Next
【見工奇遇記】面試填問卷被HR質疑！被問點解入職先考慮「同事相處融洽」！求職者1個答案被HR稱讚！
【見工奇遇記】面試填問卷被HR質疑！被問點解入職先考慮「同事相處融洽」！求職者1個答案被HR稱讚！
2024-09-24
每間公司的企業文化及目標都有所不同，尋找的人才自然不一樣。為求找到適合的人才，公司面試時都以獨特的方式考驗求職者。有台灣求職者在Threads發文，指自己面試時被要求填一份問卷，填好後他被對方追問填寫「同事相處融洽」為考慮入職因素中最重要的原因，事主透過1個答案獲得HR的稱讚。
Table of Content
求職者分享面試奇怪經歷
事主：「今天去面試，填咗一張問卷，其中一個問題係：以下幾樣係你會考慮入職嘅因素，請挑出5樣並依照重要程度排序1至5。
選項有超過10樣：薪資、完整教育訓練、公司福利、交通距離、分紅與年終獎金、可靠嘅上司、同事相處融洽、明確嘅升遷管道、能夠學習嘅項目……等等。
HR：你寫第1排序係「同事相處融洽」，點解？
我：我覺得如果同事相處得好，返工會開心啲。如果同事之間相處唔好，可能會有比較大嘅壓力，或者遇到啲鍾意卸膊嘅同事，咁就可能要幫忙收拾爛攤子等等……
HR：我睇你似乎好在乎同事相處喎？之前有冇咩唔好嘅經驗？
我：其實冇，我前兩份工作嘅同事都好好，返工都好愉快，所以我先排佢做第一位，因為我鍾意呢種模式。我覺得自己好好彩，喺前兩份工作上都遇到咁好嘅同事。
HR：嗯，你知道喺職場上唔可以靠運氣去解讀㗎可？我喺呢度搵人，唔係睇我可唔可以好彩地搵到願意長期留低嘅人才，而係睇特質可唔可以搵到適合嘅人才。你都唔可以話咩靠運氣搵到合適嘅同事。
我：我講嘅幸運係表示我好感恩！
HR：咁你有冇諗過，你冇辦法選擇你會同咩人共事？我喺呢度做咗30年，我都冇辦法決定同邊個相處融洽、決定邊個好相處或者唔好相處。
我：咁我哋可以選擇自己成為一個好同事。
HR：你真係好聰明，講得啱，我哋可以自己選擇成為點樣嘅人。不過而家嘅年輕人好多都將同事相處融洽排序為第1或者第2。你哋有冇諗過，就算真係遇到好同事，嗰個同事會唔會都有可能辭職？我喺呢度都換過唔少下屬，上司都換過3至4個。甚至公司營運唔理想，總經理都有可能被換掉，呢啲事情係話唔埋嘅，我哋冇辦法決定，你點睇？
我：既然咁樣，點解呢個選項仲會喺份問卷入面呢？
HR：我只係想了解原因。而且如果你真係聰明，你應該知道，我已經從我哋啱啱嘅對話中測試咗你唔少特質。
我：當然！（我滿頭問號。）」
網民回應事主
A.以下為平行宇宙中嘅HR
第1排序 薪資：我睇你將人工排第1，係咪有其他公司畀更好嘅薪資你就會跳槽？職場上唔係淨係得錢，仲有其他更重要嘅嘢。
第1排序 完整教育培訓：我睇你好重視公司嘅完整教育培訓，但你知唔知，公司唔係使錢請你返嚟學嘢㗎？
第1排序 公司福利：睇你最在乎公司福利，但你知唔知？福利唔係你應得嘅，你應該更加重視你對公司嘅貢獻，而唔係你能得到嘅。
第1排序 可靠嘅上司：你冇辦法一直有上司保你喎？可靠上司要碰運氣，你都唔可以總係依賴上司啦。
第1排序 能夠學習嘅項目：你知唔知，公司唔係花錢請你學嘢㗎？
B.但我覺得同事好唔好，同企業文化有關。有啲企業非常強調平等同拒絕騷擾同事，一旦被檢舉，佢哋真係會非常用心去調查。呢種環境一定會營造出比其他公司更能相互尊重嘅氛圍同同事行為。
相反，有啲企業文化就係當員工係狗，冇自主空間，咁就比較難營造出畀其他人自由嘅同事行為。
C.我都係HR，你嘅回答幾好呀，表達咗自己嘅想法，仲覆得好得體；我反而覺得呢位HR，默默地透露咗公司狀況，聽起來幾唔穩定。
D.我都係HR啦，但除咗對方一直喺單方面輸出自己（可能佢經歷過一段失敗嘅職場人際關係）嘅個人觀點之外，我真係睇唔出你到底被測試咗啲咩特質，睇嚟你嘅人際適應力好強大！
E.感覺佢就是一個導致同事唔可以相處融洽嘅源頭。
F.遇到反駁慾好強嘅人就懶得再講啲咩，都係話「你啱呀」！
G.呢個問題幾好，日本都好常問呢啲問題，並唔係想了解面試者嘅完整答案（因為冇正確答案），而係想睇面試者喺被反問嗰陣點樣應對。我曾經面試時被問過「你遇過最難過嘅事同最高興嘅事，請你講下情況」，我當時真係呆咗，心諗咩問題嚟㗎？後期同HR Friend咗問佢，HR話係進階，想知道求職者嘅溝通能力同表達能力。
