【職場辛酸史】人到中年對工作失去動力事主：返工唔知為乜⋯⋯

CT熱話管理員

Published: 2025-12-29 18:15

Updated: 2025-12-29 18:15

人到中年，難免開始會失去工作的動力與希望，每天被繁瑣的事情捆綁著，情緒變得消極，亦會迷失方向。最近香港討論區就有網民發文，指自己年逾50碰上公司結業，被逼轉行。轉行後開始發現自己對工作失去動力，渴望退休卻被現實環境所限，受職業倦怠影響下該如何尋求出路？

即睇事主經歷：

事主：做到50幾歲公司先嚟執，焗住要轉行。事主：人生最後兩個工種就係保安同清潔。上年正式入行做保安，做過幾個盤，每個盤都發現佢問題。事主：依家轉做銀行盤，想觀察吓睇吓時間無咁長，放紅假會唔會好啲？事主：其實發現自己對工作已經失去動力，好想退休。事主：但我都知現實係無可能，做人真係好無意思⋯⋯

事主：做緊自己唔鍾意嘅工作，為生存而生活。睇唔到前景，都唔知做嚟為乜？

即睇網民回覆：

網民：為咗生活無辦法，不過工作只係生活一部分，希望收工可以輕鬆下。

網民：喺香港有無樓？有嘅話賣樓返大陸退休啦。

網民：我工作上都遇到困難，但我就會盡量樂觀去睇每一個人生階段，行得走得已經好感恩。

網民：因為你無搵到人生樂趣，又無目標。但你想退休嘅目標又唔夠強烈，只係純粹想，唔可以算係。

網民：改變唔到嘅就面對佢，全心投入份工作。同同事關係好啲，對客笑容好啲，一日好快幾個鐘就過去㗎啦。

網民：如果之前有管理經驗，好多保安公司都會請營運主任／助理經理，起碼人工高啲。當然一分錢一分貨，你做老散就唔同講法。

網民：人到中年真係無意思，唔返工又悶，又無得去旅行，返工又無乜動力。

網民：我自己低層無咩錢都打算40-50歲退休、拎綜緩，不過依家33仲後生所以都係做多8-10年先。

網民：係咪後生嗰時成日花天酒地？今朝有酒今朝醉人工個個月清？

網民：我年紀都差不多，無財政壓力，但咁又點？有錢無錢都要接受，自己調整心態，每日都有新體驗，活着健康就是福。

甚麼是職業倦怠？
綜觀上述因素，可見事主已受到職業倦怠的影響。職業倦怠是一種「由長期過度的壓力導致的情緒、精神和身體的疲勞狀態」，受影響的員工都會明顯降低工作效率。職業倦怠通常與日積月累的工作經驗、工作量相關，其結果表現為對客戶或同事的怠慢態度以及放棄工作的想法。受職業倦怠的人會變得消極，同時影響他們在家庭和職場外的社會關係和參與互動態度。

職業倦怠的原因
導致職業倦怠的原因包括：

—嚴厲的上司
—完美主義
—缺乏認可／難以發揮個人能力
—薪酬微薄
—永無休止的工作量、不可能的任務
—刁蠻客戶
—職場官僚風氣

如何預防／消除職業倦怠？立即按圖了解

+12

+11