮的情況嚴重，打工仔應該要求醫，並將自己的情況告訴僱主。
提及自己的擔憂，與僱主一起尋求解決的方法，會對情況有很大的幫助，如：你因為人們在辦公室到處走動，而令你感到無法集中。在這個情況，能否在這段時間以混合工作模式上班。

資料來源：《西雅圖時報》（The Seattle Times）

延伸閱讀：【職場健康】工作壓力大又chur 返到有情緒病 網民: 唔使搵命搏嘅

延伸閱讀：【職場健康】同事情緒起伏大 喺Office又喊又笑 打工仔：可以點幫佢？

延伸閱讀：【職場健康】返工好大壓力 頭暈、心跳加速、日日有同事喊…

最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢

⏩⏩  需要請人？立即刊登招聘廣告！  ⏪⏪