【薪酬比較】同事成日八卦自己人工?人工是職場公開的秘密?

【薪酬比較】同事成日八卦自己人工?人工是職場公開的秘密?

即使你與同事關係多好,為了保護自己及對方的私隱,總有些話題不能掛在嘴邊,例如是薪金金額,這是職場潛規則之一,可是並非所有人都對這些潛規則照單全收。網上討論區Dcard有打工仔分享自己的經歷,指同事經常八卦自己的人工,最後更直接詢問事主的薪金價位,網民都提出自己的想法:「跟他說剛剛夠用就好」。究竟在職場,人工是否公開的秘密?

點圖了解更多事主經歷:

延伸閱讀:【職場貼士】待業期間無所事事?5個規劃有效降低求職焦慮
延伸閱讀:【職場貼士】5個開會不再浪費時間的方法

事主分享:

「因為我做緊嘅呢行,人工唔係固定嘅,係Interview嗰陣可以自己同HR傾,所以即使係同一個Position,人工都可能有幾千蚊差異。返工第一次出糧嗰陣,我隔籬個同事就已經想八卦我嘅人工有幾多。

例如我孭住某個手袋,佢就會話『呢個手袋有牌子喎,睇嚟你人工有唔少』。到Lunch Time嗰陣,因為天氣太熱,所以咪叫外賣,然後嗰個同事又會陰陽怪氣咁講:『外送費都要幾十蚊啦,咁都捨得畀,一定有好多閒錢頂啦』。

後來佢仲忍唔住,直接問我『其實你人工幾多?』我就敷衍了事講:『同你差唔多』之後就無理佢,其實佢係咩心態呢?知道我人工高過佢,係唔係可以爭取加人工?定佢知原來有人慘過佢,等自己個心理平衡啲?」

網民回應:

A/就咁睇人格,如果你高人工過佢,實會周圍唱衰你,低人工過佢,又會話你出面有搵外快

B/千萬唔好講,講咗無同事做

C/答佢啱啱好夠使就得啦

D/唔使理呢啲咁八嘅同事,再講多啲嘢,佢就會幫你扭曲完,再唱到全公司都知

E/公開人工有好處,可能你而家唔覺重要,但做多幾年,你就要知市價,去幫自己爭取,利申返,行行都唔同,我講吓咋

F/佢咁無禮貌嘅?

G/其實職場上,HR先係最怕你公開人工嗰個,因為大家都易咗同佢拗數,不過個同事問個方式同態度咁有問題,呢啲人唔答都無咩所謂

H/啲資訊唔流通,啲老細就可以壓搾員工

I/其實資訊透明,對員工係有利

尊重同事是基本
對事主的個案,網民都有不一樣的看法,有網民就認為不能夠提自己的人工,皆因同事很可能會將這件事當成八卦,與其他人分享;持相反意見的網民就指,公開人工對員工有好處,因為從中能夠知道職位現時的市價是甚麼。人工公開與否,都有好處與壞處,不過最重要的還是同事的意願。假使只為滿足自己的好奇心,而讓同事感到難堪,實在是一種非常不尊重的行為。你想得到別人的尊重,你先要學會尊重別人。

怎樣能夠成為別人眼中的好同事?(點圖了解更多)

 

即睇6個不能說的話題:

延伸閱讀:【見工面試】想由小薯晉身成管理層 面試可以點樣凸顯管理技能?
延伸閱讀:【職場文化】如何收服下屬的心?後疫情時代「好上司」必備5個特質

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【薪酬趨勢2024】人工中位數高達$31,800嘅行業係?揭曉20大行業每月工資中位數!

  • 【見工面試】期望薪酬係齋talk?打工仔嘆與實際收入大有出入!網民反問:你第一次返工咩?

  • 【職場熱話】最惡劣打工經驗係點樣?返六日、免費OT未算嚴重 更有僱主或觸犯法例

  • 【薪酬討論】年資越長薪酬越高?網民:薪酬應同能力掛勾!

  • 【薪酬趨勢2024】全港住戶月入中位數$30,000!18區月入排行榜出爐!住「富人區」中西區搵幾多?

  • 【打工仔薪酬】月薪僅得$15,000 抱怨香港物價過高只有$4,000食飯 網民:辭工啦!

  • 【CTgoodjobs獨家調查】《2024年第一季薪酬調查》 打工仔最新月入中位數為港幣$29,715 逾6成打工仔獲加薪 中西區公司月入中位數為18區之冠

  • 【薪酬趨勢2024】呢個職位月賺$48,000?公開9大主要工作所屬職業每月就業收入!

  • 【職場熱話】公司有特殊請假規矩 網民:好唔人性化……

  • 【職場趨勢】4成管理層擬上半年轉工 留職僅加薪3%至5% 轉職加薪逾一成半

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow