【職涯規劃】30歲欲轉行投10封CV 慘遭已讀不回?過來人點出1關鍵原因!

【職涯規劃】30歲欲轉行投10封CV 慘遭已讀不回?過來人點出1關鍵原因!

有人說「打死一份工,到老一場空」,為了自己的職涯發展着想,部分打工仔會選擇轉行投身另一個領域。轉換跑道絕對不是容易的事情,難免會有碰壁的經驗。

有求職者在網上討論區Dcard訴苦,指自己30歲想要轉行,投10封CV卻遭公司已讀不回,對此網民分享過來人經過,為事主拆解背後原因。

點圖了解更多事主分享:

事主分享:「係唔係公司都唔想請一個就嚟30歲嘅人?我以往嘅工作主要係餐飲業/服務業,西餐係我嘅專業領域,但我一直都好想試吓做Office嘅崗位,好似會計助理、行政之類。不過......投咗近10封CV去Apply唔同嘅職位,但都只係被已讀,但連面試嘅機會都冇。

請問係唔係因為我冇相關嘅經驗?但職位空缺明明係寫住『冇相關經驗都唔緊要』,定係真係過咗30歲或者即將30歲,要轉跑道已經好難?3字頭就冇人要?」

網民回應:

A/唔係年齡嘅問題,不過又好似有啲關係。你係想試吓Office工,咁你都知助理同行政工作嘅大概內容?喺餐飲業工作時,有冇邊啲技能或者能力,可能可以幫到呢兩個崗位嘅工作?

然後係薪水要求,你又願唔願意拎呢個領域嘅最低工資?我40歲先轉跑道,新工作所需嘅條件,我只係符合咗30%,不過仲係可以履歷上面嘅描述(詳細地描述嗰30%符合條件)同面試,搵到新工作,仲要求到多2成人工。

B/1/有想關經驗。 2/你搵嘅工好多人Apply。 3/佢寫冇經驗都得,唔代表佢要搵你嚟面試。

我都就嚟30歲,從美容業轉職到辦公室,運氣好重要。加油!

C/因為你應聘嘅職位,大學生畢業就可以做,通常公司都鍾意白紙。

D/你應徵嘅工作,競爭人數比較多,職位空缺會寫冇經驗都得,但如果可以,一般公司都唔會想從頭教起,轉換跑道原本就係唔容易嘅事,你有基本經驗,但要從頭學起。但你要諗吓喎,坐Office睇落好似唔需要咩體力咁,但都有競爭同精神壓力,甚至好多都話個Title都只係呃人,甚至起薪點唔會太高。

E/唔係唔想請30歲,只係唔想請已經30歲,但冇相關經驗嘅人。

F/做HR嘅嚟覆你,首先唔知你為咗轉工有咩準備?中途轉職完全係離開原本嘅領域的話,好容被認為係做厭咗,單純想換吓環境,但冇諗清楚,可能做一陣,發現現實同想像唔同,話咁快又唔做,除非你喺CV上面有清楚的求職動機及準備,唔係單純寫自傳咁話「我對行政好有熱情」而係證明你嘅熱情,話我知點解你放棄原本嘅專業。

如果上述講過嘅嘢,你都交代得唔清楚,真係寧願搵新人,至少唔係因為單純想逃避隨便搵份工嚟試,公司教育成本都要拿捏得好準確。

G/你想入Office吹冷氣做助理?唔只你想去,仲有其他好似你咁嘅人同新鮮人想做助理,答案係外在優勢,揀張靚相做「照騙」,會有多啲面試嘅機會,面試講緣份,冇經驗本來就好難講啲咩。仲有一個辦法,就係Apply啲搵唔到人或者地理位置偏僻嘅細公司,佢哋搵唔到人,自然取錄率會高啲,但扣埋交通費,都冇乜錢剩。

H/你先Apply得10間咁少,每次我重新開始搵工都要海投100至200間,面試機率先比較大。

自稱HR的網民提出關鍵原因
網民都毫不吝嗇向事主提供意見,有人認為即使職位空缺寫明「歡迎無經驗人士」也好,不代表公司要找事主面試。有人指事主應徵的職位,很多畢業生都能做到,正常公司偏好白紙。自稱HR的網民坦言CV假如沒有表明為轉行做的準備及動機,只是空口說白話,指自己有意投身新領域,普偏HR都不願將他納為考慮對象。

轉行怕適應不了該怎辦?(點圖了解更多)

即睇6個轉行面試的成功秘訣!

延伸閱讀:【職場英語】想喺Email快速表明目的? 教你7大「For your…」用法
延伸閱讀:【職涯規劃】30歲最後悔做過邊10件事?「拍拖太少」都上榜?
延伸閱讀:【職場熱話】好奇而家返工嘅人用乜中文輸入法多?網民:而家班00後好多都用普通話拼音啦!
延伸閱讀:【職場關係】10種職場「小人」典型特徵 小心過度友善 悲觀主義者

用你3分鐘!快啲填!🥳🥳🥳

《CTgoodjobs 2024年第一季薪酬趨勢調查》

👉https://bit.ly/CTgoodjobs2024年第一季薪酬趨勢調查 


最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行?!

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】In完即請嘅都係伏工?網民傳授1招辨清!如果有呢個特徵似中伏?

  • 【推薦信|工作】見工畀Reference Letter最佳時機係?向HR提交推薦信的4大重點

  • 【求職面試】獲取錄通知冇報到!而家去任職得唔得?網民因1關鍵理由支持事主!

  • 【轉工跳槽】見工要求加10%人工!竟被HR用1句KO?網民:係我直接走人!

  • 【推薦信英文|2024最新範本】請人代寫Reference Letter!邀請信要有咩內容?(內附範例)

  • 【推薦信|工作】點解HR會要求Reference Letter?對求職過程有咩影響?

  • 【求職招聘】口頭接受Offer竟被HR壓價!推晒其他公司點算?網民:冇白紙黑字聽吓好啦!

  • 【見工面試】見工都失敗!全因求職者1舉動?網民:難怪3個月見10間公司冇人請⋯⋯

  • 【面試攻略】被問「有冇In其他公司?」 可能係show off機會?專家教你應該咁答!

  • 【見工面試攻略2024】Interview失敗率高原來有得睇?15個跡象分析面試官/HR對你有冇興趣 一文睇埋見工面試天書!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow