【職場辛酸】久經職場難有真正朋友?樓主:朋友嘅價值只係互相利用⋯⋯

【職場辛酸】久經職場難有真正朋友?樓主:朋友嘅價值只係互相利用⋯⋯

多少職場初哥帶著滿腔熱忱投身社會,隨時日流逝慢慢被世途險惡的工作環境同化,變得城府深密,連孩提時代最親密的好友關係也漸漸疏遠⋯⋯最近有網民於香港討論區發文,慨嘆自己投身社會工作一段時間後,終於遇上身邊交心朋友寥寥無幾的問題,內心感到十分空虛。而一眾網民又對這個人生的必經階段抱有甚麼看法?

即睇樓主分享:

樓主:大家出嚟社會工作咁耐,覺唔覺得呢個年代,好難有真正嘅朋友?

樓主:有句說話係:朋友做唔到同事,同事好難成為朋友。有錢搵嘅地方就會有競爭、有比較、有利益衝突,就算幾好嘅朋友都有可能會反面。

樓主:同事與同事之間嘅相處都係戴住副假面具。有啲同事就算表面上對你客客氣氣,但心入面可能好憎你,想你快啲衰畀佢睇。

樓主:出面啲所謂嘅「朋友」,當你有利用價值嘅時候,例如問你借錢就主動搵你,扮晒同你好Friend,其實係想搵你着數。當你無利用價值嘅時候就睬你都傻,當你透明。

樓主:結婚擺酒嘅時候派帖,有啲識咗幾年嘅朋友話一定會嚟飲,結果擺酒前一晚打電話俾佢,佢先搵籍口話唔得閒過嚟,之後電話都Block埋我,以後無再聯絡。

樓主:大學時期玩得埋嗰幾個同學,出嚟做嘢之後都越嚟越少聯絡,就算Send Message畀佢哋都好少回覆。

樓主:到同學聚會,大家都係互相攀比吹噓,其實大家都只不過係做普通文職。

樓主:有人話:朋友嘅價值就係互相利用。事實上喺金錢至上嘅香港,的確如此。

即睇網民回覆:

網民:好多人都有種心態:恨你有,笑你無,嫌你窮,怕你富。

網民:其實不論友情又好、親情又好,有時候即使係親兄弟姊妹之間都睇唔過眼你過得比佢好,怕你富。

網民:以前有個同學都幾Friend,畢業後分別喺唔同公司工作。我後來轉咗新工先知原來新公司就係我同學任職嗰間公司。之後我同學對我嘅態度180度轉差,開始睇我唔順眼,同親我講嘢都窒頭窒勢,有時仲會喺老闆面前篤我背脊,後來我就辭咗職。

網民:想同事對自己有好印象就對人多啲笑容,如果同事有事太忙做唔到就主動去幫忙。

網民:人人都係為錢為自己,講到利益親人都無情講。街外人唔害你、唔搵你笨已經要感恩要多謝佢,千祈唔好有期望。

網民:出到嚟社會,有啲人講兩句懶Friend就話夾錢做生意、借錢。千祈唔好借比人,上千嗰啲多數伏。

網民:香港太細、生活壓力太大,令香港人太現實太勢利。所有嘢都同利益掛鈎,真係難有不計較嘅真心朋友⋯⋯

「朋友做唔到同事,同事做唔到朋友」未必是職場的永恆定律,但很多資深職人都對這一說法表示認同。但要在艱險的職場生存,也要與身邊的同事打好關係。

要避免禍從口出,即睇8個與同事聊天禁忌話題:

即刻按圖了解更多各行各業上班辛酸史!

延伸閱讀︰【職場辛酸】香港打工仔悲歌? 樓主:放工後嘅私人時間所剩無幾⋯⋯

延伸閱讀︰【職場辛酸】新同事被職場欺凌? 冇人教佢做嘢反被唱

延伸閱讀︰【職場辛酸】放完產假工作報告被評D級 事主:搵平機會告唔告得入?

延伸閱讀︰【職場辛酸】被上司精神折磨 向大老細告狀 佢竟然咁樣講⋯⋯⋯


最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【投行排名】行內人士票選!頭25間最值得加入嘅投行!摩根大通排第17 艾維克排第2 第1名係OOO?

  • 【食回頭草好唔好?】獲邀請加人工升職返舊公司做嘢 辭咗職先發現人工Title冇變 網民提醒簽咗約先好辭職!

  • 【人工報大數犯唔犯法?】打工仔稱面試時人工報大數 網民質疑:新公司唔Check咩?

  • 【人才流失】離職後被上司稱讚「低薪又好用」 事主:唔知笑好定喊好

  • 【投考ACO丨全年招聘2024】考咗3次ACO都失敗 事主究竟衰喺邊?一文睇清助理文書主任入職條件/人工/晉升/申請程序

  • 【職場趨勢】做管理層唔一定要有自信識表達 調查:擁有呢個特質嘅人先啱做管理

  • 【職場熱話】好工可遇不可求!點樣先叫做好工?網民:老闆好、同事融洽已經好難得!

  • 【見工面試】見工被人碎咗張畢業證書 事主:有無得叫佢賠錢?

  • 【職場矛盾】唔加人工被逼轉部門 事主:僱主有權咁對我?

  • 【職場辛酸】問責制、無人帶、人工低仲要同公司共渡時艱?事主:捱到依家先走算係咁!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow