【見工奇遇記】HR問一年後想有咩成就 求職者一句說話踩中地雷即叮走

【見工奇遇記】HR問一年後想有咩成就 求職者一句說話踩中地雷即叮走

疫情逐漸緩和,勞動市場狀況樂觀,連帶求職者的見工面試機會增加。想求職一撃即中,最好在準備面試過程時,預先練習跟面試官或HR的對答,否則就會好像本篇文章的事主一樣,明明學歷、對答都令面試官非常滿意,但卻因為HR一個「你一年後想有咩成就」的問題而講錯說話,秒速被叮走,更被公司路過食花生的打工仔被Post上網上討論區,引來網民熱烈討論。

按圖即睇求職者講錯甚麼說話而被秒速叮走︰

打工仔分享︰「因為我坐得好近會議室,當上司同HR做interview嗰陣,我成日都好易偷聽到佢哋講緊啲咩,又會見到應徵者個樣。今日嚟見工嘅係一位畢業咗成年嘅女仔,應徵助理,話就話係助理,但係實際上乜都要做。

原本聽佢哋傾嗰陣,都覺得佢合符上司要求,對答都好流暢,但係去到HR問咗佢呢個問題之後就上司就對佢即刻冇晒興趣。

HR:你如果入職之後你希望一年後自己有啲同成就?

女:我希望一年後可以係我坐喺度In人。

呢個答案完全踩中咗上司地雷,上司最怕就係啲好高騖遠嘅人,因為之前有個同事做咗半年之後,就鬧爆上司話唔賞識佢,做咗半年都唔加佢人工。自始之後上司就唔係咁鍾意啲大想頭嘅同事。唔通你今年開始做助理,下年就畀個經理你做咩?

個女仔答完5分鐘之後就離開,其實應該都唔會再見到佢,就算對答幾好但係人品夾唔到上司要求,就算你叻到曉飛都冇用。仲要其實個女仔都幾靚女,咁就冇咗個可以有靚女同事嘅機會,係唔係而家啲人見工都係咁好高騖遠?定係佢哋對自己真係太有自信?」

網民點睇?

A︰可能好有實力,但未知天高地厚!就算心想,也可以答其他答案。

B︰有野心都幾好啊!調轉思考佢坐你個位,咪代表in人個位向更高位置爬升。

C︰又唔算得好高騖遠嘅,有少少古怪啫。可以in人好巴閉咩?

D︰有志氣其實本身係一件好事,不過好多人真正問題係眼高手低,講就天下無敵,做就...

E︰咁叫好高騖遠?一個好普通嘅答法,唔通話自己一年後繼續想做二打六咩?

F︰嗰位女仔回答太直接又唔婉轉。而且,做HR面試員對敏感話題說話對答要婉轉。如果佢回答希望一年後有能力在旁學習如何In人會較好。

G︰我覺得好有問題,咁答即係話第時自己個位好危險,因為佢隨時會搶你個位。

H︰其實呢條問題好容易答,呢條問題係想睇你工作嘅態度或者係做人的態度,並不是要睇你有幾大野心,又或者睇你有什麼plan,呢啲HR 沒有興趣,同時你唔應該被人知道你嘅野心。

延伸閱讀︰【職場熱話】Headhunter出賣求職者 通報現職公司 網民:咁無職業道德

HR盤點請人黑名單
正所謂「人夾人緣」,無論是返工還是識朋友,運氣非常重要。不過,搵工見工除了要看運氣,求職者的態度亦是評分的標準。傳說每間公司請人都有一份黑名單,將不合格的求職者紀錄下來,方便不同的HR作為參考,以下就有多個HR認為最應該列入黑名單的例子,不妨參考一下︰

按圖了解HR請人黑名單︰

延伸閱讀︰【求職面試】見工最後問咩問題好?HR臨尾講呢幾句說話 獲聘機會高?!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工奇遇記】盤點面試被HR問過的古怪問題 「自己似邊個明星」都上榜

  • 【麻煩HR】見工後人工唔啱 不停被HR煩 求職者鬧爆︰夜晚8點打嚟

  • 【職場熱話】見工一分鐘即Out?HR只問3條問題?打工仔究竟衰乜?

  • 【職場熱話】面試HR遲到又言語單打 打工仔鬧爆︰見工唔代表接受你侮辱

  • 【職場熱話】10大「極品」HR 打工仔:就算間公司請我都會三思

  • 【求職面試】見工最後問咩問題好?HR臨尾講呢幾句說話 獲聘機會高?!

  • 【見工面試】見工準時係應份?HR:10個求職者有3個都遲到

  • 【返工血淚史】興趣變打工好痛苦 網民:興趣適合做副業

  • 【見工奇遇記】求職者要求面試有車錢補助 HR無故食死貓

  • 【見工奇遇記】自以為「皇親國戚」拉關係?HR嬲爆︰面試不停提老細

Jobs You Maybe Interested In

刊登招聘廣告