H.嗰個HR講嘅都係廢話，當你話出「幸運」係指感恩嘅時候，佢仲回應嗰種明顯價值觀完全唔同嘅說話，係我應該當場就走人。
I.我覺得佢喺暗示公司裡面有啲難搞嘅人，仲有可能有小圈子。
網民都讚事主有很強的應變能力及穩定的情緒，否則難以應付HR的這種提問。有網民笑言不論事主回答甚麼答案，HR都能夠反駁，反正就是「龍門任搬」。有自稱是HR的網民就稱讚事主，認為他回答得很好，相反是HR的表現不太好。有網民則覺得HR在暗示公司的同事或有小圈子。有網民則認為HR的問題適用於了解求職者的溝通及表達能力。
應對黑面面試官的5個訣竅
♦對方可能正在放空
有時候如果我們的回答太長、太累贅，對方很可能會陷入神遊狀態，他臉頰陰沉，或許只是因為純粹不專心。
♦如何得知面試官是否正在放空？
＊眼神渙散、目光呆滯
＊頻繁看手錶、玩手機等
＊面試官追問的問題缺乏連貫性，或對你的回答沒有跟進提問
＊要應對這種情況，你可以透過提出問題，或讓他們發表意見，重新爭取對方的注意力。
♦對方可能只是在認真思考
有時候，認真思考時會無法作出表情管理，自然作出看上去很嚴肅的表情。
♦如何得知面對官是否正在思考？
＊眼神及表情：皺眉或輕輕點頭等都是思考的常見表情。
＊肢體語言：如果面試官坐姿前傾，表示他們對你的回答感興趣並在思考如何進一步探討。
＊短暫的沉默：面試官在聽完你的回答後，可能會有短暫的沉默，這通常表示他們在思考你的回答內容。
♦對方可能天生就是臉色陰沉
♦如何得知面對官是否天生臉色陰沉？
＊表情一致性：如果面試官從一開始到結束都保持嚴肅的表情，可能是他們的自然狀態，而非對你的回答不滿意。
＊語氣：留意他們的語氣是否平和或友好，這比面部表情更能反映他們的態度。
＊肢體語言：觀察面試官的肢體語言是否開放和積極，如前傾身體、點頭等。
＊提問內容：如果面試官提出深入的問題並對你的回答表現出興趣，這表明他們可能只是表情嚴肅，而非對你不滿意。
面試官不滿意求職者面試表現的徵兆
＊即時反應：在你回答後立即皺眉、搖頭或嘆氣。
提問方式：在你回答問題後，對你的答案提出挑剔或反駁，而非進一步要求你解釋更多細節。
肢體語言：頻繁看手錶、玩手機或顯得不耐煩。
應對面試官黑面的5個訣竅
不要過度解讀：面試官的表情和態度可能受個人習慣或當天心情影響，不一定反映對你的回答不滿意。
保持積極心態：即使面試官表情嚴肅，也不要因此失去信心，保持積極心態。
尋求反饋：如果有機會，可以在面試後尋求反饋，了解面試官對你的回答的具體看法，有助幫助你改進下次面試的表現。
準備充分：充分準備面試問題和答案，增加你的自信心，減少面試過程中的壓力和焦慮。
專注於自我表現：專注於展示你的技能和經驗，保持專業和自信，向面試官展現你的能力，而不是過度關注面試官的表情和態度。
求職者回答面試官「點解要請你？」3大回答方向
強調自己的工作技能
♦若然自身的工作技能、能力與現時面試的職位有所關聯時，可以強調自己的工作技能能夠勝任此職位，若然有任何證書、獎狀、學歷資格，或作品集等均可以突顯你的工作能力可以為公司提高業績。
述說個人特質
♦不同職位都會暗地裏希望員工需符合某些個人特質，例如編輯需要一絲不苟的細心；客戶服務員比較有耐性；銷售員要較為外向，接待客人時不會羞怯。所以應徵崗位與自身的性格有吻合處時，可以提及自己有類似的性格特質，工作可以得心應手，融入團隊當中。
提及過往經驗
♦不論是繼續在同一行業工作或是轉行，請務必提及自己以往的經驗，將自己的工作技能、個人特質與以往成功的經驗相結合，曾面對甚麼樣的困難，如何面對及解決困難，用實際的往績說服面試官你是此職位的不二人選，讓面試官加深對你的印象。
延伸閱讀：【求職攻略】20年經驗招聘專家教路！求職者搵工時經常忘記的1件事！
延伸閱讀：【見工面試】Interview後冇offer有原因？20大職場新人未被取錄的可能性！教你調整搵工心態！
延伸閱讀：【求職攻略】HR竟然鼓勵求職者講大話？5大面試時應該美化的事項！
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!